Giuditta ܝܗ̱ܘܕܝܬ 16

1 2 3 4 5 6 7 8 9 10 11 12 13 14 15 16

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml

¹ܘܐܡ̣ܪܬ ܝܗܘܕܝܬ. ܫ̇ܒܚܘ ܠܡܪ̈ܝܐ ܒ̈ܦܠܓܐ. ܙܡ̣ܪܘ ܠܗ ܒܨܨ̈ܠܐ. ܫ̇ܒܚܘ ܠܗ ܬܫܒܘܚܬܐ ܚܕܬܐ. ܘܪܡܪܡܘܗܝ ܘܩܪܘ ܒܫܡܗ²ܐܢܬ ܗܘ ܐܠܗܐ ܕܡ̇ܫܚܩ ܩܪ̈ܒܐ. ܡܪܝܐ ܕܣܡ̣ܬ ܡܫܪܝܬܐ ܒܓܘ ܥܡܟ. ܠܡܦܪܩ ܐܢܘܢ ܡܢ ܐܝ̣ܕܐ ܕܐܠܘܨ̈ܝܗܘܢ³ܐܬܐ ܐܬܘܪܝܐ ܡ̇ܢ ܛܘ̣ܪ̈ܝ ܓܪܒܝܐ̣. ܐܬ̣ܐ ܒܪ̈ܒܘܬܐ ܕܚܝܠܗ. ܒܣܘܓܐܗܘܢ ܣ̣ܟܪܘ ܢ̈ܚܠܐ. ܘܪ̈ܟܫܗܘܢ ܟܣܝܘ ܪ̈ܡܬܐ⁴ܐܡ̣ܪܘ ܠܡܘܩܕܘ ܬܚܘ̈ܡܝ. ܘܠܓܕ̈ܘܕܝ ܢܩ̇ܛܠ ܒܚܪܒܐ. ܘܠܝܠܘ̈ܕܐ ܢܫ̇ܩܦ ܥܠ ܐܪܥܐ. ܘܛ̈ܠܝܐ̣ ܢܬܠ ܠܫܒܝܐ̣. ܘܒܬܘ̈ܠܬܝ ܠܒܙܬܐ⁵ܡܪܝܐ ܚܝܠܬܢܐ ܛܠ̣ܡ ܐܢܘܢ. ܒܐܝܕܐ ܕܢܩܒܬܐ ܐܒܗܬ ܐܢܘܢ⁶ܡܛܠ ܕܠܐ ܗܘܐ ܡܢ ܓܕܘ̈ܕܐ ܢܦ̣ܠܘ ܚܝ̈ܠܬܢܝܗܘܢ. ܘܐܦܠܐ ܡܢ ܒ̈ܢܝ ܥܫܝܢ̈ܐ ܡܚܐܘܗܝ. ܘܐܦܠܐ ܓܒܪ̈ܐ ܕ̇ܪ̈ܡܝܢ ܒܩܘܡ̈ܬܐ ܐܪܡܝܘ ܥܠܝܗܘܢ. ܐܠܐ̣ ܝܗܘܕܝܬ ܒܪܬ ܡܪܪܝ. ܒܫܘܦܪܐ ܕܐ̈ܦܝܗ̇ ܫܕܠܬܗ⁷ܫܠܚ̣ܬ ܡܐ̈ܢܝ ܐܪܡ̇ܠܘܬܗ̣̇. ܠܬܫܒܘܚܬܐ ܕܟܐܒܘ̈ܗܝ ܕܐܝܣܪܝܠ. ܡܫܚ̣ܬ ܐܦܝ̈ܗ̇ ܒܒܣܡܐ.⁸ܐܣ̣ܪܬ ܓܕ̈ܘܠܝܗ̇ ܒܣܪܝܓܬܐ. ܘܠܒ̣ܫܬ ܢܚܬ̈ܝܗ̇ ܠܡܛܥܝܘܬܗ⁹ܘܡܣ̈ܢܝܗ̇ ܚܛܦ ܥܝ̈ܢܘܗܝ ܘܫܘܦܪܗ̇ ܫ̇ܒ̣ܐ ܢܦ̇ܫܗ. ܦܣ̣ܩ ܢܐܢܪܗ ܨܘܪܗ¹⁰ܙܥ̇ܘ ܦܪ̈ܣܝܐ ܡܢ ܡܪܚܘܬܗ̇. ܘܡܕ̈ܝܐ ܡܢ ܥܘܫܢܗ̇ ܐܬܒܪܘ¹¹ܗܝܕܝܢ ܝܒܒ̇ܘ ܡܟ̈ܝܟܝ. ܘܩܥܘ ܟܪ̈ܝܗܝ ܘܢܦ̣ܠܘ. ܘܐܪܝܡܘ ܩܠܗܘܢ ܘܐܬܬܒܪܘ¹²ܐܝܟ ܕܠܥܠܝܡܬܐ ܕܓܫܘ ܐܢܘܢ. ܘܐܝܟ ܕܠܥ̣ܒ̈ܕܐ ܡܪ̈ܘܕܐ ܩ̇ܛܠܘ ܐܢܘܢ. ܐܒ̣ܕܘ ܐܝܟ ܕܡܢ ܡ̇ܫܪܝܬܗ ܕܡܪܝܐ. ܐܠܗܢ¹³ܐܫ̇ܒܚ ܠܐܠܗܝ ܬܫܒܘܚܬܐ ܚܕܬܐ. ܡܪܝܐ ܚܝܠܬܢܐ. ܪܒ ܐܢܬ ܘܫܒܝܚ ܘܓܢܒܪ ܒܚ̣ܝܠܐ. ܘܠܐ ܡܙܕܟܐ ܐܢܬ¹⁴ܠܟ ܢܦܠܚܘܢ ܟܠܗܘܢ ܥܡܡ̈ܐ. ܘܠܟ ܬܫܬܥܒܕ ܟܠܗ̇ ܐܪܥܐ ܒܪܝܬܟ. ܡܛܠ ܕܐܢܬ ܐܡ̣ܪܬ ܘܗܘܘ. ܘܣܕܪܬ ܐܢܘܢ ܘܐܬܩܝܡܘ. ܘܠܝܬ̇ ܡ̇ܢ ܕܠܘܩܒܠ ܡܠܬܟ ܢܩܘܡ¹⁵ܛܘ̣ܪ̈ܐ ܡܢ ܫܬܐ̈ܣܝܗܘܢ ܥܡ ܡܝܝܗ̈ܘܢ ܢܙܘܥܘܢ. ܘܫܘ̈ܥܐ̣ ܐܝܟ ܫܥܘܬܐ ܢܬܦܫܪܘܢ ܡܢ ܩܕܡܝܟ. ܘܥܠ ܕܚܠܝܟ ܬܚ̇ܣܐ¹⁶ܡܛܘܠ ܕܙܥܘܪܝܐ ܗܝ ܟܠ ܕܒܚܬܐ̇ ܠܪܝܚ ܣܘܬܐ. ܘܒܨܝܪ ܗܘ ܟܠ ܬܪܒܐ ܠܝܩ̈ܕܐ ܫܠܡ̈ܐ. ܘܐܝ̇ܢܐ ܕܕܚ̇ܠ ܠܡܪܝܐ. ܪܒ ܗܘ ܠܘܬܗ ܒܟܘܠ ܙܒܢ¹⁷ܘܝ ܠܥܡܐ ܕܩܐ̇ܡ ܥܠ ܥ̇ܡܝ. ܡܪܝܐ ܚܝܠܬܢܐ ܡܬܬܒܥ ܡܢܗܘܢ̇. ܒܝܘܡܐ ܕܕܝ̣ܢܐ ܢܬܒܥ ܐܢܘܢ ܘܢܣܥܘܪ ܐܢܘܢ̇. ܘܢܬܠ ܒܣܪܗܘܢ ܠܢ̇ܘ̣ܪܐ ܘܠܬܘܠܥܐ. ܘܢܐܩܪܘܢ ܒܪܘܫܥܐ ܥܕܡܐ ܠܥܠܡ¹⁸ܘܗܘܐ ܕܟܕ ܐܬܬ ܠܐܪܫܠܡ ܘܣܓ̣ܕܘ ܠܡܪܝܐ̣. ܘܟܕ ܐܬܕܟܝ ܥܡܐ ܘܐܝܬܝܘ ܝܩ̈ܕܝܗܘܢ ܫ̈ܠ̣ܡܐ ܠܡܪܝܐ ܘܕܒ̈ܚܐ ܐܡܝܢܐܝܬ̣¹⁹ܘܐܝܬ̣ܝܬ ܝܗܘܕܝܬ ܡܐ̈ܢܘܗܝ ܕܐܠܦܪܢܐ̇. ܘܟܠܬܐ ܕܢܣ̣ܒܬ ܡܢ ܩܝܛܘܢܐ̣. ܘܝܗܒ̣ܬ. ܐܢܘܢ ܚܪܡܐ ܠܡܪܝܐ²⁰ܘܗܘܘ ܥܡܐ ܚ̇ܕܝܢ ܒܐܘܪܫܠܡ ܩܕܡ ܒܝܬ ܡܩܕܫܐ. ܝܪܚ ܝܘ̈ܡܝܢ. ܘܝܗܘܕܝܬ ܩܘܝܬ ܥܡܗܘܢ ܬܡܢ ܒܐܘܪܫܠܡ.