Matthæum 9

Torna indietro

Bibbia Vulgata Clementina	Nova Vulgata
¹ Et ascendens in naviculam, transfretavit, et venit in civitatem suam.	¹ Et ascendens in naviculam transfretavit et venit in civita tem suam.
² Et ecce offerebant ei paralyticum jacentem in lecto. Et videns Jesus fidem illorum, dixit paralytico : Confide fili, remittuntur tibi peccata tua.	² Etecce offerebant ei paralyticum iacentem in lecto. Et videns Iesus fidem illorum,dixit paralytico: “ Confide, fili; remittuntur peccata tua ”.
³ Et ecce quidam de scribis dixerunt intra se : Hic blasphemat.	³ Et eccequidam de scribis dixerunt intra se: “ Hic blasphemat ”.
⁴ Et cum vidisset Jesus cogitationes eorum, dixit : Ut quid cogitatis mala in cordibus vestris ?	⁴ Et cum vidissetIesus cogitationes eorum, dixit: “ Ut quid cogitatis mala in cordibus vestris?
⁵ Quid est facilius dicere : Dimittuntur tibi peccata tua : an dicere : Surge, et ambula ?	⁵ Quid enim est facilius, dicere: “Dimittuntur peccata tua”, aut dicere: “Surgeet ambula”?
⁶ Ut autem sciatis, quia Filius hominis habet potestatem in terra dimittendi peccata, tunc ait paralytico : Surge, tolle lectum tuum, et vade in domum tuam.	⁶ Ut sciatis autem quoniam Filius hominis habet potestatem interra dimittendi peccata — tunc ait paralytico - : Surge, tolle lectum tuum etvade in domum tuam ”.
⁷ Et surrexit, et abiit in domum suam.	⁷ Et surrexit et abiit in domum suam.
⁸ Videntes autem turbæ timuerunt, et glorificaverunt Deum, qui dedit potestatem talem hominibus.	⁸ Videntes autemturbae timuerunt et glorificaverunt Deum, qui dedit potestatem talem hominibus.
⁹ Et, cum transiret inde Jesus, vidit hominem sedentem in telonio, Matthæum nomine. Et ait illi : Sequere me. Et surgens, secutus est eum.	⁹ Et cum transiret inde Iesus, vidit hominem sedentem in teloneo, Matthaeumnomine, et ait illi: “Sequere me”. Et surgens secutus est eum.
¹⁰ Et factum est, discumbente eo in domo, ecce multi publicani et peccatores venientes, discumbebant cum Jesu, et discipulis ejus.	¹⁰ Et factum est, discumbente eo in domo, ecce multi publicani et peccatoresvenientes simul discumbebant cum Iesu et discipulis eius.
¹¹ Et videntes pharisæi, dicebant discipulis ejus : Quare cum publicanis et peccatoribus manducat magister vester ?	¹¹ Et videntespharisaei dicebant discipulis eius: “ Quare cum publicanis et peccatoribusmanducat magister vester? ”.
¹² At Jesus audiens, ait : Non est opus valentibus medicus, sed male habentibus.	¹² At ille audiens ait: “ Non est opusvalentibus medico sed male habentibus.
¹³ Euntes autem discite quid est : Misericordiam volo, et non sacrificium. Non enim veni vocare justos, sed peccatores.	¹³ Euntes autem discite quid est: “Misericordiam volo et non sacrificium”.Non enim veni vocare iustos sed peccatores ”.
¹⁴ Tunc accesserunt ad eum discipuli Joannis, dicentes : Quare nos, et pharisæi, jejunamus frequenter : discipuli autem tui non jejunant ?	¹⁴ Tunc accedunt ad eum discipuli Ioannis dicentes: “ Quare nos et pharisaeiieiunamus frequenter, discipuli autem tui non ieiunant? ”.
¹⁵ Et ait illis Jesus : Numquid possunt filii sponsi lugere, quamdiu cum illis est sponsus ? Venient autem dies cum auferetur ab eis sponsus : et tunc jejunabunt.	¹⁵ Et ait illisIesus: “ Numquid possunt convivae nuptiarum lugere, quamdiu cum illis estsponsus? Venient autem dies, cum auferetur ab eis sponsus, et tunc ieiunabunt.
¹⁶ Nemo autem immittit commissuram panni rudis in vestimentum vetus : tollit enim plenitudinem ejus a vestimento, et pejor scissura fit.	¹⁶ Nemo autem immittit commissuram panni rudis in vestimentum vetus; tollit enimsupplementum eius a vestimento, et peior scissura fit.
¹⁷ Neque mittunt vinum novum in utres veteres : alioquin rumpuntur utres, et vinum effunditur, et utres pereunt. Sed vinum novum in utres novos mittunt : et ambo conservantur.	¹⁷ Neque mittunt vinumnovum in utres veteres, alioquin rumpuntur utres, et vinum effunditur, et utrespereunt; sed vinum novum in utres novos mittunt, et ambo conservantur ”.
