Salmi תהילים (Tehillim) 52

MODERN HEBREW BIBLE	תנ"ך - מקרא על פי המסורה
1 למנצח משכיל לדוד בבוא דואג האדמי ויגד לשאול ויאמר לו בא דוד אל בית אחימלך מה תתהלל ברעה הגבור חסד אל כל היום	1 לַמְנַצֵּחַ מַשְׂכִּיל לְדָוִד
2 הוות תחשב לשונך כתער מלטש עשה רמיה	2 בְּבֹוא ׀ דֹּואֵג הָאֲדֹמִי וַיַּגֵּד לְשָׁאוּל וַיֹּאמֶר לֹו בָּא דָוִד אֶל־בֵּית אֲחִימֶלֶךְ
3 אהבת רע מטוב שקר מדבר צדק סלה	3 מַה־תִּתְהַלֵּל בְּרָעָה הַגִּבֹּור חֶסֶד אֵל כָּל־הַיֹּום
4 אהבת כל דברי בלע לשון מרמה	4 הַוֹּות תַּחְשֹׁב לְשֹׁונֶךָ כְּתַעַר מְלֻטָּשׁ עֹשֵׂה רְמִיָּה
5 גם אל יתצך לנצח יחתך ויסחך מאהל ושרשך מארץ חיים סלה	5 אָהַבְתָּ רָּע מִטֹּוב שֶׁקֶר ׀ מִדַּבֵּר צֶדֶק סֶלָה
6 ויראו צדיקים וייראו ועליו ישחקו	6 אָהַבְתָּ כָל־דִּבְרֵי־בָלַע לְשֹׁון מִרְמָה
7 הנה הגבר לא ישים אלהים מעוזו ויבטח ברב עשרו יעז בהותו	7 גַּם־אֵל יִתָּצְךָ לָנֶצַח יַחְתְּךָ וְיִסָּחֲךָ מֵאֹהֶל וְשֵׁרֶשְׁךָ מֵאֶרֶץ חַיִּים סֶלָה
8 ואני כזית רענן בבית אלהים בטחתי בחסד אלהים עולם ועד	8 וְיִרְאוּ צַדִּיקִים וְיִירָאוּ וְעָלָיו יִשְׂחָקוּ
9 אודך לעולם כי עשית ואקוה שמך כי טוב נגד חסידיך	9 הִנֵּה הַגֶּבֶר לֹא יָשִׂים אֱלֹהִים מָעוּזֹּו וַיִּבְטַח בְּרֹב עָשְׁרֹו יָעֹז בְּהַוָּתֹו
	10 וַאֲנִי ׀ כְּזַיִת רַעֲנָן בְּבֵית אֱלֹהִים בָּטַחְתִּי בְחֶסֶד־אֱלֹהִים עֹולָם וָעֶד
	11 אֹודְךָ לְעֹולָם כִּי עָשִׂיתָ וַאֲקַוֶּה שִׁמְךָ כִי־טֹוב נֶגֶד חֲסִידֶיךָ