Obadiah (עובדיה) - Abdia 3

STUTTGARTENSIA-DELITZSCH	NOVA VULGATA
1 אֲנִי הַגֶּבֶר רָאָה עֳנִי בְּשֵׁבֶט עֶבְרָתֹו	1 ALEPH. Ego vir videns paupertatem meam in virga indignationis eius.
2 אֹותִי נָהַג וַיֹּלַךְ חֹשֶׁךְ וְלֹא־אֹור	2 ALEPH. Me minavit et adduxit in tenebras et non in lucem.
3 אַךְ בִּי יָשֻׁב יַהֲפֹךְ יָדֹו כָּל־הַיֹּום׃ ס	3 ALEPH. Tantum in me vertit et convertit manum suam tota die.
4 בִּלָּה בְשָׂרִי וְעֹורִי שִׁבַּר עַצְמֹותָי	4 BETH. Consumpsit pellem meam et carnem meam, contrivit ossa mea.
5 בָּנָה עָלַי וַיַּקַּף רֹאשׁ וּתְלָאָה	5 BETH. Aedificavit in gyro meo et circumdedit me felle et labore.
6 בְּמַחֲשַׁכִּים הֹושִׁיבַנִי כְּמֵתֵי עֹולָם׃ ס	6 BETH. In tenebrosis collocavit me quasi mortuos sempiternos.
7 גָּדַר בַּעֲדִי וְלֹא אֵצֵא הִכְבִּיד נְחָשְׁתִּי	7 GHIMEL. Circumaedificavit adversum me, ut non egrediar, aggravavit compedem meum.
8 גַּם כִּי אֶזְעַק וַאֲשַׁוֵּעַ שָׂתַם תְּפִלָּתִי	8 GHIMEL. Sed et cum clamavero et rogavero, exclusit orationem meam.
9 גָּדַר דְּרָכַי בְּגָזִית נְתִיבֹתַי עִוָּה׃ ס	9 GHIMEL. Conclusit vias meas lapidibus quadris, semitas meas subvertit.
10 דֹּב אֹרֵב הוּא לִי [אַרְיֵה כ] (אֲרִי ק) בְּמִסְתָּרִים	10 DALETH. Ursus insidians factus est mihi, leo in absconditis.
11 דְּרָכַי סֹורֵר וַיְפַשְּׁחֵנִי שָׂמַנִי שֹׁמֵם	11 DALETH. Semitas meas subvertit et confregit me, posuit me desolatam.
12 דָּרַךְ קַשְׁתֹּו וַיַּצִּיבֵנִי כַּמַּטָּרָא לַחֵץ׃ ס	12 DALETH. Tetendit arcum suum et posuit me quasi signum ad sagittam.
13 הֵבִיא בְּכִלְיֹותָי בְּנֵי אַשְׁפָּתֹו	13 HE. Misit in renibus meis filias pharetrae suae.
14 הָיִיתִי שְּׂחֹק לְכָל־עַמִּי נְגִינָתָם כָּל־הַיֹּום	14 HE. Factus sum in derisum omni populo meo, canticum eorum tota die.
15 הִשְׂבִּיעַנִי בַמְּרֹורִים הִרְוַנִי לַעֲנָה׃ ס	15 HE. Replevit me amaritudinibus, inebriavit me absinthio.
16 וַיַּגְרֵס בֶּחָצָץ שִׁנָּי הִכְפִּישַׁנִי בָּאֵפֶר	16 VAU. Et fregit in glarea dentes meos, depressit me cinere.
17 וַתִּזְנַח מִשָּׁלֹום נַפְשִׁי נָשִׁיתִי טֹובָה	17 VAU. Et repulsa est a pace anima mea, oblitus sum bonorum.
18 וָאֹמַר אָבַד נִצְחִי וְתֹוחַלְתִּי מֵיְהוָה׃ ס	18 VAU. Et dixi: “ Periit splendor meus et spes mea a Domino ”.
19 זְכָר־עָנְיִי וּמְרוּדִי לַעֲנָה וָרֹאשׁ	19 ZAIN. Recordare paupertatis et peregrinationis meae, absinthii et fellis.
20 זָכֹור תִּזְכֹּור [וְתָשִׁיחַ כ] (וְתָשֹׁוחַ ק) עָלַי נַפְשִׁי	20 ZAIN. Memoria memor est et tabescit in me anima mea.
21 זֹאת אָשִׁיב אֶל־לִבִּי עַל־כֵּן אֹוחִיל׃ ס	21 ZAIN. Haec recolam in corde meo, ideo sperabo.
