Primo libro delle Cronache ܕܒܪܝܡܝܢ 28

¹ܘܟܢܫ ܕܘܝܕ ܟܠܗܘܢ ܪ̈ܘܪܒܢܐ ܕܐܝܣܪܝܠ ܘܪ̈ܘܪܒܢܐ ܕܫܒ̈ܛܐ ܘܪ̈ܘܪܒܢܐ ܕܦܠܓ̈ܘܬܐ ܕܡܫܡܫܝܢ ܠܡܠܟܐ ܘܪܘܪ̈ܒܢܐ ܕܡܠܟܐ ܕܐ̈ܠܦܐ ܘܪ̈ܘܪܒܢܐ ܕܡܐܘ̈ܬܐ ܘܕܡܫܠܛܝܢ ܥܠ ܩܢܝܢܐ ܘܥܠ ܚܝܘ̈ܬܐ ܕܡܠܟܐ ܘܕܒܢ̈ܘܗܝ ܡܗܝ̈ܡܢܐ ܘܓܢܒܪ̈ܝ ܚܝܠܐ ܘܐܬܘ ܟܘܠܗܘܢ ܠܐܘܪܫܠܡ²ܘܐܡܪ ܠܗܘܢ ܫܘܡܥܘܢܝ ܐܚ̈ܝ ܘܥܡܝ ܐܢܐ ܕܝܢ ܒܠܒܝ ܗܘܐ ܗܘܐ ܠܡܒܢܐ ܒܝܬܐ ܕܢܝܚܐ ܠܩܐܒܘܬܐ ܕܕܝܬܩܐ ܕܡܪܝܐ ܘܠܐܬܪܐ ܕܫܟܝܢܬܗ ܕܐܠܗܢ ܘܟܠܡܕܡ ܛܝܒܬ ܗܘܝܬ ܠܡܒܢܐ ܒܝܬܐ³ܘܡܪܝܐ ܐܡܪ ܠܝ ܕܠܐ ܬܒܢܐ ܒܝܬܐ ܠܫܡܝ ܡܛܠ ܕܓܒܪܐ ܐܢܬ ܩܪܒܬܢܐ ܘܡܛܠ ܕܓܒܪܐ ܐܢܬ ܕܕܡܐ ܣܓܝܐܐ ܐܫܕܬ⁴ܘܓܒܢܝ ܡܪܝܐ ܐܠܗܐ ܕܐܝܣܪܝܠ ܡܢ ܟܠܗ ܒܝܬ ܐܒܝ ܕܐܗܘܐ ܡܠܟܐ ܥܠ ܐܝܣܪܝܠ ܠܥܠܡ ܡܛܠ ܕܡܢ ܒܝܬ ܝܗܘܕܐ ܓܒܐ ܠܗ ܡܠܟܐ ܘܡܢ ܫܪܒܬܐ ܕܒܝܬ ܝܗܘܕܐ ܓܒܐ ܠܗ ܒܝܬ ܐܒܝ ܘܡܢ ܒܝܬ ܐܒܝ ܠܝ ܓܒܐ ܕܐܗܘܐ ܡܠܟܐ ܥܠ ܐܝܣܪܝܠ⁵ܘܡܢ ܟܠܗܘܢ ܒ̈ܢܝ ܕܣܓ̈ܝܐܝܢ ܒܢ̈ܝܐ ܕܝܗܒ ܠܝ ܡܪܝܐ ܓܒܐ ܠܫܠܝܡܘܢ ܒܪܝ ܠܡܬܒ ܥܠ ܟܘܪܣܝܐ ܕܡܠܟܘܬܐ ܪܡܬܐ ܕܐܝܣܪܝܠ⁶ܘܐܡܪ ܠܝ ܕܫܠܝܡܘܢ ܒܪܟ ܗܘ ܢܒܢܐ ܒܝܬܝ ܘܕܪܬܝ ܡܛܠ ܕܠܗ ܓܒܝܬ ܕܢܗܘܐ ܠܝ ܒܪܐ ܘܐܢܐ ܐܗܘܐ ܠܗ ܐܒܐ⁷ܘܐܬܩܢ ܟܘܪܣܝܐ ܕܡܠܟܘܬܗ ܠܥܠܡ ܘܐܢܗܘ ܕܠܐ ܢܨܒܐ ܠܡܛܪ ܦܘܩ̈ܕܢܝ ܘܕܝ̣̈ܢܝ ܐܝܟ ܝܘܡܢܐ⁸ܘܐܦ ܗܫܐ ܠܥܝܢ ܟܠܗ ܐܝܣܪܝܠ ܥܡܐ ܕܡܪܝܐ ܘܩܕܡ ܡܪܝܐ ܐܠܗܢ ܛܪܘ ܘܬܒܥܘ ܦܘܩܕܢ̈ܘܗܝ ܘܐܢܬܘܢ ܬܐܪܬܘܢ ܐܪܥܐ ܗܕܐ ܠܥܠܡ ܥܠܡܝܢ ܘܬܘܪܬܘܢ ܠܒܢܝ̈ܟܘܢ ܠܥܠܡ ܥܠܡܝܢ ܘܠܐ ܬܬܚܒܠ⁹ܘܐܢܬ ܫܠܝܡܘܢ ܒܪܝ ܕܥ ܟܠ ܡܐ ܕܦܩܕܢ ܡܪܝܐ ܐܠܗܢ ܘܦܠܘܚܝܗܝ ܒܠܒܐ ܫܠܡܐ ܘܒܨܒܝܢܐ ܕܢܦܫܟ ܕܠܐ ܡܢ ܐܘܠܨܢ ܡܛܠ ܕܟܠ ܕܐܝܬ ܒܠܒܐ ܝ̇ܕܥ ܡܪܝܐ ܘܟܠ ܕܡܬܪܥܝܢ ܒܢܝ̈ܢܫܐ ܒܪܥܝܢܗܘܢ ܡܣܬܟܠ ܐܢ ܬܒܥܝܘܗܝ ܢܫܬܟܚ ܠܟ ܘܐܢ ܬܫܒܩܝܘܗܝ ܢܘܒܕܟ¹⁰ܕܥ ܘܚܙܝ ܕܡܪܝܐ ܓܒܟ ܠܡܒܢܐ ܒܝܬܐ ܠܫܡܐ ܕܩܘܕܫܗ ܕܡܪܝܐ ܐܬܥܫܢ ܘܐܬܓܒܪ ܘܥܒܕ¹¹ܘܝܗܒ ܕܘܝܕ ܠܫܠܝܡܘܢ ܒܪܗ ܕܡܘܬܐ ܕܦܪ̈ܘܣܛܕܐ ܘܡܘܫ̈ܚܬܐ ܕܒܝܬܐ ܘܕܟܣܣܛܪܘܢ ܘܕܥ̈ܠܝܬܐ ܘܕܐܣ̈ܛܘܐ ܓܘ̈ܝܐ ܘܕܐܣ̈ܛܘܐ ܒܪ̈ܝܐ ܘܕܥ̈ܠܝܐ ܘܕܬܚ̈ܬܝܐ ܘܕܒܝܬ ܓܙܐ ܘܕܒܝܬ ܬܫܡܫܬܐ ܕܒܝܬܗ ܕܡܪܝܐ ܘܕܒܝܬ ܛܒ̈ܚܐ ܘܕܒܝܬ ܫܩܘ̈ܬܐ ܘܕܒܝܬ ܫܪ̈ܓܬܢܐ ܕܘܟܬܐ ܕܣܝܡܝܢ ܒܗ̇ ܡܢܪ̈ܬܐ ܕܕܗܒܐ ܘܫܪ̈ܓܝܗܝܢ ܕܕܗܒܐ ܘܒܘ̈ܨܝܢܝܗܝܢ ܘܨܒܬܗܝܢ ܘܡܐ̈ܢܝܗܝܢ ܕܡܫܚܐ ܟܠܡܕܡ ܟܬܒ ܕܘܝܕ ܘܝܗܒ ܠܫܠܝܡܘܢ ܒܪܗ ܦܬܘܪ̈ܐ ܕܣܐܡܐ ܘܦܬܘܪ̈ܐ ܕܕܗܒܐ ܠܓ̈ܐ ܕܣܐܡܐ ܘ̈ܠܓܐ ܕܕܗܒܐ ܐܪ̈ܬܠܢܐ ܘܡܫ̈ܠܘܬܐ ܘܫܚ̈ܠܐ ܕܣܐܡܐ ܘܠܐ ܗܘܐ ܡܢܝܢܐ ܠܡܬܩܠܗ ܕܕܗܒܗܘܢ ܕܡܐ̈ܢܐ ܗܠܝܢ²⁰ܘܐܡܪ ܕܘܝܕ ܠܫܠܝܡܘܢ ܒܪܗ ܥܫܢ ܘܐܬܓܒܪ ܘܥܒܕ ܘܠܐ ܬܕܚܠ ܘܠܐ ܬܙܘܥ ܡܛܠ ܕܡܪܐ ܡܪ̈ܘܬܐ ܥܡܟ ܠܐ ܢܪܦܝܟ ܘܠܐ ܢܫܒܩܟ ܥܕܡܐ ܠܐܝܟܐ ܕܬܓܡܪ ܠܡܒܢܐ ܟܘܠܗܝܢ ܥܒܝ̈ܕܬܐ ܕܒܝܬܗ ܕܡܪܝܐ²¹ܘܗܐ ܦܠܓܘ̈ܬܐ ܕܟܗ̈ܢܐ ܘܕܠܘ̈ܝܐ. ܐܫܠܛܬ ܥܠ ܟܘܠܗܝܢ ܥܒܝ̈ܕܬܐ ܕܒܝܬܗ ܕܡܪܝܐ. ܘܥܡܟ ܐܢܘܢ ܘܗܢܘܢ ܡܫܠܛܝܢ ܥܠ ܟܠܗܝܢ ܥܒܝ̈ܕܬܐ. ܕܓܪܫܘܢ ܓܙܒܪܐ. ܘܗܢܘܢ ܥ̇ܒܕܝܢ ܠܗܝܢ ܒܚܟܝܡܘܬܐ. ܟܠ ܥܒܝ̈ܕܬܐ ܕܡܬܒ̈ܥܝܢ ܠܥܒܝ̈ܕܬܐ ܕܒܝܬܗ ܕܡܪܝܐ ܘܗܐ ܐܩܝܡܬ ܥܠܝܗܘܢ ܫܠܝ̈ܛܢܐ ܘܪܘܪ̈ܒܢܐ. ܕܗܢܘܢ ܢܬܒܥܘܢ ܘܢܥܒܕܘܢ ܟܘܠ ܥܒܝ̈ܕܬܐ ܕܡܬܒ̈ܥܝܢ.

Cambia Bibbia

Confronta con un'altra Bibbia

Versetti esaminati