Tehillim (תהילים) - Salmi 55

MODERN HEBREW BIBLE	Miqra 'al pi ha-Mesorah
1 למנצח בנגינת משכיל לדוד האזינה אלהים תפלתי ואל תתעלם מתחנתי	1 לַמְנַצֵּחַ בִּנְגִינֹת מַשְׂכִּיל לְדָוִֽד׃
2 הקשיבה לי וענני אריד בשיחי ואהימה	2 הַאֲזִינָה אֱלֹהִים תְּפִלָּתִיוְאַל־תִּתְעַלַּם מִתְּחִנָּתִֽי׃
3 מקול אויב מפני עקת רשע כי ימיטו עלי און ובאף ישטמוני	3 הַקְשִׁיבָה לִּי וַעֲנֵנִיאָרִיד בְּשִׂיחִי וְאָהִֽימָה׃
4 לבי יחיל בקרבי ואימות מות נפלו עלי	4 מִקּוֹל אוֹיֵב מִפְּנֵי עָקַת רָשָׁעכִּֽי־יָמִיטוּ עָלַי אָוֶן וּבְאַף יִשְׂטְמֽוּנִי׃
5 יראה ורעד יבא בי ותכסני פלצות	5 לִבִּי יָחִיל בְּקִרְבִּיוְאֵימוֹת מָוֶת נָפְלוּ עָלָֽי׃
6 ואמר מי יתן לי אבר כיונה אעופה ואשכנה	6 יִרְאָה וָרַעַד יָבֹא בִיוַתְּכַסֵּנִי פַּלָּצֽוּת׃
7 הנה ארחיק נדד אלין במדבר סלה	7 וָאֹמַר מִֽי־יִתֶּן־לִי אֵבֶר כַּיּוֹנָהאָעוּפָה וְאֶשְׁכֹּֽנָה׃
8 אחישה מפלט לי מרוח סעה מסער	8 הִנֵּה אַרְחִיק נְדֹדאָלִין בַּמִּדְבָּר סֶֽלָה׃
9 בלע אדני פלג לשונם כי ראיתי חמס וריב בעיר	9 אָחִישָׁה מִפְלָט לִימֵרוּחַ סֹעָה מִסָּֽעַר׃
10 יומם ולילה יסובבה על חומתיה ואון ועמל בקרבה	10 בַּלַּע אֲדֹנָי פַּלַּג לְשׁוֹנָםכִּֽי־רָאִיתִי חָמָס וְרִיב בָּעִֽיר׃
11 הוות בקרבה ולא ימיש מרחבה תך ומרמה	11 יוֹמָם וָלַיְלָה יְסוֹבְבֻהָ עַל־חוֹמֹתֶיהָוְאָוֶן וְעָמָל בְּקִרְבָּֽהּ׃
12 כי לא אויב יחרפני ואשא לא משנאי עלי הגדיל ואסתר ממנו	12 הַוּוֹת בְּקִרְבָּהּוְֽלֹא־יָמִישׁ מֵרְחֹבָהּ תֹּךְ וּמִרְמָֽה׃
13 ואתה אנוש כערכי אלופי ומידעי	13 כִּי לֹֽא־אוֹיֵב יְחָֽרְפֵנִי וְאֶשָּׂאלֹא־מְשַׂנְאִי עָלַי הִגְדִּילוְאֶסָּתֵר מִמֶּֽנּוּ׃
14 אשר יחדו נמתיק סוד בבית אלהים נהלך ברגש	14 וְאַתָּה אֱנוֹשׁ כְּעֶרְכִּיאַלּוּפִי וּמְיֻדָּעִֽי׃
15 ישימות עלימו ירדו שאול חיים כי רעות במגורם בקרבם	15 אֲשֶׁר יַחְדָּו נַמְתִּיק סוֹדבְּבֵית אֱלֹהִים נְהַלֵּךְ בְּרָֽגֶשׁ׃
16 אני אל אלהים אקרא ויהוה יושיעני	16 ישימות יַשִּׁי מָוֶת ׀ עָלֵימוֹיֵרְדוּ שְׁאוֹל חַיִּיםכִּֽי־רָעוֹת בִּמְגוּרָם בְּקִרְבָּֽם׃
17 ערב ובקר וצהרים אשיחה ואהמה וישמע קולי	17 אֲנִי אֶל־אֱלֹהִים אֶקְרָאוַיהֹוָה יוֹשִׁיעֵֽנִי׃
18 פדה בשלום נפשי מקרב לי כי ברבים היו עמדי	18 עֶרֶב וָבֹקֶר וְצׇהֳרַיִם אָשִׂיחָה וְאֶֽהֱמֶהוַיִּשְׁמַע קוֹלִֽי׃
19 ישמע אל ויענם וישב קדם סלה אשר אין חליפות למו ולא יראו אלהים	19 פָּדָה בְשָׁלוֹם נַפְשִׁי מִקְּרׇב־לִיכִּֽי־בְרַבִּים הָיוּ עִמָּדִֽי׃
20 שלח ידיו בשלמיו חלל בריתו	20 יִשְׁמַע ׀ אֵל ׀ וְֽיַעֲנֵם וְיֹשֵׁב קֶדֶם סֶלָהאֲשֶׁר אֵין חֲלִיפוֹת לָמוֹוְלֹא יָרְאוּ אֱלֹהִֽים׃
21 חלקו מחמאת פיו וקרב לבו רכו דבריו משמן והמה פתחות	21 שָׁלַח יָדָיו בִּשְׁלֹמָיוחִלֵּל בְּרִיתֽוֹ׃
22 השלך על יהוה יהבך והוא יכלכלך לא יתן לעולם מוט לצדיק	22 חָלְקוּ ׀ מַחְמָאֹת פִּיו וּֽקְרָב־לִבּוֹרַכּוּ דְבָרָיו מִשֶּׁמֶןוְהֵמָּה פְתִחֽוֹת׃
23 ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך	23 הַשְׁלֵךְ עַל־יְהֹוָה ׀ יְהָבְךָ וְהוּא יְכַלְכְּלֶךָלֹא־יִתֵּן לְעוֹלָם מוֹטלַצַּדִּֽיק׃
	24 וְאַתָּה אֱלֹהִים ׀ תּוֹרִדֵם ׀ לִבְאֵר שַׁחַתאַנְשֵׁי דָמִים וּמִרְמָה לֹא־יֶחֱצוּ יְמֵיהֶםוַאֲנִי אֶבְטַח־בָּֽךְ׃