ΙΩΒ - Giobbe - Job 37

¹ και ταυτης εταραχθη η καρδια μου και απερρυη εκ του τοπου αυτης

² ακουε ακοην εν οργη θυμου κυριου και μελετη εκ στοματος αυτου εξελευσεται

³ υποκατω παντος του ουρανου αρχη αυτου και το φως αυτου επι πτερυγων της γης

⁴ οπισω αυτου βοησεται φωνη βροντησει εν φωνη υβρεως αυτου και ουκ ανταλλαξει αυτους οτι ακουσει φωνην αυτου

⁵ βροντησει ο ισχυρος εν φωνη αυτου θαυμασια εποιησεν γαρ μεγαλα α ουκ ηδειμεν

⁶ συντασσων χιονι γινου επι της γης και χειμων υετος και χειμων υετων δυναστειας αυτου

⁷ εν χειρι παντος ανθρωπου κατασφραγιζει ινα γνω πας ανθρωπος την εαυτου ασθενειαν

⁸ εισηλθεν δε θηρια υπο σκεπην ησυχασαν δε επι κοιτης

⁹ εκ ταμιειων επερχονται διναι απο δε ακρωτηριων ψυχος

¹⁰ και απο πνοης ισχυρου δωσει παγος οιακιζει δε το υδωρ ως εαν βουληται

¹¹ και εκλεκτον καταπλασσει νεφελη διασκορπιει νεφος φως αυτου

¹² και αυτος κυκλωματα διαστρεψει εν θεεβουλαθω εις εργα αυτων παντα οσα αν εντειληται αυτοις ταυτα συντετακται παρ' αυτου επι της γης

¹³ εαν εις παιδειαν εαν εις την γην αυτου εαν εις ελεος ευρησει αυτον

¹⁴ ενωτιζου ταυτα ιωβ στηθι νουθετου δυναμιν κυριου

¹⁵ οιδαμεν οτι ο θεος εθετο εργα αυτου φως ποιησας εκ σκοτους

¹⁶ επισταται δε διακρισιν νεφων εξαισια δε πτωματα πονηρων

¹⁷ σου δε η στολη θερμη ησυχαζεται δε επι της γης

¹⁸ στερεωσεις μετ' αυτου εις παλαιωματα ισχυραι ως ορασις επιχυσεως

¹⁹ δια τι διδαξον με τι ερουμεν αυτω και παυσωμεθα πολλα λεγοντες

²⁰ μη βιβλος η γραμματευς μοι παρεστηκεν ινα ανθρωπον εστηκως κατασιωπησω

²¹ πασιν δ' ουχ ορατον το φως τηλαυγες εστιν εν τοις παλαιωμασιν ωσπερ το παρ' αυτου επι νεφων

²² απο βορρα νεφη χρυσαυγουντα επι τουτοις μεγαλη η δοξα και τιμη παντοκρατορος

²³ και ουχ ευρισκομεν αλλον ομοιον τη ισχυι αυτου ο τα δικαια κρινων ουκ οιει επακουειν αυτον

²⁴ διο φοβηθησονται αυτον οι ανθρωποι φοβηθησονται δε αυτον και οι σοφοι καρδια