Ad Corinthios I 9

Torna indietro

Bibbia Vulgata Clementina	Nova Vulgata
¹ Non sum liber ? non sum Apostolus ? nonne Christum Jesum Dominum nostrum vidi ? nonne opus meum vos estis in Domino ?	¹ Non sum liber? Non sum apo stolus? Nonne Iesum Dominum nostrum vidi? Nonopus meum vos estis in Domino?
² Et si aliis non sum Apostolus, sed tamen vobis sum : nam signaculum apostolatus mei vos estis in Domino.	² Si aliis non sum apostolus, sed tamen vobissum; nam signaculum apostolatus mei vos estis in Domino.
³ Mea defensio apud eos qui me interrogant, hæc est :	³ Mea defensio apudeos, qui me interrogant, haec est.
⁴ Numquid non habemus potestatem manducandi et bibendi ?	⁴ Numquid non habemus potestatem manducandiet bibendi?
⁵ numquid non habemus potestatem mulierem sororem circumducendi sicut et ceteri Apostoli, et fratres Domini, et Cephas ?	⁵ Numquid non habemus potestatem sororem mulierem circumducendi,sicut et ceteri apostoli et fratres Domini et Cephas?
⁶ aut ego solus, et Barnabas, non habemus potestatem hoc operandi ?	⁶ Aut solus ego etBarnabas non habemus potestatem non operandi?
⁷ Quis militat suis stipendiis umquam ? quis plantat vineam, et de fructu ejus non edit ? quis pascit gregem, et de lacte gregis non manducat ?	⁷ Quis militat suis stipendiis umquam? Quis plantat vineam et fructum eius nonedit? Aut quis pascit gregem et de lacte gregis non manducat?
⁸ Numquid secundum hominem hæc dico ? an et lex hæc non dicit ?	⁸ Numquid secundumhominem haec dico? An et lex haec non dicit?
⁹ Scriptum est enim in lege Moysi : Non alligabis os bovi trituranti. Numquid de bobus cura est Deo ?	⁹ Scriptum est enim in Lege Moysis:“ Non alligabis os bovi trituranti ”. Numquid de bobus cura est Deo?
¹⁰ an propter nos utique hoc dicit ? Nam propter nos scripta sunt : quoniam debet in spe qui arat, arare : et qui triturat, in spe fructus percipiendi.	¹⁰ Anpropter nos utique dicit? Nam propter nos scripta sunt, quoniam debet in spe,qui arat, arare; et, qui triturat, in spe fructus percipiendi.
¹¹ Si nos vobis spiritualia seminavimus, magnum est si nos carnalia vestra metamus ?	¹¹ Si nos vobisspiritalia seminavimus, magnum est, si nos carnalia vestra metamus?
¹² Si alii potestatis vestræ participes sunt, quare non potius nos ? Sed non usi sumus hac potestate : sed omnia sustinemus, ne quod offendiculum demus Evangelio Christi.	¹² Si aliipotestatis vestrae participes sunt, non potius nos? Sed non usi sumus hacpotestate, sed omnia sustinemus, ne quod offendiculum demus evangelio Christi.
¹³ Nescitis quoniam qui in sacrario operantur quæ de sacrario sunt, edunt : et qui altari deserviunt, cum altari participant ?	¹³ Nescitis quoniam, qui sacra operantur, quae de sacrario sunt, edunt; quialtari deserviunt, cum altari participantur?
¹⁴ Ita et Dominus ordinavit iis qui Evangelium annuntiant, de Evangelio vivere.	¹⁴ Ita et Dominus ordinavit his,qui evangelium annuntiant, de evangelio vivere.
¹⁵ Ego autem nullo horum usus sum. Non autem scripsi hæc ut ita fiant in me : bonum est enim mihi magis mori, quam ut gloriam meam quis evacuet.	¹⁵ Ego autem nullo horum usus sum. Non scripsi autem haec, ut ita fiant in me;bonum est enim mihi magis mori quam ut gloriam meam quis evacuet.
¹⁶ Nam si evangelizavero, non est mihi gloria : necessitas enim mihi incumbit : væ enim mihi est, si non evangelizavero.	¹⁶ Nam sievangelizavero, non est mihi gloria; necessitas enim mihi incumbit. Vae enimmihi est, si non evangelizavero!
¹⁷ Si enim volens hoc ago, mercedem habeo : si autem invitus, dispensatio mihi credita est.	¹⁷ Si enim volens hoc ago, mercedem habeo; siautem invitus, dispensatio mihi credita est.
¹⁸ Quæ est ergo merces mea ? ut Evangelium prædicans, sine sumptu ponam Evangelium, ut non abutar potestate mea in Evangelio.	¹⁸ Quae est ergo merces mea? Utevangelium praedicans sine sumptu ponam evangelium, ut non abutar potestate meain evangelio.
¹⁹ Nam cum liber essem ex omnibus, omnium me servum feci, ut plures lucrifacerem.	¹⁹ Nam cum liber essem ex omnibus, omnium me servum feci, ut plures lucrifacerem.
²⁰ Et factus sum Judæis tamquam Judæus, ut Judæos lucrarer :	²⁰ Et factus sum Iudaeis tamquam Iudaeus, ut Iudaeos lucrarer; his, quisub lege sunt, quasi sub lege essem, cum ipse non essem sub lege, ut eos, quisub lege erant, lucri facerem;
²¹ iis qui sub lege sunt, quasi sub lege essem (cum ipse non essem sub lege) ut eos qui sub lege erant, lucrifacerem : iis qui sine lege erant, tamquam sine lege essem (cum sine lege Dei non essem : sed in lege essem Christi) ut lucrifacerem eos qui sine lege erant.	²¹ his, qui sine lege erant, tamquam sine legeessem, cum sine lege Dei non essem, sed in lege essem Christi, ut lucri faceremeos, qui sine lege erant;
²² Factus sum infirmis infirmus, ut infirmos lucrifacerem. Omnibus omnia factus sum, ut omnes facerem salvos.	²² factus sum infirmis infirmus, ut infirmos lucrifacerem; omnibus omnia factus sum, ut aliquos utique facerem salvos.
²³ Omnia autem facio propter Evangelium : ut particeps ejus efficiar.	²³ Omniaautem facio propter evangelium, ut comparticeps eius efficiar.
²⁴ Nescitis quod ii qui in stadio currunt, omnes quidem currunt, sed unus accipit bravium ? Sic currite ut comprehendatis.	²⁴ Nescitis quod hi, qui in stadio currunt, omnes quidem currunt, sed unusaccipit bravium? Sic currite, ut comprehendatis.
²⁵ Omnis autem qui in agone contendit, ab omnibus se abstinet, et illi quidem ut corruptibilem coronam accipiant : nos autem incorruptam.	²⁵ Omnis autem, qui in agonecontendit, ab omnibus se abstinet; et illi quidem, ut corruptibilem coronamaccipiant, nos autem incorruptam.
²⁶ Ego igitur sic curro, non quasi in incertum : sic pugno, non quasi aërem verberans :	²⁶ Ego igitur sic curro non quasi in incertum,sic pugno non quasi aerem verberans;
²⁷ sed castigo corpus meum, et in servitutem redigo : ne forte cum aliis prædicaverim, ipse reprobus efficiar.	²⁷ sed castigo corpus meum et in servitutemredigo, ne forte, cum aliis praedicaverim, ipse reprobus efficiar.

Vetus Testamentum

Novum Testamentum

Cambia Bibbia

Confronta con un'altra Bibbia

Versetti esaminati