Numeri ܡܢܝܢܐ 29

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir

¹ܘܒܚܕ ܒܝܪܚܐ. ܒܝܪܚܐ ܕܫܒܥܐ. ܩܪܝܐ ܘܩܕܝܫܐ ܢܗܘܐ ܠܟܘܢ. ܘܟܠ ܥܒ̇ܕ ܕܦܘܠܚܢܐ ܠܐ ܬܥܒܕܘܢ. ܝܘܡܐ ܕܝܘܒܒܐ ܢܗܘܐ ܠܟܘܢ.²ܘܥܒܕܘ ܝܩ̈ܕܐ ܫ̈ܠܡܐ ܠܪܝܚܐ ܕܣܘܬܐ ܠܡܪܝܐ. ܬܘܪܐ ܚܕ ܒܪ ܒܩܪܐ ܘܕܟܪܐ ܚܕ. ܘܐܡܪ̈ܐ ܒܢ̈ܝ ܫܢܬܐ ܫܒܥܐ. ܕܠܝܬ ܒܗܘܢ ܡܘܡܐ.³ܘܩܘܪܒܢܗܘܢ ܢܫܝܦܐ ܕܦܝܠ ܒܡܫܚܐ. ܬܠܬܐ ܥܣܪ̈ܘܢܝܢ ܠܬܘܪܐ ܚܕ . ܘܬܪ̈ܝܢ ܥܣܪ̈ܘܢܝܢ ܠܕܟܪܐ ܚܕ .⁴ܘܥܣܪܘܢܐ ܚܕ ܠܐܡܪܐ ܚܕ ܗܟܢܐ ܠܫܒ̈ܥܬܝܗܘܢ ܐܡܪ̈ܐ.⁵ܘܨܦܪܝܐ ܚܕ. ܕܥ̈ܙܐ ܠܚܛܗܐ ܠܡܚܣܝܘ ܥܠܝܟܘܢ.⁶ܣܛܪ ܡܢ ܝܩܕܐ ܫܠܡܐ ܕܪܝܫ ܝܪܚܐ ܘܣܡܝܕܗ ܝܩܕܐ ܫܠܡܐ ܐܡܝܢܐ. ܘܣܡܝܕܗܘܢ ܘܢܘܩܝܗܘܢ ܐܝܟ ܙܕܩܗܘܢ. ܠܪܝܚ ܣܘܬܐ ܩܘܪܒܢܐ ܠܡܪܝܐ.⁷ܘܒܥܣܪܬܐ ܒܝܪܚܐ ܗܢܐ ܕܫܒܥܐ. ܩܪܝܐ ܘܩܕܝܫܐ ܢܗܘܐ ܠܟܘܢ. ܘܟܠ ܥܒ̇ܕ ܕܦܘܠܚܢܐ ܠܐ ܬܥܒܕܘܢ.⁸ܘܩܪܒܘ ܝܩ̈ܕܐ ܫ̈ܠܡܐ ܠܡܪܝܐ. ܠܪܝܚܐ ܕܣܘܬܐ . ܬܘܪܐ ܚܕ ܒܪ ܒܩܪܐ. ܘܕܟܪܐ ܚܕ. ܘܐܡܪ̈ܐ ܒܢ̈ܝ ܫܢܬܐ ܫܒܥܐ ܕܠܝܬ ܒܗܘܢ ܡܘܡܐ.⁹ܘܩܘܪܒܢܗܘܢ ܢܫܝܦܐ ܕܦܝܠ ܒܡܫܚܐ. ܬܠܬܐ ܥܣܪ̈ܘܢܝܢ ܠܬܘܪܐ. ܘܬܪ̈ܝܢ ܥܣܪ̈ܘܢܝܢ ܠܕܟܪܐ.¹⁰ܘܥܣܪܘܢܐ ܚܕ ܠܐܡܪܐ ܚܕ. ܗܟܢܐ ܠܫܒ̈ܥܬܝܗܘܢ ܐܡܪ̈ܐ.¹¹ܘܨܦܪܝܐ ܚܕ ܕܥ̈ܙܐ ܚܠܦ ܚܛܗܐ. ܣܛܪ ܡܢ ܝܩܕܐ ܕܚܘܣܝܐ. ܝܩܕܐ ܫܠܡܐ ܐܡܝܢܐ ܘܣܡܝܕܗܘܢ ܘܢܘܩܝܗܘܢ.¹²ܘܒܚܡܫܥܣܪܐ ܒܝܪܚܐ ܗܢܐ ܕܫܒܥܐ. ܩܪܝܐ ܘܩܕܝܫܐ ܢܗܘܐ ܠܟܘܢ. ܘܟܠ ܥܒ̇ܕ ܕܦܘܠܚܢܐ ܠܐ ܬܥܒܕܘܢ. ܘܥܒܕܘ ܥܕܥܐܕܐ ܠܡܪܝܐ ܫܒܥܐ ܝܘܡ̈ܝܢ.¹³ܘܩܪܒܘ ܝܩܕܐ ܫܠܡܐ ܩܘܪܒܢܐ ܠܪܝܚܐ ܕܣܘܬܐ ܠܡܪܝܐ. ܬܘܪ̈ܐ ܒ̈ܢܝ ܒܩܪܐ ܬܠܬܥܣܪ. ܘܕܟܪ̈ܐ ܬܪ̈ܝܢ. ܘܐܡܪ̈ܐ ܒܢ̈ܝ ܫܢܬܐ ܐܪ̈ܒܬܥܣܪ. ܕܠܝܬ ܒܗܘܢ ܡܘܡܐ.¹⁴ܘܩܘܪܒܢܗܘܢ ܢܫܝܦܐ ܕܦܝܠ ܒܡܫܚܐ. ܬܠܬܐ ܥܣܪ̈ܘܢܝܢ ܠܬܘܪܐ ܚܕ. ܗܟܢܐ ܠܬܠܬܥܣܪ ܬܘܪ̈ܝܢ. ܘܬܪ̈ܝܢ ܥܣܪ̈ܘܢܝܢ ܠܕܟܪܐ ܚܕ. ܗܟܢܐ ܠܬܪ̈ܝܢ ܕܟܪ̈ܝܢ.¹⁵ܘܥܣܪܘܢܐ ܚܕ ܠܐܡܪܐ ܚܕ. ܗܟܢܐ ܠܐܪ̈ܒܬܥܣܪ ܐܡܪ̈ܝܢ.¹⁶ܘܨܦܪܝܐ ܚܕ ܕܥ̈ܙܐ ܠܚܛܗܐ . ܣܛܪ ܡܢ ܝܩܕܐ ܫܠܡܐ ܐܡܝܢܐ . ܘܣܡܝܕܗ ܘܢܘܩܝܗ.¹⁷ܘܒܝܘܡܐ ܕܬܪ̈ܝܢ. ܬܘܪ̈ܐ ܒ̈ܢܝ ܒܩܪܐ ܬܪ̈ܥܣܪ. ܘܕܟܪ̈ܐ ܬܪ̈ܝܢ ܘܐܡܪ̈ܐ ܒܢ̈ܝ ܫܢܬܐ ܐܪ̈ܒܬܥܣܪ ܕܠܝܬ ܒܗܘܢ ܡܘܡܐ.¹⁸ܘܣܡܝܕܗܘܢ ܘܢܘܩܝܗܘܢ ܕܬܘܪ̈ܐ ܘܕܕܟܪ̈ܐ ܘܕܐܡܪ̈ܐ. ܒܡܢܝܢܗܘܢ ܐܝܟ ܙܕܩܗܘܢ.¹⁹ܘܨܦܪܝܐ ܚܕ ܕܥ̈ܙܐ ܚܠܦ ܚܛܗܐ . ܣܛܪ ܡܢ ܝܩܕܐ ܫܠܡܐ ܐܡܝܢܐ. ܘܣܡܝܕܗ ܘܢܘܩܝܗ.