²¹ܘܡܢ ܒܬܪ ܝܘܡ̈ܬܐ ܗܠܝܢ̣. ܗܦ̣ܟ ܐܢܫ ܠܡܫܟܢܗ. ܘܝܗܘܕܝܬ ܐܙ̣ܠܬ ܠܒܝܬ ܦ̇ܠܘ ܠܒܝܬ ܩܢܝܢܗ̇. ܘܗܘܬ ܡܝܩܪܐ̣ ܠܟܠܗ̇ ܐܪܥܐ²²ܘܣܓ̈ܝܐܐ ܐܬܪܓܪܓܘ ܠܡܣܒܗ̣̇. ܘܠܐ ܚܟܡܗ̇ ܓܒܪ ܟܘܠܗܘܢ ܝܘܡ̈ܬܐ ܕܚ̈ܝܝܗ̇. ܡܢ ܝܘܡܐ ܕܡܝܬ ܡܢ̇ܫܐ ܒܥܠܗ̇²³ܘܟܡܐ ܕܐܬ̇ܝܐ̣ ܡܐܪܒ ܝ̇ܪܒܐ ܗܘܬ. ܥܕܡܐ ܕܝܪ̣ܒܬ ܛܒ. ܘܣܐ̣ܒܬ ܒܒܝܬܗ ܕܡ̇ܢܫܐ ܒܥܠܗ̇. ܘܗܘܬ ܒܪܬ ܡܐܐ̣ ܘܚܡܫ ܫ̈ܢܝܢ. ܘܡܝܬܬ ܒܝܬ ܦ̇ܠܘ. ܘܐܬܩ̣ܒܪܬ ܒܡ̈ܥܪܬܐ ܥܡ ܡ̇ܢܫܐ ܒܥܠܗ̇²⁴ܘܐܬܐܒܠ ܥܠܝܗ̇ ܟܠܗ ܒܝܬ ܐܝܣܪܝܠ ܫܒܥܐ ܝܘ̈ܡܝܢ. ܘܦܠܓ̣ܬ ܢܟ̈ܣܝܗ̇ ܡܢ ܩܕܡ ܡܘܬܗ̇. ܠܟܠܗܘܢ ܩܪ̈ܝܒܘܗܝ ܕܡ̇ܢܫܐ ܒܥܠܗ̇. ܘܠܐܝܠܝܢ ܕܩܪܝܒܝܢ ܠܫܪܒܬܗ̇. ܘܫܒ̣ܩܬ ܠܐ̈ܡܬܗ ܒܢ̈ܬ. ܚܐܪ̈ܐ²⁵ܘܠܐ ܗܘܐ ܬܘܒ ܕܡ̇ܕܚܠ ܠܒ̈ܢܝ ܐܝܣܪܝܠ ܟܠܗܘܢ ܝܘܡ̈ܬܗ̇ ܕܝܗܘܕܝܬ. ܘܐܦ ܡܢ ܒܬܪ ܡܘܬܗ̇ ܝܘܡ̈ܬܐ ܣܓܝܐ̈ܐ ܀ ܫܠܡ ܟܬܒܐ ܕܝܗܘܕܝܬ ܀

1 2 3 4 5 6 7 8 9 10 11 12 13 14 15 16

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Bar Ez Dn Os Gl Am Abd Gn Mi Na Ab Sof Ag Zc Ml

Altre sezioni del sito

Utility

SCRUTATIO

Giuditta ܝܗ̱ܘܕܝܬ 16

Confronta con un'altra Bibbia

Cambia Bibbia