II Timotheum 4
1234
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Testificor coram Deo, et Jesu Christo, qui judicaturus est vivos et mortuos, per adventum ipsius, et regnum ejus : | 1 Testificor coram Deo et Christo Iesu, qui iudicaturus est vivos ac mortuos, per adventum ipsius et regnum eius: |
2 prædica verbum, insta opportune, importune : argue, obsecra, increpa in omni patientia, et doctrina. | 2 praedica verbum, insta opportune, importune, argue, increpa, obsecra in omni longanimitate et doctrina. |
3 Erit enim tempus, cum sanam doctrinam non sustinebunt, sed ad sua desideria coacervabunt sibi magistros, prurientes auribus, | 3 Erit enim tempus, cum sanam doctrinam non sustinebunt, sed ad sua desideria coacervabunt sibi magistros prurientes auribus, |
4 et a veritate quidem auditum avertent, ad fabulas autem convertentur. | 4 et a veritate quidem auditum avertent, ad fabulas autem convertentur. |
5 Tu vero vigila, in omnibus labora, opus fac evangelistæ, ministerium tuum imple. Sobrius esto. | 5 Tu vero vigila in omnibus, labora, opus fac evangelistae, ministerium tuum imple. |
6 Ego enim jam delibor, et tempus resolutionis meæ instat. | 6 Ego enim iam delibor, et tempus meae resolutionis instat. |
7 Bonum certamen certavi, cursum consummavi, fidem servavi. | 7 Bonum certamen certavi, cursum consummavi, fidem servavi; |
8 In reliquo reposita est mihi corona justitiæ, quam reddet mihi Dominus in illa die, justus judex : non solum autem mihi, sed et iis, qui diligunt adventum ejus. Festina ad me venire cito. | 8 in reliquo reposita est mihi iustitiae corona, quam reddet mihi Dominus in illa die, iustus iudex, non solum autem mihi sed et omnibus, qui diligunt adventum eius. |
9 Demas enim me reliquit, diligens hoc sæculum, et abiit Thessalonicam : | 9 Festina venire ad me cito. |
10 Crescens in Galatiam, Titus in Dalmatiam. | 10 Demas enim me dereliquit diligens hoc saeculum et abiit Thessalonicam, Crescens in Galatiam, Titus in Dalmatiam; |
11 Lucas est mecum solus. Marcum assume, et adduc tecum : est enim mihi utilis in ministerium. | 11 Lucas est mecum solus. Marcum assumens adduc tecum, est enim mihi utilis in ministerium. |
12 Tychicum autem misi Ephesum. | 12 Tychicum autem misi Ephesum. |
13 Penulam, quam reliqui Troade apud Carpum, veniens affer tecum, et libros, maxime autem membranas. | 13 Paenulam, quam reliqui Troade apud Carpum, veniens affer, et libros, maxime autem membranas. |
14 Alexander ærarius multa mala mihi ostendit : reddet illi Dominus secundum opera ejus : | 14 Alexander aerarius multa mala mihi ostendit. Reddet ei Dominus secundum opera eius; |
15 quem et tu devita : valde enim restitit verbis nostris. | 15 quem et tu devita, valde enim restitit verbis nostris. |
16 In prima mea defensione nemo mihi affuit, sed omnes me dereliquerunt : non illis imputetur. | 16 In prima mea defensione nemo mihi affuit, sed omnes me dereliquerunt. Non illis reputetur; |
17 Dominus autem mihi astitit, et confortavit me, ut per me prædicatio impleatur, et audiant omnes gentes : et liberatus sum de ore leonis. | 17 Dominus autem mihi astitit et confortavit me, ut per me praedicatio impleatur, et audiant omnes gentes; et liberatus sum de ore leonis. |
18 Liberavit me Dominus ab omni opere malo : et salvum faciet in regnum suum cæleste, cui gloria in sæcula sæculorum. Amen. | 18 Liberabit me Dominus ab omni opere malo et salvum faciet in regnum suum caeleste; cui gloria in saecula saeculorum. Amen. |
19 Saluta Priscam, et Aquilam, et Onesiphori domum. | 19 Saluta Priscam et Aquilam et Onesiphori domum. |
20 Erastus remansit Corinthi. Trophimum autem reliqui infirmum Mileti. | 20 Erastus remansit Corinthi, Trophimum autem reliqui infirmum Mileti. |
21 Festina ante hiemem venire. Salutant te Eubulus, et Pudens, et Linus, et Claudia, et fratres omnes. | 21 Festina ante hiemem venire. Salutat te Eubulus et Pudens et Linus et Claudia et fratres omnes. |
22 Dominus Jesus Christus cum spiritu tuo. Gratia vobiscum. Amen. | 22 Dominus cum spiritu tuo. Gratia vobiscum. |