Salmi תהילים (Tehillim) 52

Modern Hebrew Bible	Miqra 'al pi ha-Mesorah
¹ למנצח משכיל לדוד בבוא דואג האדמי ויגד לשאול ויאמר לו בא דוד אל בית אחימלך מה תתהלל ברעה הגבור חסד אל כל היום	¹ לַמְנַצֵּחַ מַשְׂכִּיל לְדָוִֽד׃
² הוות תחשב לשונך כתער מלטש עשה רמיה	² בְּבוֹא ׀ דּוֹאֵג הָאֲדֹמִי וַיַּגֵּד לְשָׁאוּלוַיֹּאמֶר לוֹבָּא דָוִד אֶל־בֵּית אֲחִימֶֽלֶךְ׃
³ אהבת רע מטוב שקר מדבר צדק סלה	³ מַה־תִּתְהַלֵּל בְּרָעָה הַגִּבּוֹרחֶסֶד אֵל כׇּל־הַיּֽוֹם׃
⁴ אהבת כל דברי בלע לשון מרמה	⁴ הַוּוֹת תַּחְשֹׁב לְשׁוֹנֶךָכְּתַעַר מְלֻטָּשׁ עֹשֵׂה רְמִיָּֽה׃
⁵ גם אל יתצך לנצח יחתך ויסחך מאהל ושרשך מארץ חיים סלה	⁵ אָהַבְתָּ רָּע מִטּוֹבשֶׁקֶר ׀ מִדַּבֵּר צֶדֶק סֶֽלָה׃
⁶ ויראו צדיקים וייראו ועליו ישחקו	⁶ אָהַבְתָּ כׇֽל־דִּבְרֵי־בָלַעלְשׁוֹן מִרְמָֽה׃
⁷ הנה הגבר לא ישים אלהים מעוזו ויבטח ברב עשרו יעז בהותו	⁷ גַּם־אֵל יִתׇּצְךָ לָנֶצַחיַחְתְּךָ וְיִסָּחֲךָ מֵאֹהֶלוְשֵׁרֶשְׁךָ מֵאֶרֶץ חַיִּים סֶֽלָה׃
⁸ ואני כזית רענן בבית אלהים בטחתי בחסד אלהים עולם ועד	⁸ וְיִרְאוּ צַדִּיקִים וְיִירָאוּוְעָלָיו יִשְׂחָֽקוּ׃
⁹ אודך לעולם כי עשית ואקוה שמך כי טוב נגד חסידיך	⁹ הִנֵּה הַגֶּבֶר לֹא יָשִׂים אֱלֹהִים מָעוּזּוֹוַיִּבְטַח בְּרֹב עׇשְׁרוֹיָעֹז בְּהַוָּתֽוֹ׃
	¹⁰ וַאֲנִי ׀ כְּזַיִת רַעֲנָן בְּבֵית אֱלֹהִיםבָּטַחְתִּי בְחֶסֶד־אֱלֹהִים עוֹלָם וָעֶֽד׃
	¹¹ אוֹדְךָ לְעוֹלָם כִּי עָשִׂיתָוַֽאֲקַוֶּה שִׁמְךָ כִי־טוֹב נֶגֶד חֲסִידֶֽיךָ׃