Esdra ܥܙܪܐ 5

1 2 3 4 5 6 7 8 9 10

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal

¹ܘܐܬܢܒܝ ܚܓܝ ܢܒܝܐ ܘܙܟܪܝܐ ܒܪ ܥܕܘ ܢܒܝܐ ܥܠ ܝܗܘ̈ܕܝܐ ܕܐܝܬ ܒܐܘܪܫܠܡ ܘܒܝܗܘܕ ܒܫܡܐ ܕܐܠܗܐ ܕܐܝܣܪܝܠ ܥܠܝܗܘܢ²ܗܝܕܝܢ ܩܡ ܙܘܪܒܒܠ ܒܪ ܫܠܬܐܝܠ ܘܝܫܘܥ ܒܪ ܝܘܙܕܩ ܘܫܪܝܘ ܠܡܒܢܐ ܒܝܬܐ ܕܐܠܗܐ ܕܒܐܘܪܫܠܡ ܘܥܡܗܘܢ ܢܒ̈ܝܐ ܕܐܠܗܐ ܡܥܕܪܝܢ ܠܗܘܢ³ܒܗ ܕܝܢ ܒܙܒܢܐ ܐ̣ܬܐ ܥܠܝܗܘܢ ܬܬܢܝ̇ ܫܠܝܛܐ ܕܒܥܒܪ ܢܗܪܐ ܘܐܫܬܢܒܘܙܢ ܘܕܐܟܘܬܗܘܢ ܘܗܟܢܐ ܐܡܪܝܢ ܠܗܘܢ ܠܫܪܟܐ ܡܢܘ ܦ̣ܩܕ ܠܟܘܢ ܒܝܬܐ ܗܢܐ ܠܡܒܢܐ ܘܫܘܪܐ ܗܢܐ ܠܡܪܡܘ⁴ܗܝܕܝܢ ܐܝܟ ܢܡܘܣܐ ܐܡܪܘ ܠܗܘܢ ܡ̇ܢ ܐܢܘܢ ܫܡܗ̈ܐ ܕܓܒܪ̈ܐ ܗܠܝܢ ܕܗܢܐ ܒܢܝܢܐ ܒܢܝܢ⁵ܘܥܝܢܐ ܕܐܠܗܐ ܗܘܬ ܥܠ ܫܒܝܬܐ ܕܝܗܘܕܐ ܘܠܐ ܒ̣ܛܠܘ ܥܕܡܐ ܕܦܬܓܡܐ ܠܕܪܝܘܫ ܢܐܙܠ ܘܗܝܕܝܢ ܢܬܝܒܘܢ ܦܬܓܡܐ ܥܠ ܗܕܐ⁶ܦܪܫܓܢܐ ܕܐܓܪܬܐ ܕܫܕܪ ܬܬܢܝ ܫܠܝܛܐ ܕܒܥܒܪ ܢܗܪܐ ܘܐܫܬܢܒܙܘܢ ܘܚܒܪ̈ܘܗܝ ܕܒܥܒܪ ܢܗܪܐ ܠܘܬ ܕܪܝܘܫ ܡܠܟܐ⁷ܦܬܓܡܐ ܫ̇ܕܪܘ ܠܘܬܗ ܘܗܟܢܐ ܟܬܝܒ ܒܗ ܠܕܪܝܘܫ ܡܠܟܐ ܫܠܡ⁸ܢܗܘܐ ܕܝܢ ܝ̇ܕܥ ܡܠܟܐ ܕܐܙܠܢ ܠܝܗܘܕ ܡܕܝܢܬܐ ܕܐܠܗܐ ܪܒܐ ܘܗܝ ܡܬܒܢܝܐ ܒܟܐ̈ܦܐ ܪ̈ܘܪܒܬܐ ܘܥܪ̈ܩܐ ܣܘܓܐܐ ܩܛܝܪ̈ܢ ܒܐܣ̈ܝܗ̇ ܘܥܒ̈ܝܕܬܐ ܪ̈ܘܪܒܬܐ ܡܬܥ̈ܒܕܢ ܬܡܢ ܘܥܒ̇ܕܐ ܪܒܐ ܣ̇ܠܩ ܘܐ̇ܙܠ ܠܪܝܫ ܒܐܝ̈ܕܝܗܘܢ⁹ܗܝܕܝܢ ܫܐܠܢ ܐܢܘܢ ܠܩܫ̈ܝܫܐ ܗ̇ܢܘܢ ܘܗܟܢܐ ܐܡܪܢ ܠܗܘܢ ܡܢܘ ܦ̣ܩܕ ܠܟܘܢ ܒܝܬܐ ܗܢܐ ܠܡܒܢܐ ܘܫܘܪܐ ܗܢܐ ܠܡܪܡܘ¹⁰ܘܐܦ ܫܡܗ̈ܝܗܘܢ ܫܐܠܢ ܐܢܘܢ ܕܢܘܕܥܟ ܕܢܟܬܘܒ ܫܡܗ̈ܐ ܕܓܒܪ̈ܐ ܕܒܪܫܗܘܢ¹¹ܘܗܟܢܐ ܐܬܝܒܘܢ ܦܬܓܡܐ ܘܐܡܪܝܢ ܠܢ ܚܢܢ ܐܢܘܢ ܥ̣̈ܒܕܘܗܝ ܕܐܠܗ ܫܡܝܐ ܘܐܪܥܐ ܘܒܢܝܢܐ ܕܒܝܬܐ ܗܢܐ ܕܒܢܝܢܢ ܒܢܐ ܗܘܐ ܡܢ ܩܕܡ ܫ̈ܢܝܐ ܣܓܝܐ̈ܬܐ ܘܡ̈ܠܟܐ ܕܐܝܣܪܐܝܠ ܘܪ̈ܘܪܒܢܝܗܘܢ ܫܟܠܠܘܗܝ¹²ܐܠܐ ܡܛܠ ܕܐܪܓܙܘ ܐܒ̈ܗܝܢ ܠܐܠܗ ܫܡܝܐ ܝ̣ܗܒ ܐܢܘܢ ܒܐܝܕܐ ܕܢܒܘܟܕܢܨܪ ܡܠܟܐ ܟܠܕܝܐ ܘܒܝܬܐ ܗܢܐ ܣܬܪܗ ܘܥܡܐ ܫ̣ܒܐ ܠܒܒܠ¹³ܒܪܡ ܒܫܢܬ ܚܕܐ ܠܟܘܪܫ ܡܠܟܐ ܕܦܪܣ ܟܘܪܫ ܡܠܟܐ ܣܡ ܢܡܘܣܐ ܕܒܝܬ ܐܠܗܐ ܗܢܐ ܠܡܒܢܐ¹⁴ܘܐܦ ܡܐ̈ܢܐ ܕܕܗܒܐ ܘܕܣܐܡܐ ܕܒܝܬ ܐܠܗܐ ܕܐܦܩ ܗܘܐ ܢܒܘܟܕܢܨܪ ܡܠܟܐ ܡܢ ܗܝܟܠܐ ܕܒܐܘܪܫܠܡ ܘܐܘܒܠ ܐܢܘܢ ܠܒܒܠ ܠܗܝܟܠܗ ܐܦܩ ܐܢܘܢ ܟܘܪܫ ܡܠܟܐ ܡܢ ܗܝܟܠܐ ܕܒܒܠ ܘܝ̣ܗܒ ܐܢܘܢ ܠܫܫܡܨܪ ܫܡܗ ܡܛܠ ܕܫܠܝܛܐ ܥܒܕܗ¹⁵ܘܐ̣ܡܪ ܠܗ ܕܗܠܝܢ ܡܐ̈ܢܐ ܫܩܘܠ ܙܠ ܐܘܒܠ ܣܝܡ ܐܢܘܢ ܒܗܝܟܠܐ ܕܒܐܘܪܫܠܡ ܘܗܘ ܗ̇ܘ ܒܝܬܐ ܒܐܬܪܗ ܢܬܒܢܐ¹⁶ܗܘ ܕܝܢ ܫܫܡܨܪ ܐ̣ܬܐ ܘܐܪܡܝ ܫܬܐܣ̈ܐ ܕܒܝܬܐ ܕܒܐܘܪܫܠܡ ܘܡܢ ܗܝܕܝܢ ܘܥܕܡܐ ܠܗܫܐ ܡܬܒܢܐ ܘܠܐ ܓ̇ܡܪ¹⁷ܡܟܝܠ ܐܢ ܫܦܝܪ ܩܕܡ ܡܠܟܐ ܢܒܨܐ ܒܟܬܒ̈ܐ ܕܐܝܬ ܒܝܬ ܓܙܐ ܕܡܠܟܐ ܕܒܒܠ ܐܢ ܐܝܬܘܗܝ ܘܡܢ ܟܘܪܫ ܡܠܟܐ ܦܩܝܕ ܕܢܬܒܢܐ ܒܝܬܐ ܗܢܐ ܕܐܠܗܐ ܕܒܐܘܪܫܠܡ ܘܨܒܝܢܐ ܕܡܠܟܐ ܥܠ ܗܕܐ ܢܫ̇ܕܪ ܠܘܬܢ

1 2 3 4 5 6 7 8 9 10

Gen Es Lv Nm Dt Gs Gdc Rt 1Sam 2Sam 1Re 2Re 1Cr 2Cr Esd Ne Tb Gdt Est 1Mac 2Mac Gb Sal

Altre sezioni del sito

Utility

SCRUTATIO

Esdra ܥܙܪܐ 5

Confronta con un'altra Bibbia

Cambia Bibbia