²⁰ܘܒܝܘܡܐ ܕܬܠܬܐ. ܬܘܪ̈ܐ ܚܕ ܥܣܪ ܘܕܟܪ̈ܐ ܬܪ̈ܝܢ. ܘܐܡܪ̈ܐ ܒܢ̈ܝ ܫܢܬܐ ܐܪ̈ܒܬܥܣܪ ܕܠܝܬ ܒܗܘܢ ܡܘܡܐ.²¹ܘܣܡܝܕܗܘܢ ܘܢܘܩܝܗܘܢ ܕܬܘܪ̈ܐ ܘܕܕܟܪ̈ܐ ܘܕܐܡܪ̈ܐ. ܒܡܢܝܢܗܘܢ ܐܝܟ ܙܕܩܗܘܢ.²²ܘܨܦܪܝܐ ܚܕ ܕܥ̈ܙܐ ܚܠܦ ܚܛܗܐ . ܣܛܪ ܡܢ ܝܩܕܐ ܫܠܡܐ ܐܡܝܢܐ . ܘܣܡܝܕܗ ܘܢܘܩܝܗ.²³ܘܒܝܘܡܐ ܕܐܪ̈ܒܥܐ. ܬܘܪ̈ܐ ܥܣܪܐ. ܘܕܟܪ̈ܐ ܬܪ̈ܝܢ. ܘܐܡܪ̈ܐ ܒ̈ܢܝ ܫܢܬܐ ܐܪ̈ܒܬܥܣܪ ܕܠܝܬ ܒܗܘܢ ܡܘܡܐ.²⁴ܘܣܡܝܕܗܘܢ ܘܢܘܩܝܗܘܢ ܕܬܘܪ̈ܐ ܘܕܕܟܪ̈ܐ ܘܕܐܡܪ̈ܐ. ܒܡܢܝܢܗܘܢ ܐܝܟ ܙܕܩܗܘܢ.²⁵ܘܨܦܪܝܐ ܚܕ ܕܥ̈ܙܐ ܠܚܛܗܐ . ܣܛܪ ܡܢ ܝܩܕܐ ܫܠܡܐ ܐܡܝܢܐ ܘܣܡܝܕܗ ܘܢܘܩܝܗ.²⁶ܘܒܝܘܡܐ ܕܚܡܫܐ. ܬܘܪ̈ܐ ܬܫܥܐ ܘܕܟܪ̈ܐ ܬܪ̈ܝܢ. ܘܐܡܪ̈ܐ ܒܢ̈ܝ ܫܢܬܐ ܐܪ̈ܒܬܥܣܪ. ܕܠܝܬ ܒܗܘܢ ܡܘܡܐ.²⁷ܘܣܡܝܕܗܘܢ ܘܢܘܩܝܗܘܢ ܕܬܘܪ̈ܐ ܘܕܕܟܪ̈ܐ ܘܕܐܡܪ̈ܐ. ܒܡܢܝܢܗܘܢ ܐܝܟ ܙܕܩܗܘܢ.²⁸ܘܨܦܪܝܐ ܚܕ ܕܥ̈ܙܐ ܠܚܛܗܐ . ܣܛܪ ܡܢ ܝܩܕܐ ܫܠܡܐ ܐܡܝܢܐ. ܘܣܡܝܕܗ ܘܢܘܩܝܗ.²⁹ܘܒܝܘܡܐ ܕܫܬܐ. ܬܘܪ̈ܐ ܬܡܢܝܐ ܘܕܟܪ̈ܐ ܬܪ̈ܝܢ. ܘܐܡܪ̈ܐ ܒܢ̈ܝ ܫܢܬܐ ܐܪ̈ܒܬܥܣܪ. ܕܠܝܬ ܒܗܘܢ ܡܘܡܐ.³⁰ܘܣܡܝܕܗܘܢ ܘܢܘܩܝܗܘܢ ܕܬܘܪ̈ܐ ܘܕܕܟܪ̈ܐ ܘܕܐܡܪ̈ܐ. ܒܡܢܝܢܗܘܢ ܐܝܟ ܙܕܩܗܘܢ.³¹ܘܨܦܪܝܐ ܚܕ ܕܥ̈ܙܐ ܚܠܦ ܚܛܗܐ . ܣܛܪ ܡܢ ܝܩܕܐ ܫܠܡܐ ܐܡܝܢܐ. ܘܣܡܝܕܗ ܘܢܘܩܝܗ.