Tehillim (תהילים) - Salmi 9

MODERN HEBREW BIBLE	Miqra 'al pi ha-Mesorah
1 למנצח עלמות לבן מזמור לדוד אודה יהוה בכל לבי אספרה כל נפלאותיך	1 לַמְנַצֵּחַ עַל־מוּת לַבֵּןמִזְמוֹר לְדָוִֽד׃
2 אשמחה ואעלצה בך אזמרה שמך עליון	2 אוֹדֶה יְהֹוָה בְּכׇל־לִבִּיאֲסַפְּרָה כׇּל־נִפְלְאוֹתֶֽיךָ׃
3 בשוב אויבי אחור יכשלו ויאבדו מפניך	3 אֶשְׂמְחָה וְאֶעֶלְצָה בָךְאֲזַמְּרָה שִׁמְךָ עֶלְיֽוֹן׃
4 כי עשית משפטי ודיני ישבת לכסא שופט צדק	4 בְּשׁוּב־אוֹיְבַי אָחוֹריִכָּשְׁלוּ וְיֹאבְדוּ מִפָּנֶֽיךָ׃
5 גערת גוים אבדת רשע שמם מחית לעולם ועד	5 כִּֽי־עָשִׂיתָ מִשְׁפָּטִי וְדִינִייָשַׁבְתָּ לְכִסֵּא שׁוֹפֵט צֶֽדֶק׃
6 האויב תמו חרבות לנצח וערים נתשת אבד זכרם המה	6 גָּעַרְתָּ גוֹיִם אִבַּדְתָּ רָשָׁעשְׁמָם מָחִיתָ לְעוֹלָם וָעֶֽד׃
7 ויהוה לעולם ישב כונן למשפט כסאו	7 הָֽאוֹיֵב ׀ תַּמּוּ חֳרָבוֹת לָנֶצַחוְעָרִים נָתַשְׁתָּאָבַד זִכְרָם הֵֽמָּה׃
8 והוא ישפט תבל בצדק ידין לאמים במישרים	8 וַֽיהֹוָה לְעוֹלָם יֵשֵׁבכּוֹנֵן לַמִּשְׁפָּט כִּסְאֽוֹ׃
9 ויהי יהוה משגב לדך משגב לעתות בצרה	9 וְהוּא יִשְׁפֹּֽט־תֵּבֵל בְּצֶדֶקיָדִין לְאֻמִּים בְּמֵישָׁרִֽים׃
10 ויבטחו בך יודעי שמך כי לא עזבת דרשיך יהוה	10 וִיהִי יְהֹוָה מִשְׂגָּב לַדָּךְמִשְׂגָּב לְעִתּוֹת בַּצָּרָֽה׃
11 זמרו ליהוה ישב ציון הגידו בעמים עלילותיו	11 וְיִבְטְחוּ בְךָ יוֹדְעֵי שְׁמֶךָכִּי לֹֽא־עָזַבְתָּ דֹרְשֶׁיךָ יְהֹוָֽה׃
12 כי דרש דמים אותם זכר לא שכח צעקת עניים	12 זַמְּרוּ לַיהֹוָה יֹשֵׁב צִיּוֹןהַגִּידוּ בָעַמִּים עֲלִֽילוֹתָֽיו׃
13 חננני יהוה ראה עניי משנאי מרוממי משערי מות	13 כִּֽי־דֹרֵשׁ דָּמִים אוֹתָם זָכָרלֹֽא־שָׁכַח צַעֲקַת עניים עֲנָוִֽים׃
14 למען אספרה כל תהלתיך בשערי בת ציון אגילה בישועתך	14 חָֽנְנֵנִי יְהֹוָהרְאֵה עׇנְיִי מִשֹּׂנְאָימְרוֹמְמִי מִשַּׁעֲרֵי מָֽוֶת׃
15 טבעו גוים בשחת עשו ברשת זו טמנו נלכדה רגלם	15 לְמַעַן אֲסַפְּרָה כׇּֽל־תְּהִלָּתֶיךָבְּשַׁעֲרֵי בַת־צִיּוֹןאָגִילָה בִּישֽׁוּעָתֶֽךָ׃
16 נודע יהוה משפט עשה בפעל כפיו נוקש רשע הגיון סלה	16 טָבְעוּ גוֹיִם בְּשַׁחַת עָשׂוּבְּרֶֽשֶׁת־זוּ טָמָנוּ נִלְכְּדָה רַגְלָֽם׃
17 ישובו רשעים לשאולה כל גוים שכחי אלהים	17 נוֹדַע ׀ יְהֹוָה מִשְׁפָּט עָשָׂהבְּפֹעַל כַּפָּיו נוֹקֵשׁ רָשָׁעהִגָּיוֹן סֶֽלָה׃
18 כי לא לנצח ישכח אביון תקות ענוים תאבד לעד	18 יָשׁוּבוּ רְשָׁעִים לִשְׁאוֹלָהכׇּל־גּוֹיִם שְׁכֵחֵי אֱלֹהִֽים׃
19 קומה יהוה אל יעז אנוש ישפטו גוים על פניך	19 כִּי לֹא לָנֶצַח יִשָּׁכַח אֶבְיוֹןתִּקְוַת ענוים עֲנִיִּים תֹּאבַד לָעַֽד׃
20 שיתה יהוה מורה להם ידעו גוים אנוש המה סלה	20 קוּמָה יְהֹוָה אַל־יָעֹז אֱנוֹשׁיִשָּׁפְטוּ גוֹיִם עַל־פָּנֶֽיךָ׃
	21 שִׁיתָה יְהֹוָה ׀ מוֹרָה לָהֶםיֵדְעוּ גוֹיִםאֱנוֹשׁ הֵמָּה סֶּֽלָה׃