Tehillim (תהילים) - Salmi 46

MODERN HEBREW BIBLE	Miqra 'al pi ha-Mesorah
1 למנצח לבני קרח על עלמות שיר אלהים לנו מחסה ועז עזרה בצרות נמצא מאד	1 לַמְנַצֵּחַ לִבְנֵי־קֹרַחעַֽל־עֲלָמוֹת שִֽׁיר׃
2 על כן לא נירא בהמיר ארץ ובמוט הרים בלב ימים	2 אֱלֹהִים לָנוּ מַחֲסֶה וָעֹזעֶזְרָה בְצָרוֹת נִמְצָא מְאֹֽד׃
3 יהמו יחמרו מימיו ירעשו הרים בגאותו סלה	3 עַל־כֵּן לֹֽא־נִירָא בְּהָמִיר אָרֶץוּבְמוֹט הָרִים בְּלֵב יַמִּֽים׃
4 נהר פלגיו ישמחו עיר אלהים קדש משכני עליון	4 יֶהֱמוּ יֶחְמְרוּ מֵימָיויִרְעֲשֽׁוּ הָרִים בְּגַאֲוָתוֹ סֶֽלָה׃
5 אלהים בקרבה בל תמוט יעזרה אלהים לפנות בקר	5 נָהָר פְּלָגָיו יְשַׂמְּחוּ עִיר־אֱלֹהִיםקְדֹשׁ מִשְׁכְּנֵי עֶלְיֽוֹן׃
6 המו גוים מטו ממלכות נתן בקולו תמוג ארץ	6 אֱלֹהִים בְּקִרְבָּהּ בַּל־תִּמּוֹטיַעְזְרֶהָ אֱלֹהִים לִפְנוֹת בֹּֽקֶר׃
7 יהוה צבאות עמנו משגב לנו אלהי יעקב סלה	7 הָמוּ גוֹיִם מָטוּ מַמְלָכוֹתנָתַן בְּקוֹלוֹ תָּמוּג אָֽרֶץ׃
8 לכו חזו מפעלות יהוה אשר שם שמות בארץ	8 יְהֹוָה צְבָאוֹת עִמָּנוּמִשְׂגָּֽב־לָנוּ אֱלֹהֵי יַֽעֲקֹב סֶֽלָה׃
9 משבית מלחמות עד קצה הארץ קשת ישבר וקצץ חנית עגלות ישרף באש	9 לְֽכוּ־חֲזוּ מִפְעֲלוֹת יְהֹוָהאֲשֶׁר־שָׂם שַׁמּוֹת בָּאָֽרֶץ׃
10 הרפו ודעו כי אנכי אלהים ארום בגוים ארום בארץ	10 מַשְׁבִּית מִלְחָמוֹת עַד־קְצֵה הָאָרֶץקֶשֶׁת יְשַׁבֵּר וְקִצֵּץ חֲנִיתעֲגָלוֹת יִשְׂרֹף בָּאֵֽשׁ׃
11 יהוה צבאות עמנו משגב לנו אלהי יעקב סלה	11 הַרְפּוּ וּדְעוּ כִּֽי־אָנֹכִי אֱלֹהִיםאָרוּם בַּגּוֹיִם אָרוּם בָּאָֽרֶץ׃
	12 יְהֹוָה צְבָאוֹת עִמָּנוּמִשְׂגָּֽב־לָנוּ אֱלֹהֵי יַעֲקֹב סֶֽלָה׃