Numeri 34
123456789101112131415161718192021222324252627282930313233343536
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Locutusque est Dominus ad Moysen, dicens : | 1 Locutusque est Dominus ad Moysen dicens: |
2 Præcipe filiis Israël, et dices ad eos : Cum ingressi fueritis terram Chanaan, et in possessionem vobis sorte ceciderit, his finibus terminabitur. | 2 “ Praecipe fi liis Israel et dices ad eos: Cum ingressi fueritis terram hanc Chanaan, et in possessionem vobis sorte ceciderit, his finibus terminabitur. |
3 Pars meridiana incipiet a solitudine Sin, quæ est juxta Edom : et habebit terminos contra orientem mare salsissimum. | 3 Pars meridiana incipiet a solitudine Sin, quae est iuxta Edom, et habebit terminos contra orientem mare Salsissimum. |
4 Qui circuibunt australem plagam per ascensum Scorpionis, ita ut transeant in Senna, et perveniant a meridie usque ad Cadesbarne, unde egredientur confinia ad villam nomine Adar, et tendent usque ad Asemona. | 4 Qui circuibunt australem plagam per ascensum Acrabbim (id est Scorpionum), ita ut transeant in Sin et perveniant ad meridiem Cadesbarne, unde egredientur ad Asaraddar et tendent usque ad Asemona. |
5 Ibitque per gyrum terminus ab Asemona usque ad torrentem Ægypti, et maris magni littore finietur. | 5 Ibitque per gyrum terminus ab Asemona usque ad torrentem Aegypti, et maris Magni litore finietur. |
6 Plaga autem occidentalis a mari magno incipiet, et ipso fine claudetur. | 6 Plaga autem occidentalis a mari Magno incipiet et ipso fine claudetur. |
7 Porro ad septentrionalem plagam a mari magno termini incipient, pervenientes usque ad montem altissimum, | 7 Porro ad septentrionalem plagam a mari Magno termini incipient pervenientes usque ad montem Hor, |
8 a quo venient in Emath usque ad terminos Sedada : | 8 a quo venient in introitum Emath usque ad terminos Sedada. |
9 ibuntque confinia usque ad Zephrona, et villam Enan. Hi erunt termini in parte aquilonis. | 9 Ibuntque confinia usque ad Zephrona et Asarenon. Hi erunt termini in parte aquilonis. |
10 Inde metabuntur fines contra orientalem plagam de villa Enan usque Sephama, | 10 Inde metabuntur fines contra orientalem plagam de Asarenon usque Sephama; |
11 et de Sephama descendent termini in Rebla contra fontem Daphnim : inde pervenient contra orientem ad mare Cenereth, | 11 et de Sephama descendent termini in Rebla ad orientem Ain; inde descendent et pervenient ad latus maris Chenereth in oriente |
12 et tendent usque ad Jordanem, et ad ultimum salsissimo claudentur mari. Hanc habebitis terram per fines suos in circuitu. | 12 et tendent usque ad Iordanem, et ad ultimum Salsissimo claudentur mari. Hanc habebitis terram per fines suos in circuitu ”. |
13 Præcepitque Moyses filiis Israël, dicens : Hæc erit terra, quam possidebitis sorte, et quam jussit Dominus dari novem tribubus, et dimidiæ tribui. | 13 Praecepitque Moyses filiis Israel dicens: “ Haec erit terra, quam possidebitis sorte et quam iussit Dominus dari novem tribubus et dimidiae tribui. |
14 Tribus enim filiorum Ruben per familias suas, et tribus filiorum Gad juxta cognationum numerum, media quoque tribus Manasse, | 14 Tribus enim filiorum Ruben per familias suas et tribus filiorum Gad iuxta cognationum numerum media quoque tribus Manasse, |
15 id est, duæ semis tribus, acceperunt partem suam trans Jordanem contra Jericho ad orientalem plagam. | 15 id est duae semis tribus, acceperunt partem suam trans Iordanem contra Iericho ad orientalem plagam ”. |
16 Et ait Dominus ad Moysen : | 16 Et ait Dominus ad Moysen: |
17 Hæc sunt nomina virorum qui terram vobis divident, Eleazar sacerdos, et Josue filius Nun, | 17 “ Haec sunt nomina virorum, qui terram vobis divident: Eleazar sacerdos et Iosue filius Nun |
18 et singuli principes de tribubus singulis, | 18 et singuli principes de tribubus singulis, |
19 quorum ista sunt vocabula. De tribu Juda, Caleb filius Jephone. | 19 quorum ista sunt vocabula: de tribu Iudae Chaleb filius Iephonne; |
20 De tribu Simeon, Samuel filius Ammiud. | 20 de tribu Simeon Samuel filius Ammiud; |
21 De tribu Benjamin, Elidad filius Chaselon. | 21 de tribu Beniamin Elidad filius Chaselon; |
22 De tribu filiorum Dan, Bocci filius Jogli. | 22 de tribu filiorum Dan Bocci filius Iogli. |
23 Filiorum Joseph de tribu Manasse, Hanniel filius Ephod. | 23 Filiorum Ioseph: de tribu Manasse Hanniel filius Ephod, |
24 De tribu Ephraim, Camuel filius Sephthan. | 24 de tribu Ephraim Camuel filius Sephtan. |
25 De tribu Zabulon, Elisaphan filius Pharnach. | 25 De tribu Zabulon Elisaphan filius Pharnach; |
26 De tribu Issachar, dux Phaltiel filius Ozan. | 26 de tribu Issachar dux Phaltiel filius Ozan; |
27 De tribu Aser, Ahiud filius Salomi. | 27 de tribu Aser Ahiud filius Salomi; |
28 De tribu Nephthali, Phedaël filius Ammiud. | 28 de tribu Nephthali Phedael filius Ammiud ”. |
29 Hi sunt, quibus præcepit Dominus ut dividerent filiis Israël terram Chanaan. | 29 Hi sunt, quibus praecepit Dominus, ut dividerent filiis Israel terram Chanaan. |