Ad Corinthios I 4

Torna indietro

Bibbia Vulgata Clementina	Nova Vulgata
¹ Sic nos existimet homo ut ministros Christi, et dispensatores mysteriorum Dei.	¹ Sic nos existimet homo ut mi nistros Christi et dispensatores mysteriorumDei.
² Hic jam quæritur inter dispensatores ut fidelis quis inveniatur.	² Hic iam quaeritur inter dispensatores, ut fidelis quis inveniatur.
³ Mihi autem pro minimo est ut a vobis judicer, aut ab humano die : sed neque meipsum judico.	³ Mihiautem pro minimo est, ut a vobis iudicer aut ab humano die. Sed neque meipsumiudico;
⁴ Nihil enim mihi conscius sum, sed non in hoc justificatus sum : qui autem judicat me, Dominus est.	⁴ nihil enim mihi conscius sum, sed non in hoc iustificatus sum. Quiautem iudicat me, Dominus est!
⁵ Itaque nolite ante tempus judicare, quoadusque veniat Dominus : qui et illuminabit abscondita tenebrarum, et manifestabit consilia cordium : et tunc laus erit unicuique a Deo.	⁵ Itaque nolite ante tempus quidquam iudicare,quoadusque veniat Dominus, qui et illuminabit abscondita tenebrarum etmanifestabit consilia cordium; et tunc laus erit unicuique a Deo.
⁶ Hæc autem, fratres, transfiguravi in me et Apollo, propter vos : ut in nobis discatis, ne supra quam scriptum est, unus adversus alterum infletur pro alio.	⁶ Haec autem, fratres, transfiguravi in me et Apollo propter vos, ut in nobisdiscatis illud: “ Ne supra quae scripta sunt ”, ne unus pro alio infleminiadversus alterum.
⁷ Quis enim te discernit ? quid autem habes quod non accepisti ? si autem accepisti, quid gloriaris quasi non acceperis ?	⁷ Quis enim te discernit? Quid autem habes, quod nonaccepisti? Si autem accepisti, quid gloriaris, quasi non acceperis?
⁸ Jam saturati estis, jam divites facti estis : sine nobis regnatis : et utinam regnetis, ut et nos vobiscum regnemus.	⁸ Iam saturati estis, iam divites facti estis. Sine nobis regnastis; et utinamregnaretis, ut et nos vobiscum regnaremus.
⁹ Puto enim quod Deus nos Apostolos novissimos ostendit, tamquam morti destinatos : quia spectaculum facti sumus mundo, et angelis, et hominibus.	⁹ Puto enim, Deus nos apostolosnovissimos ostendit tamquam morti destinatos, quia spectaculum facti sumus mundoet angelis et hominibus.
¹⁰ Nos stulti propter Christum, vos autem prudentes in Christo : nos infirmi, vos autem fortes : vos nobiles, nos autem ignobiles.	¹⁰ Nos stulti propter Christum, vos autem prudentes inChristo; nos infirmi, vos autem fortes; vos gloriosi, nos autem ignobiles.
¹¹ Usque in hanc horam et esurimus, et sitimus, et nudi sumus, et colaphis cædimur, et instabiles sumus,	¹¹ Usque in hanc horam et esurimus et sitimus et nudi sumus et colaphis caedimur etinstabiles sumus
¹² et laboramus operantes manibus nostris : maledicimur, et benedicimus : persecutionem patimur, et sustinemus :	¹² et laboramus operantes manibus nostris; maledictibenedicimus, persecutionem passi sustinemus,
¹³ blasphemamur, et obsecramus : tamquam purgamenta hujus mundi facti sumus, omnium peripsema usque adhuc.	¹³ blasphemati obsecramus; tamquampurgamenta mundi facti sumus, omnium peripsema, usque adhuc.
¹⁴ Non ut confundam vos, hæc scribo, sed ut filios meos carissimos moneo.	¹⁴ Non ut confundam vos, haec scribo, sed ut quasi filios meos carissimosmoneam;
¹⁵ Nam si decem millia pædagogorum habeatis in Christo, sed non multos patres. Nam in Christo Jesu per Evangelium ego vos genui.	¹⁵ nam si decem milia paedagogorum habeatis in Christo, sed non multospatres, nam in Christo Iesu per evangelium ego vos genui.
¹⁶ Rogo ergo vos, imitatores mei estote, sicut et ego Christi.	¹⁶ Rogo ergo vos:imitatorcs mei estote!
¹⁷ Ideo misi ad vos Timotheum, qui est filius meus carissimus, et fidelis in Domino : qui vos commonefaciet vias meas, quæ sunt in Christo Jesu, sicut ubique in omni ecclesia doceo.	¹⁷ Ideo misi ad vos Timotheum, qui est filius meuscarissimus et fidelis in Domino, qui vos commonefaciat vias meas, quae sunt inChristo, sicut ubique in omni ecclesia doceo.
¹⁸ Tamquam non venturus sim ad vos, sic inflati sunt quidam.	¹⁸ Tamquam non venturus sim ad vos, sic inflati sunt quidam;
¹⁹ Veniam autem ad vos cito, si Dominus voluerit : et cognoscam non sermonem eorum qui inflati sunt, sed virtutem.	¹⁹ veniam autemcito ad vos, si Dominus voluerit, et cognoscam non sermonem eorum, qui inflatisunt, sed virtutem;
²⁰ Non enim in sermone est regnum Dei, sed in virtute.	²⁰ non enim in sermone est regnum Dei sed in virtute.
²¹ Quid vultis ? in virga veniam ad vos, an in caritate, et spiritu mansuetudinis ?	²¹ Quid vultis? In virga veniam ad vos an in caritate et spiritu mansuetudinis?

Vetus Testamentum

Novum Testamentum

Cambia Bibbia

Confronta con un'altra Bibbia

Versetti esaminati