¹⁸ Hæc illo loquente ad eos, ecce princeps unus accessit, et adorabat eum, dicens : Domine, filia mea modo defuncta est : sed veni, impone manum tuam super eam, et vivet.	¹⁸ Haec illo loquente ad eos, ecce princeps unus accessit et adorabat eumdicens: “ Filia mea modo defuncta est; sed veni, impone manum tuam super eam,et vivet ”.
¹⁹ Et surgens Jesus, sequebatur eum, et discipuli ejus.	¹⁹ Et surgens Iesus sequebatur eum et discipuli eius.
²⁰ Et ecce mulier, quæ sanguinis fluxum patiebatur duodecim annis, accessit retro, et tetigit fimbriam vestimenti ejus.	²⁰ Et ecce mulier, quae sanguinis fluxum patiebatur duodecim annis, accessitretro et tetigit fimbriam vestimenti eius.
²¹ Dicebat enim intra se : Si tetigero tantum vestimentum ejus, salva ero.	²¹ Dicebat enim intra se: “ Sitetigero tantum vestimentum eius, salva ero ”.
²² At Jesus conversus, et videns eam, dixit : Confide, filia, fides tua te salvam fecit. Et salva facta est mulier ex illa hora.	²² At Iesus conversus et videnseam dixit: “ Confide, filia; fides tua te salvam fecit ”. Et salva facta estmulier ex illa hora.
²³ Et cum venisset Jesus in domum principis, et vidisset tibicines et turbam tumultuantem, dicebat :	²³ Et cum venisset Iesus in domum principis et vidisset tibicines et turbamtumultuantem,
²⁴ Recedite : non est enim mortua puella, sed dormit. Et deridebant eum.	²⁴ dicebat: “ Recedite; non est enim mortua puella, sed dormit”. Et deridebant eum.
²⁵ Et cum ejecta esset turba, intravit : et tenuit manum ejus, et surrexit puella.	²⁵ At cum eiecta esset turba, intravit et tenuit manumeius, et surrexit puella.
²⁶ Et exiit fama hæc in universam terram illam.	²⁶ Et exiit fama haec in universam terram illam.
²⁷ Et transeunte inde Jesu, secuti sunt eum duo cæci, clamantes, et dicentes : Miserere nostri, fili David.	²⁷ Et transeunte inde Iesu, secuti sunt eum duo caeci clamantes et dicentes: “Miserere nostri, fili David! ”.
²⁸ Cum autem venisset domum, accesserunt ad eum cæci. Et dicit eis Jesus : Creditis quia hoc possum facere vobis ? Dicunt ei : Utique, Domine.	²⁸ Cum autem venisset domum, accesserunt adeum caeci, et dicit eis Iesus: “ Creditis quia possum hoc facere? ”. Dicuntei: “Utique, Domine”.
²⁹ Tunc tetigit oculos eorum, dicens : Secundum fidem vestram, fiat vobis.	²⁹ Tunc tetigit oculos eorum dicens: “Secundum fidemvestram fiat vobis”.
³⁰ Et aperti sunt oculi eorum : et comminatus est illis Jesus, dicens : Videte ne quis sciat.	³⁰ Et aperti sunt oculi illorum. Et comminatus est illisIesus dicens: “ Videte, ne quis sciat ”.
³¹ Illi autem exeuntes, diffamaverunt eum in tota terra illa.	³¹ Illi autem exeuntesdiffamaverunt eum in universa terra illa.
³² Egressis autem illis, ecce obtulerunt ei hominem mutum, dæmonium habentem.	³² Egressis autem illis, ecce obtulerunt ei hominem mutum, daemonium habentem.
³³ Et ejecto dæmonio, locutus est mutus, et miratæ sunt turbæ, dicentes : Numquam apparuit sic in Israël.	³³ Et eiecto daemone, locutus est mutus. Et miratae sunt turbae dicentes: “Numquam apparuit sic in Israel! ”.
³⁴ Pharisæi autem dicebant : In principe dæmoniorum ejicit dæmones.	³⁴ Pharisaei autem dicebant: “ Inprincipe daemoniorum eicit daemones ”.
³⁵ Et circuibat Jesus omnes civitates, et castella, docens in synagogis eorum, et prædicans Evangelium regni, et curans omnem languorem, et omnem infirmitatem.	³⁵ Et circumibat Iesus civitates omnes et castella, docens in synagogis eorum etpraedicans evangelium regni et curans omnem languorem et omnem infirmitatem.
³⁶ Videns autem turbas, misertus est eis : quia erant vexati, et jacentes sicut oves non habentes pastorem.	³⁶ Videns autem turbas, misertus est eis, quia erant vexati et iacentes sicut ovesnon habentes pastorem.
³⁷ Tunc dicit discipulis suis : Messis quidem multa, operarii autem pauci.	³⁷ Tunc dicit discipulis suis: “ Messis quidem multa,operarii autem pauci;
³⁸ Rogate ergo Dominum messis, ut mittat operarios in messem suam.	³⁸ rogate ergo Dominum messis, ut mittat operarios inmessem suam ”.

Vetus Testamentum

Novum Testamentum

Cambia Bibbia

Confronta con un'altra Bibbia

Versetti esaminati