`Iyyov (איוב) - Giobbe 31

¹ בְּרִית כָּרַתִּי לְעֵינָיוּמָה אֶתְבּוֹנֵן עַל־בְּתוּלָֽה׃

² וּמֶה ׀ חֵלֶק אֱלוֹהַּ מִמָּעַלוְֽנַחֲלַת שַׁדַּי מִמְּרֹמִֽים׃

³ הֲלֹא־אֵיד לְעַוָּלוְנֵכֶר לְפֹעֲלֵי אָֽוֶן׃

⁴ הֲלֹא־הוּא יִרְאֶה דְרָכָיוְֽכׇל־צְעָדַי יִסְפּֽוֹר׃

⁵ אִם־הָלַכְתִּי עִם־שָׁוְאוַתַּחַשׁ עַל־מִרְמָה רַגְלִֽי׃

⁶ יִשְׁקְלֵנִי בְמֹֽאזְנֵי־צֶדֶקוְיֵדַע אֱלוֹהַּ תֻּמָּתִֽי׃

⁷ אִם תִּטֶּה אַשֻּׁרִי מִנִּי הַדָּרֶךְוְאַחַר עֵינַי הָלַךְ לִבִּיוּבְכַפַּי דָּבַק מֽאוּם׃

⁸ אֶזְרְעָה וְאַחֵר יֹאכֵלוְֽצֶאֱצָאַי יְשֹׁרָֽשׁוּ׃

⁹ אִם־נִפְתָּה לִבִּי עַל־אִשָּׁהוְעַל־פֶּתַח רֵעִי אָרָֽבְתִּי׃

¹⁰ תִּטְחַן לְאַחֵר אִשְׁתִּיוְעָלֶיהָ יִכְרְעוּן אֲחֵרִֽין׃

¹¹ כִּי־הִיא הוא זִמָּה והיא וְהוּא עָוֺן פְּלִילִֽים׃

¹² כִּי אֵשׁ הִיא עַד־אֲבַדּוֹן תֹּאכֵלוּֽבְכׇל־תְּבוּאָתִי תְשָׁרֵֽשׁ׃

¹³ אִם־אֶמְאַס מִשְׁפַּט עַבְדִּי וַאֲמָתִיבְּרִבָם עִמָּדִֽי׃

¹⁴ וּמָה אֶעֱשֶׂה כִּֽי־יָקוּם אֵלוְכִי־יִפְקֹד מָה אֲשִׁיבֶֽנּוּ׃

¹⁵ הֲֽלֹא־בַבֶּטֶן עֹשֵׂנִי עָשָׂהוּוַיְכֻנֶנּוּ בָּרֶחֶם אֶחָֽד׃

¹⁶ אִם־אֶמְנַע מֵחֵפֶץ דַּלִּיםוְעֵינֵי אַלְמָנָה אֲכַלֶּֽה׃

¹⁷ וְאֹכַל פִּתִּי לְבַדִּיוְלֹֽא־אָכַל יָתוֹם מִמֶּֽנָּה׃

¹⁸ כִּי מִנְּעוּרַי גְּדֵלַנִי כְאָבוּמִבֶּטֶן אִמִּי אַנְחֶֽנָּה׃

¹⁹ אִם־אֶרְאֶה אוֹבֵד מִבְּלִי לְבוּשׁוְאֵין כְּסוּת לָאֶבְיֽוֹן׃

²⁰ אִם־לֹא בֵרְכוּנִי חֲלָצָווּמִגֵּז כְּבָשַׂי יִתְחַמָּֽם׃

²¹ אִם־הֲנִיפוֹתִי עַל־יָתוֹם יָדִיכִּֽי־אֶרְאֶה בַשַּׁעַר עֶזְרָתִֽי׃

²² כְּתֵפִי מִשִּׁכְמָה תִפּוֹלוְאֶזְרֹעִי מִקָּנָה תִשָּׁבֵֽר׃

²³ כִּי פַחַד אֵלַי אֵיד אֵלוּמִשְּׂאֵתוֹ לֹא אוּכָֽל׃

²⁴ אִם־שַׂמְתִּי זָהָב כִּסְלִיוְלַכֶּתֶם אָמַרְתִּי מִבְטַחִֽי׃

²⁵ אִם־אֶשְׂמַח כִּֽי־רַב חֵילִיוְכִֽי־כַבִּיר מָצְאָה יָדִֽי׃

²⁶ אִם־אֶרְאֶה אוֹר כִּי יָהֵלוְיָרֵחַ יָקָר הֹלֵֽךְ׃

²⁷ וַיִּפְתְּ בַּסֵּתֶר לִבִּיוַתִּשַּׁק יָדִי לְפִֽי׃

²⁸ גַּם־הוּא עָוֺן פְּלִילִיכִּֽי־כִחַשְׁתִּי לָאֵל מִמָּֽעַל׃

²⁹ אִם־אֶשְׂמַח בְּפִיד מְשַׂנְאִיוְהִתְעֹרַרְתִּי כִּֽי־מְצָאוֹ רָֽע׃

³⁰ וְלֹא־נָתַתִּי לַחֲטֹא חִכִּילִשְׁאֹל בְּאָלָה נַפְשֽׁוֹ׃

³¹ אִם־לֹא אָמְרוּ מְתֵי אׇהֳלִימִי־יִתֵּן מִבְּשָׂרוֹ לֹא נִשְׂבָּֽע׃

³² בַּחוּץ לֹא־יָלִין גֵּרדְּלָתַי לָאֹרַח אֶפְתָּֽח׃

³³ אִם־כִּסִּיתִי כְאָדָם פְּשָׁעָילִטְמוֹן בְּחֻבִּי עֲוֺנִֽי׃

³⁴ כִּי אֶעֱרוֹץ ׀ הָמוֹן רַבָּהוּבוּז־מִשְׁפָּחוֹת יְחִתֵּנִיוָאֶדֹּם לֹא־אֵצֵא פָֽתַח׃

³⁵ מִי יִתֶּן־לִי ׀ שֹׁמֵעַֽ לִיהֶן־תָּוִי שַׁדַּי יַעֲנֵנִיוְסֵפֶר כָּתַב אִישׁ רִיבִֽי׃

³⁶ אִם־לֹא עַל־שִׁכְמִי אֶשָּׂאֶנּוּאֶעֶנְדֶנּוּ עֲטָרוֹת לִֽי׃

³⁷ מִסְפַּר צְעָדַי אַגִּידֶנּוּכְּמוֹ־נָגִיד אֲקָֽרְבֶֽנּוּ׃

³⁸ אִם־עָלַי אַדְמָתִי תִזְעָקוְיַחַד תְּלָמֶיהָ יִבְכָּיֽוּן׃

³⁹ אִם־כֹּחָהּ אָכַלְתִּי בְלִי־כָסֶףוְנֶפֶשׁ בְּעָלֶיהָ הִפָּֽחְתִּי׃

⁴⁰ תַּחַת חִטָּה ׀ יֵצֵא חוֹחַוְתַֽחַת־שְׂעֹרָה בׇאְשָׁהתַּמּוּ דִּבְרֵי אִיּֽוֹב׃