Giuditta ܝܗ̱ܘܕܝܬ 10

1 2 3 4 5 6 7 8 9 10 11 12 13 14 15 16

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Ez Dn

¹ܘܗ̣ܘܐ ܕܟܕ ܫܠܝ̣ܬ ܝܗܘܕܝܬ̣. ܡܢ ܕܠܡܓܥܐ ܠܘܬ ܐܠܗܐ ܕܐܝܣܪܝܠ ܘܫܠ̣ܡܬ ܟܠܗܘܢ ܦܬܓܡ̈ܐ ܗܠܝܢ²ܩܡܬ ܡܢ ܕܪܡܝܐ ܗܘܬ. ܘܩ̣ܪܬ ܠܛܠܝܬܗ̣̇. ܘܢܚ̣ܬܬ ܠܒܝܬܗ̇. ܐܝܟ̇ܐ ܕܗܘܝܐ ܗܘܬ ܒܫܒ̈ܐ ܘܒܥܐܕ̈ܐ³ܘܫܪܬ ܣܩܐ ܕܠܒ̣ܝܫܐ ܗܘܬ. ܘܫܠ̣ܚܬ ܡܐܢ̈ܐ ܕܐܪܡܠܘܬܗ̇. ܘܐܫܝܓ̣ܬ ܦܘܡܗ̇ ܒܡ̈ܝܐ. ܘܡܫ̣ܚܬ ܡܫܚܐ ܓܒܝܐ. ܘܡܫ̣ܚܬ ܣܥܪ̈ܐ ܕܪܫܗ̇. ܘܣܡ̣ܬ ܡܣ̈ܢܐ ܒܪ̈ܓܠܝܗ̇. ܘܠܒ̣ܫܬ ܡܐܢ̈ܐ ܕܚܐܪܘܬܗ̇. ܕܠܒ̇ܫܐ ܗܘܬ ܒܝܘ̈ܡܝ ܚܝܘ̈ܗܝ ܕܡܢ̇ܫܐ ܒܥܠܗ̇⁴ܘܣܡ̣ܬ ܣܒܟܐ ܒܪܝܫܗ̇. ܘܣ̇ܡܬ ܩܘ̇ܠܒ̈ܝܗ̇. ܘܐܩ̈ܠܢܝܗ ܘܥܙܩ̈ܬܗ̇ ܘܩܕ̈ܫܝܗ̇. ܘܟܠܗ ܨܒܬܗ̇. ܘܐܨܛܒܬܬ ܕܛ̇ܒ ܐܝܟ ܕܠܡܚܛܦ ܥܝܢ̈ܐ ܕܐܢܫܐ ܕܚ̇ܙܝܢ ܠܗ⁵ܘܝܗ̣ܒܬ ܠܐܡܬܗ̇ ܥܠܘܐ ܕܚ̣ܡܪܐ̣ ܘܡܐܢܐ ܕܡܫܚܐ. ܘܡܠ̣ܬ ܬܪܡܠܐ ܫܚܬܝܬܐ. ܘܕܒ̈ܠܐ ܘܠܚܡܐ. ܘܐܪ̣ܡܝܬ ܬܡܢ ܓܒܬܐ. ܘܚܙ̣ܩܬ ܡܐܢ̈ܝܗ̣̇. ܘܣܡܬ ܥܠ ܐܡܬܗ̇⁶ܘܢ̣ܦܩ ܬܪ̈ܬܝܗܝܢ. ܘܐܬ̈ܝ ܕܡܕܝܢܬܐ. ܘܐܫܟܚ ܬܡܢ ܠܥܘܙܝܐ̇. ܘܠܣ̈ܒܐ ܕܡܕܝܢܬܐ ܚܒܪܝ̣ ܘܟܪܡܝ⁷ܘܚܙܘ ܫܘܚܠܦܐ ܕܐܦ̈ܝܗ̇. ܘܡܥܛܦܐ ܕܢܚܬܝܗ̇. ܘܬܡܗܘ ܛܒ ܥܠ ܫܘܦܪܗ̇. ܘܐܡ̣ܪܘ ܠܗ̇⁸ܐܠܗܗܘܢ ܕܐܒ̈ܗܝܢ ܢܬܠ ܠܟܝ ܪ̈ܚ̣ܡܐ̣. ܘܬܫܠܡܝܢ ܨܢܝܥܘܬܟܝ̇. ܠܫܘܒܚܐ ܕܒ̈ܢܝ ܐܝܣܪܝܠ̣ ܘܠܪܘܡܐ ܕܐܪܫܠܡ. ܘܢܦ̣ܠܬ ܥܠ ܐܦ̈ܝܗ̇ ܘܣܓ̣ܕܬ ܠܐܠܗܐ⁹ܘܐܡ̣ܪܬ ܠܗܘܢ. ܦܩܘܕܘ ܦܬ̇ܚܝܢ ܬܪ̈ܥܐ ܕܡܕܝܢܬܐ. ܘܐ̇ܦܘܩ ܘܐ̇ܫܠܡ ܦܬܓ̈ܡܐ ܕܡܠܠܬܘܢ ܥܡܝ. ܘܦ̣ܩܕܘ ܠܥܠܝܡ̈ܐ ܕܢܦܬܚܘܢ ܠܗ̇ ܬܪܥܐ̣. ܐܝܟ ܕܐܡ̣ܪܬ¹⁰ܘܥܒ̣ܕܘ ܒ̈ܢܝ ܡܕܝܢܬܐ ܗܟܢܐ. ܘܢܦ̣ܩܬ ܝܗܘܕܝܬ ܗܝ̣ ܘܛܠܝܬܗ̇ ܥܡܗ̇. ܘܕܩܘ ܒ̈ܢܝ ܡܕܝܢܬܐ ܥܕܡܐ ܕܢܚ̣ܬܬ ܡܢ ܛܘ̣ܪܐ. ܘܟܕ ܐ̇ܬܝ ܠܐܘܠܘܢܐ. ܬܘܒ̣ ܠܐ ܚܙܐܘܗ̇¹¹ܘܐܙܠ̣ܬ ܒܓܘ ܐܘܠܘܢܐ ܬܪܝܨܐܝܬ ܘܦܓܥ̣ܬ ܒܡܛܪܬܐ ܩܕܡܝܬܐ ܕܒ̈ܢܝ ܐܬܘܪ¹²ܘܐܚܕܘܗ̇ ܘܫܐܠܘܗ̇ ܘܐܡ̇ܪܝܢ ܠܗ̇. ܡܐ ܛܒܟܝ ܘܡܢ ܐܝܡ̇ܟܐ ܐܬ̣ܝܬ̣. ܘܠܐ̇ܝܟܐ ܐܙܠ̣ܬܝ. ܘܐܡ̣ܪܬ ܠܗܘܢ ܒܪܬ ܥܒܪ̈ܝܐ ܐܢܐ. ܘܥܪ̣ܩܬ ܡܢܗܘܢ̣. ܡܛܠ ܕܥܬܝܕܝܢ ܐܢܘܢ ܠܡܫܬܠܡܘ ܠܟܘܢ ܠܡܐܟܘܠܬܐ¹³ܘܐܢܐ ܐܬ̇ܝܬ ܠܘܬ ܐܠܦܪܢܐ ܪܒ ܚܝܠܟܘܢ. ܕܐܘܕܥܗ ܦܬܓܡܐ ܕܩܘܫܬܐ ܘܐܚܘܝܘܗܝ ܐܘܪܚܐ ܕܢܐܙܠ ܒܗ. ܘܢܫܠܛ ܒܟܠܗ ܛܘܪܐ ܘܠܐ ܢܛܥܐ ܡܢܗ ܚܕ ܡܢ ܒ̈ܢܝ ܒܣܪܐ. ܘܐܦܠܐ ܪܘܚܐ ܕܚ̈ܝܐ¹⁴ܘܟܕ ܫܡ̣ܥܘ ܥܒܕܐ ܦܬܓܡ̈ܝܗ̇ ܚܪܘ ܒܐ̈ܦܝܗ̇ ܘܬܡܝܗ ܗܘܐ ܫܘܦܪܗ̇ ܒܥܝܢ̈ܝܗܘܢ ܛܒ¹⁵ܘܐܡ̣ܪܘ ܠܗ̇. ܐܚܝܬܝ ܢܦܫܟܝ ܠܛܒܬܐ. ܕܐܣܬܪܗܒܬ ܢܚܬܬ̇ܝ ܩܕܡ ܡܪܢ. ܡܟܝܠ ܩܪܘܒܝ ܠܘܬ ܡܫܟܢܗ. ܘܐܢ̈ܫܐ ܡܢܢ ܢܘܒܠܘܢܟܝ̣. ܥܕܡܐ ܕܢܫܠܡܘܢܟܝ ܒܐܝܕܘ̈ܗܝ¹⁶ܘܟܕ ܬܩܘܡܝܢ ܩܕܡܘܗܝ ܠܐ ܬܕܚܠܝܢ ܒܠܒܟܝ. ܐܠܐ ܚܘܐܝܘܗܝ ܦܬܓܡܝܟܝ̣ ܘܢܛܐܒ ܠܟܝ.