ΙΩΒ - Giobbe - Job 3

¹ μετα τουτο ηνοιξεν ιωβ το στομα αυτου

² και κατηρασατο την ημεραν αυτου λεγων

³ απολοιτο η ημερα εν η εγεννηθην και η νυξ εν η ειπαν ιδου αρσεν

⁴ η ημερα εκεινη ειη σκοτος και μη αναζητησαι αυτην ο κυριος ανωθεν μηδε ελθοι εις αυτην φεγγος

⁵ εκλαβοι δε αυτην σκοτος και σκια θανατου επελθοι επ' αυτην γνοφος

⁶ καταραθειη η ημερα και η νυξ εκεινη απενεγκαιτο αυτην σκοτος μη ειη εις ημερας ενιαυτου μηδε αριθμηθειη εις ημερας μηνων

⁷ αλλα η νυξ εκεινη ειη οδυνη και μη ελθοι επ' αυτην ευφροσυνη μηδε χαρμονη

⁸ αλλα καταρασαιτο αυτην ο καταρωμενος την ημεραν εκεινην ο μελλων το μεγα κητος χειρωσασθαι

⁹ σκοτωθειη τα αστρα της νυκτος εκεινης υπομειναι και εις φωτισμον μη ελθοι και μη ιδοι εωσφορον ανατελλοντα

¹⁰ οτι ου συνεκλεισεν πυλας γαστρος μητρος μου απηλλαξεν γαρ αν πονον απο οφθαλμων μου

¹¹ δια τι γαρ εν κοιλια ουκ ετελευτησα εκ γαστρος δε εξηλθον και ουκ ευθυς απωλομην

¹² ινα τι δε συνηντησαν μοι γονατα ινα τι δε μαστους εθηλασα

¹³ νυν αν κοιμηθεις ησυχασα υπνωσας δε ανεπαυσαμην

¹⁴ μετα βασιλεων βουλευτων γης οι ηγαυριωντο επι ξιφεσιν

¹⁵ η μετα αρχοντων ων πολυς ο χρυσος οι επλησαν τους οικους αυτων αργυριου

¹⁶ η ωσπερ εκτρωμα εκπορευομενον εκ μητρας μητρος η ωσπερ νηπιοι οι ουκ ειδον φως

¹⁷ εκει ασεβεις εξεκαυσαν θυμον οργης εκει ανεπαυσαντο κατακοποι τω σωματι

¹⁸ ομοθυμαδον δε οι αιωνιοι ουκ ηκουσαν φωνην φορολογου

¹⁹ μικρος και μεγας εκει εστιν και θεραπων ου δεδοικως τον κυριον αυτου

²⁰ ινα τι γαρ δεδοται τοις εν πικρια φως ζωη δε ταις εν οδυναις ψυχαις

²¹ οι ομειρονται του θανατου και ου τυγχανουσιν ανορυσσοντες ωσπερ θησαυρους

²² περιχαρεις δε εγενοντο εαν κατατυχωσιν

²³ θανατος ανδρι αναπαυμα συνεκλεισεν γαρ ο θεος κατ' αυτου

²⁴ προ γαρ των σιτων μου στεναγμος μοι ηκει δακρυω δε εγω συνεχομενος φοβω

²⁵ φοβος γαρ ον εφροντισα ηλθεν μοι και ον εδεδοικειν συνηντησεν μοι

²⁶ ουτε ειρηνευσα ουτε ησυχασα ουτε ανεπαυσαμην ηλθεν δε μοι οργη