Isaia ܐܫܥܝܐ 66

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Ez Dn

¹ܗܟܢܐ ܐܡ̇ܪ ܡܪܝܐ ܫܡܝܐ ܟܘܪܣܝ ܘܐܪܥܐ ܟܘܒܫܐ ܕܪ̈ܓܠܝ ܐܝܢܘ ܒܝܬܐ ܕܒܢ̇ܝܢ ܐܢܬܘܢ ܠܝ ܐܘ ܐܝܢܘ ܐܬܪܐ ܕܢܝܚܬܝ²ܗܠܝܢ ܟܠܗܝܢ ܐܝܕܝ ܥܒܕܬ ܘܕܝܠܝ ܐ̈ܢܝܢ ܗܠܝܢ ܟܠܗܝܢ ܐܡ̇ܪ ܡܪܝܐ ܘܒܡ̇ܢ ܐܚܘܪ ܘܐܥܡܪ ܐܠܐ ܒܢܝܚܐ ܘܒܡܟܝܟ ܪܘܚܐ ܕܙܐ̇ܥ ܡܢ ܡܠܬܝ³ܕܢ̇ܟܣ ܬܘܪܐ ܐܝܟ ܗ̇ܘ ܕܩ̇ܛܠ ܓܒܪܐ ܕܕܒ̇ܚ ܐܡܪܐ ܐܝܟ ܗ̇ܘ ܕܩ̇ܛܠ ܟܠܒܐ ܕܡܩܪܒ ܣܡܝܕܐ ܐܝܟ ܕܡܐ ܕܚܙܝܪܐ ܕܡܩܪܒ ܠܒܘܢܬܐ ܐܝܟ ܗ̇ܘ ܕܡܒܪܟ ܠܦܬܟܪ̈ܐ ܐܦ ܗܢܘܢ ܐܬܪܥܝܘ ܒܐܘܪ̈ܚܬܗܘܢ ܘܨܒܬ ܢܦܫܗܘܢ ܒܦܬܟܪ̈ܝܗܘܢ⁴ܐܦ ܐܢܐ ܐܨܒܐ ܒܒܘܙܚܗܘܢ ܘܐܦܪܘܥ ܐܢܘܢ ܥ̇ܒ̈ܕܝܗܘܢ ܥܠ ܕܩ̇ܪܝܬ ܘܠܝܬ ܕܥ̇ܢܐ ܘܡܠܠ̇ܬ ܘܠܐ ܫܡܥܘ ܘܥܒܕܘ ܕܒܝܫ ܩܕܡܝ ܘܓܒܘ ܡܕܡ ܕܠܐ ܨܒܝ̇ܬ⁵ܫܡܥܘ ܦܬܓܡܗ ܕܡܪܝܐ ܐܝܠܝܢ ܕܙܝܥ̇ܝܢ ܡܢ ܡܠܬܗ ܐܡܪܘ ܠܐ̈ܚܝܟܘܢ ܣܢ̈ܐܝܟܘܢ ܡܣ̈ܠܝܢܝܟܘܢ ܡܛܠ ܫܡܝ ܢܫܬܒܚ ܡܪܝܐ ܘܢܚܕܐ ܒܚܕܘܬܟܘܢ ܘܗܢܘܢ ܢܒܗܬܘܢ⁶ܩܠܐ ܕܕܠܘܚܝܐ ܡܢ ܩܪܝܬܐ ܘܩܠܐ ܡܢ ܗܝܟܠܐ ܩܠܗ ܕܡܪܝܐ ܕܦ̇ܪܥ ܦܘܪܥܢܐ ܠܒ̈ܥܠܕܒܒܘܗܝ⁷ܥܕܠܐ ܬܚܒܠ ܕܝ̇ܠܕܐ ܘܥܕܠܐ ܢܡܛܘܢ ܚܒ̈ܠܝܗ̇ ܘܬܦܠܛ ܕܟܪܐ⁸ܡ̇ܢ ܫܡܥ ܐܝܟ ܗܕܐ ܘܡ̇ܢ ܚܙܐ ܐܝܟ ܗܠܝܢ ܕܡܚܒܠܐ ܐܪܥܐ ܒܝܘܡܐ ܚܕ ܘܡܬܝܠܕ ܥܡܐ ܒܫܥܬܐ ܚܕܐ ܡܛܠ ܕܚܒܠܬ ܘܝܠܕܬ ܨܗܝܘܢ ܠܒ̈ܢܝܗ̇⁹ܐܢܐ ܝܗ̇ܒܬ ܣܘܟܝܐ ܗܢܐ ܘܠܐ ܡܘܠܕ ܐܢܐ ܐܡ̇ܪ ܡܪܝܐ ܕܠܡܐ ܠܐ ܗܘܐ ܐܢܐ ܡܘܠܕ ܐܢܐ ܘܟ̇ܠܐ ܐܢܐ ܐܡ̇ܪ ܐܠܗܟܝ¹⁰ܚܕܘ ܒܐܘܪܫܠܡ ܘܕܘܨܘ ܒܗ̇ ܟܘܠ ܪ̈ܚ̇ܡܝܗ̇ ܐܬܒܣܡܘ ܥܡܗ̇ ܒܒܘܣܡܐ ܟܠ ܕܗܘܘ ܒܐܒܠܐ ܥܠܝܗ̇¹¹ܘܬܐܢܩܘܢ ܘܬܣܒܥܘܢ ܡܢ ܬܕܐ ܕܒܘܝܐܗ̇ ܘܬܐܢܩܘܢ ܘܬܬܦܢܩܘܢ ܡܢ ܥܘܫܢܐ ܕܐܝܩܪܗ̇¹²ܡܛܠ ܕܗܟܢܐ ܐܡ̇ܪ ܡܪܝܐ ܗܐ ܪܡ̇ܐ ܐܢܐ ܥܠܝܗ̇ ܫܠܡܐ ܐܝܟ ܢܗܪܐ ܘܐܝܟ ܢܚܠܐ ܕܓ̇ܪܦ ܐܝܩܪܐ ܕܥܡ̈ܡܐ ܬܐܢܩܘܢ ܘܥܠ ܦܪ̈ܝܘܬܐ ܬܫܬܩܠܘܢ ܘܥܠ ܒܘܪ̈ܟܐ ܬܬܪܒܘܢ¹³ܐܝܟ ܓܒܪܐ ܕܡܒܝܐܐ ܠܗ ܐܡܗ ܗܟܢܐ ܐܢܐ ܐܒܝܐܟܘܢ ܘܒܐܘܪܫܠܡ ܬܬܒܝܐܘܢ¹⁴ܘܬܚܙܘܢ ܘܢܚܕܐ ܠܒܟܘܢ ܘܓܪ̈ܡܝܟܘܢ ܐܝܟ ܬܕܐܐ ܢܪܘܙܘܢ ܘܬܬܝܕܥ ܐܝܕܗ ܕܡܪܝܐ ܥܠ ܥܒ̈ܕܘܗܝ ܘܬܘܒܕ ܠܒ̈ܥܠܕܒܒܘܗܝ¹⁵ܡܛܠ ܕܗܐ ܡܪܝܐ ܒܢܘܪܐ ܐܬ̇ܐ ܘܐܝܟ ܥܠܥܠܐ ܡܪܟܒܬܗ ܕܢܗܦܘܟ ܒܚܡܬܐ ܕܪܘܓܙܗ ܘܟܐܬܗ ܫܠܗܒܝܬܐ ܕܢܘܪܐ¹⁶ܡܛܠ ܕܒܢܘܪܐ ܕܐ̇ܢ ܡܪܝܐ ܘܒܚ̇ܪ ܒܗ̇ ܠܟܠ ܒܣܪ ܘܢܣܓܘܢ ܩ̈ܛܝܠܘܗܝ ܕܡܪܝܐ¹⁷ܕܡܬܩܕܫܝܢ ܘܡܬܕܟܝܢ ܒ̈ܓܢܐ ܚܕ ܒܬܪ ܚܕ ܒܡܨܥܬܐ ܘܐܟ̇ܠܝܢ ܒܣܪܐ ܕܚܙܝܪܐ ܘܫܪܨܐ ܘܥܘܩܒܪ̈ܐ ܐܟܚܕܐ ܢܣܘܦܘܢ ܐܡ̇ܪ ܡܪܝܐ¹⁸ܘܐܢܐ ܝ̇ܕܥ ܐܢܐ ܥ̇ܒ̈ܕܝܗܘܢ ܘܬܪ̈ܥܝܬܗܘܢ ܡܐ ܕܐܬܝ̇ܬ ܠܡܟܢܫܘ ܠܟܠܗܘܢ ܥܡ̈ܡܐ ܘܠܠܫ̈ܢܐ ܘܢܐܬܘܢ ܘܢܚܙܘܢ ܐܝܩܪܝ¹⁹ܘܐܣܝܡ ܒܗܘܢ ܐܬܐ ܘܐܫܕܪ ܡܢܗܘܢ ܡܫ̈ܘܙܒܐ ܠܥܡ̈ܡܐ ܠܬܪܫܝܫ ܘܠܦܘܠ ܘܠܠܘܕ ܕܢܓ̇ܕܝܢ ܒܩܫܬܐ ܘܠܬܘܒܝܠ ܘܠܝܘܢ ܘܠܓܙܪ̈ܬܐ ܪ̈ܚܝܩܬܐ ܕܠܐ ܫܡܥܘ ܫܡܝ ܘܠܐ ܚܙܘ ܐܝܩܪܝ ܘܢܚܘܘܢ ܐܝܩܪܝ ܒܥܡ̈ܡܐ²⁰ܘܢܝܬܘܢ ܠܟܠܗܘܢ ܐܚ̈ܝܟܘܢ ܡܢ ܟܠܗܘܢ ܥܡ̈ܡܐ ܩܘܪܒܢܐ ܠܡܪܝܐ ܒܪ̈ܟܫܐ ܘܒܡܪ̈ܟܒܬܐ ܘܒܩܪ̈ܘܟܐ ܠܛܘܪܐ ܕܩܘܕܫܝ ܠܐܘܪܫܠܡ ܐܡ̇ܪ ܡܪܝܐ ܐܝܟ ܕܡܝܬܝܢ ܒܢ̈ܝ ܐܝܣܪܝܠ ܣܡܝܕܐ ܒܡܐ̈ܢܐ ܕܟ̈ܝܐ ܠܒܝܬܗ ܕܡܪܝܐ²¹ܘܐܦ ܡܢܗܘܢ ܐܣܒ ܠܟܗ̈ܢܐ ܘܠܠܘ̈ܝܐ ܐܡ̇ܪ ܡܪܝܐ²²ܐܝܟ ܫܡܝܐ ܚ̈ܕܬܐ ܘܐܪܥܐ ܚܕܬܐ ܕܥܒ̇ܕ ܐܢܐ ܕܩܝ̇ܡܝܢ ܩܕܡܝ ܐܡ̇ܪ ܡܪܝܐ ܗܟܢܐ ܢܬܩܝܡ ܙܪܥܟܘܢ ܘܫܡܟܘܢ²³ܘܢܗܘܐ ܡܢ ܙܒܢ ܐܝܪܚ ܒܐܝܪܚ ܘܡܢ ܙܒܢ ܫܒܐ ܠܫܒܐ ܢܐܬܘܢ ܟܠ ܒܣܪ ܠܡܣܓܕ ܩܕܡܝ ܐܡ̇ܪ ܡܪܝܐ²⁴ܘܢܦܩܘܢ ܘܢܚܙܘܢ ܫ̈ܠܕܝܗܘܢ ܕܓܒܪ̈ܐ ܕܐܥܠܝܘ ܒܝ ܕܠܐ ܡܝ̇ܬܐ ܬܘܠܥܗܘܢ ܘܢܘܪܗܘܢ ܠܐ ܕܥܟ̇ܐ ܘܢܗܘܘܢ ܕܘܡܪܐ ܠܟܠ ܒܣܪ

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Ez Dn

Altre sezioni del sito

Utility

SCRUTATIO

Isaia ܐܫܥܝܐ 66

Confronta con un'altra Bibbia

Cambia Bibbia