³²ܘܒܝܘܡܐ ܕܫܒܥܐ. ܬܘܪ̈ܐ ܫܒܥܐ. ܘܕܟܪ̈ܐ ܬܪ̈ܝܢ. ܘܐܡܪ̈ܐ ܒܢ̈ܝ ܫܢܬܐ ܐܪ̈ܒܬܥܣܪ ܕܠܝܬ ܒܗܘܢ ܡܘܡܐ.³³ܘܣܡܝܕܗܘܢ ܘܢܘܩܝܗܘܢ ܕܬܘܪ̈ܐ ܘܕܕܟܪ̈ܐ ܘܕܐܡܪ̈ܐ. ܒܡܢܝܢܗܘܢ ܐܝܟ ܙܕܩܗܘܢ.³⁴ܘܨܦܪܝܐ ܚܕ ܕܥ̈ܙܐ ܠܚܛܗܐ . ܣܛܪ ܡܢ ܝܩܕܐ ܫܠܡܐ ܐܡܝܢܐ. ܘܣܡܝܕܗ ܘܢܘܩܝܗ.³⁵ܘܒܝܘܡܐ ܕܬܡܢܝܐ. ܗܘܝܬܘܢ ܟ̇ܢܫܝܢ. ܘܟܠ ܥܒܕ ܕܦܘܠܚܢܐ ܠܐ ܬܥܒܕܘܢ.³⁶ܘܩܪܒܘ ܝܩ̈ܕܐ ܫ̈ܠܡܐ ܩܘܪܒܢܐ ܠܪܝܚ ܣܘܬܐ ܠܡܪܝܐ. ܬܘܪܐ ܚܕ ܒܪ ܒܩܪܐ ܘܕܟܪܐ ܚܕ. ܘܐܡܪ̈ܐ ܒܢ̈ܝ ܫܢܬܐ ܐܪ̈ܒܥܐ ܕܠܝܬ ܒܗܘܢ ܡܘܡܐ.³⁷ܘܣܡܝܕܗܘܢ ܘܢܘܩܝܗܘܢ. ܕܬܘܪ̈ܐ ܘܕܕܟܪ̈ܐ ܘܕܐܡܪ̈ܐ. ܒܡܢܝܢܗܘܢ ܐܝܟ ܙܕܩܗܘܢ.³⁸ܘܨܦܪܝܐ ܚܕ ܕܥ̈ܙܐ ܠܚܛܗܐ. ܣܛܪ ܡܢ ܝܩܕܐ ܫܠܡܐ ܐܡܝܢܐ ܘܣܡܝܕܗ ܘܢܘܩܝܗ.³⁹ܗܠܝܢ ܗܘܝܬܘܢ ܥ̇ܒܕܝܢ ܠܡܪܝܐ ܒܙܒܢܐ ܕܥܕܥ̈ܕܝܟܘܢ . ܣܛܪ ܡܢ ܢܕܪ̈ܝܟܘܢ. ܘܣܛܪ ܡܢ ܦܘܪ̈ܫܢܝܟܘܢ ܘܝܩ̈ܕܝܟܘܢ ܫ̈ܠܡܐ. ܘܣܡܝܕܟܘܢ ܘܢܘܩܝܟܘܢ ܘܩܘܪ̈ܒܢܝܟܘܢ.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal pr Qo Ct Sap Sir

Altre sezioni del sito

Utility

SCRUTATIO

Numeri ܡܢܝܢܐ 29

Confronta con un'altra Bibbia

Cambia Bibbia