¹⁷ܘܓܒܘ ܡܢܗܘܢ ܡܐܐ ܓܒܪ̈ܝ̣ܢ. ܘܐܫܠܡܘܗ̇ ܠܗ̣̇ ܘܠܥܠܝܡܬܗ̇. ܘܐܝܬܝܘ ܐ̈ܢܝܢ ܠܡܫܟܢܗ ܕܐܠܦܪܢܐ¹⁸ܘܗ̣ܘܐ ܪܗܛܐ ܒܟܠܗ̇ ܡܫܪܝܬܐ. ܡܛܠ ܕܐܫܬܡ̣ܥܬ ܡܐܬܝܬܗ̇. ܠܐܝܠܝܢ ܕܒܡܫ̈ܟܢܐ. ܘܐܬ̣ܘ ܘܟܪܝܟܝܢ ܗܘܘ ܠܗ̇. ܟܕ ܩܝܡܐ ܠܒܪ ܡܢ ܡܫܟܢܐ ܕܐܠܦܪܢܐ. ܥܕܡܐ ܕܐܡ̣ܪܘ ܠܗ ܥܠܝܗ̇¹⁹ܘܬܡ̣ܗܘ ܒܫܘܦܪܗ̇. ܘܩ̇ܒܠܘ ܦܬܓ̈ܡܝܗ̇ ܡܢ ܕܛ̇ܒܝܢ ܗܘܘ ܛܒ. ܘܐܬܕܡܪܘ ܒܒ̈ܢܝ ܐܝܣܪܐܝܠ ܡܛܠܬܗ̇. ܘܐܡ̇ܪܘ ܓܒܪ ܠܚܒܪܗ. ܡ̇ܢ ܢܒܣܐ ܒܥܡܐ ܕܐܝܬ ܒܗ ܐܝܟ ܗܠܝܢ ܢܫ̈ܐ. ܠܐ ܘ̇ܠܐ ܕܢܫܬܚܪ ܡܢܗܘܢ ܐܢܫ. ܕܠܐ ܟܕ ܢܫܬܚܪܘܢ ܢܬܚܟܡܘܢ ܠܟܠܗ̇ ܐܪܥܐ. .²⁰ܘܢܦ̣ܩܘ ܟ̇ܠܗܘܢ ܦܠܚ̈ܘܗܝ ܕܐܠܦܪܢܐ ܘܟܠܗܘܢ ܥܒܕ̈ܘܗܝ̣. ܘܐܥܠܘܗ̇ ܠܡܫܟܢܐ²¹ܘܐܠܦܪܢܐ ܪܡ̣ܐ ܗܘܐ ܘܢܝܚ ܒܥܪܣܗ ܒܓܘ ܟܠܬܗ̣. ܕܙܩܝܪܐ ܒܐܪܓܘܢܐ ܘܒܕܗܒܐ. ܘܒܐܙܡܪܓܕܐ. ܘܒܟܐ̈ܦܐ ܛ̇ܒ̈ܬܐ²²ܘܐܡ̣ܪܘ ܠܗ̇ ܥܠܝܗ̇. ܘܗ̣ܘ ܟܕ ܫ̣ܡܥ̣. ܢܦ̣ܩ ܠܕܪܬܐ ܕܡܫܟܢܐ̇. ܘܠܡܦ̈ܕܐ ܕܣܐܡܐ ܕ̇ܠܩܝܢ ܗܘܘ ܩܕܡܘܗܝ. ܘܐܥܠܘܗ̇ ܠܘܬܗ²³ܘܟܕ ܩܡܬ ܝܗܘܕܝܬ ܩܕܡܘܗܝ ܘܩܕܡ ܥ̈ܒ̣ܕܘܗܝ̣. ܐܬܕܡܪܘ ܟܠܗܘܢ ܒܫܘܦܪܐ ܕܐ̈ܦܝܗ̇. ܘܢܦ̣ܠܬ ܥܠ ܐ̈ܦܝܗ̇ ܘܣܓ̣ܕܬ ܠܗ. ܘܐܚܕܘܗ̇ ܥܒܕ̣ܘܗܝ ܘܐܩܝܡܘܗ̇

1 2 3 4 5 6 7 8 9 10 11 12 13 14 15 16

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir Is Ger Lam Ez Dn

Altre sezioni del sito

Utility

SCRUTATIO

Giuditta ܝܗ̱ܘܕܝܬ 10

Confronta con un'altra Bibbia

Cambia Bibbia