22 חַסְדֵי יְהוָה כִּי לֹא־תָמְנוּ כִּי לֹא־כָלוּ רַחֲמָיו	22 HETH. Misericordiae Domini, quia non sumus consumpti, quia non defecerunt miserationes eius.
23 חֲדָשִׁים לַבְּקָרִים רַבָּה אֱמוּנָתֶךָ	23 HETH. Novae sunt omni mane, magna est fides tua.
24 חֶלְקִי יְהוָה אָמְרָה נַפְשִׁי עַל־כֵּן אֹוחִיל לֹו׃ ס	24 HETH. “ Pars mea Dominus, dixit anima mea; propterea exspectabo eum ”.
25 טֹוב יְהוָה לְקֹוָו לְנֶפֶשׁ תִּדְרְשֶׁנּוּ	25 TETH. Bonus est Dominus sperantibus in eum, animae quaerenti illum.
26 טֹוב וְיָחִיל וְדוּמָם לִתְשׁוּעַת יְהוָה	26 TETH. Bonum est praestolari cum silentio salutare Domini.
27 טֹוב לַגֶּבֶר כִּי־יִשָּׂא עֹל בִּנְעוּרָיו׃ ס	27 TETH. Bonum est viro, cum portaverit iugum ab adulescentia sua.
28 יֵשֵׁב בָּדָד וְיִדֹּם כִּי נָטַל עָלָיו	28 IOD. Sedebit solitarius et tacebit, cum istud imponitur ei.
29 יִתֵּן בֶּעָפָר פִּיהוּ אוּלַי יֵשׁ תִּקְוָה	29 IOD. Ponet in pulvere os suum, si forte sit spes.
30 יִתֵּן לְמַכֵּהוּ לֶחִי יִשְׂבַּע בְּחֶרְפָּה׃ ס	30 IOD. Dabit percutienti se maxillam, saturabitur opprobriis.
31 כִּי לֹא יִזְנַח לְעֹולָם אֲדֹנָי	31 CAPH. Quia non repellet in sempiternum Dominus.
32 כִּי אִם־הֹוגָה וְרִחַם כְּרֹב [חַסְדֹּו כ] (חֲסָדָיו׃ ק)	32 CAPH. Quia si afflixit, et miserebitur secundum multitudinem misericordiarum suarum.
33 כִּי לֹא עִנָּה מִלִּבֹּו וַיַּגֶּה בְּנֵי־אִישׁ׃ ס	33 CAPH. Non enim humiliat ex corde suo et affligit filios hominum.
34 לְדַכֵּא תַּחַת רַגְלָיו כֹּל אֲסִירֵי אָרֶץ	34 LAMED. Conterere sub pedibus suis omnes vinctos terrae.
35 לְהַטֹּות מִשְׁפַּט־גָּבֶר נֶגֶד פְּנֵי עֶלְיֹון	35 LAMED. Declinare iudicium viri in conspectu vultus Altissimi.
36 לְעַוֵּת אָדָם בְּרִיבֹו אֲדֹנָי לֹא רָאָה׃ ס	36 LAMED. Pervertere hominem in iudicio suo, num Dominus haec ignorat?
37 מִי זֶה אָמַר וַתֶּהִי אֲדֹנָי לֹא צִוָּה	37 MEM. Quis est iste, qui dixit, et factum est? Dominus non iussit?
38 מִפִּי עֶלְיֹון לֹא תֵצֵא הָרָעֹות וְהַטֹּוב	38 MEM. Ex ore Altissimi nonne egrediuntur et mala et bona?
39 מַה־יִּתְאֹונֵן אָדָם חָי גֶּבֶר עַל־ [חֶטְאֹו כ] (חֲטָאָיו׃ ק) ס	39 MEM. Quid murmurabit homo vivens, vir pro peccatis suis?
40 נַחְפְּשָׂה דְרָכֵינוּ וְנַחְקֹרָה וְנָשׁוּבָה עַד־יְהוָה	40 NUN. “ Scrutemur vias nostras et quaeramus et revertamur ad Dominum.
41 נִשָּׂא לְבָבֵנוּ אֶל־כַּפָּיִם אֶל־אֵל בַּשָּׁמָיִם	41 NUN. Levemus corda nostra cum manibus ad Dominum in caelos.
42 נַחְנוּ פָשַׁעְנוּ וּמָרִינוּ אַתָּה לֹא סָלָחְתָּ׃ ס	42 NUN. Nos inique egimus et rebelles fuimus; idcirco tu inexorabilis fuisti.
43 סַכֹּתָה בָאַף וַתִּרְדְּפֵנוּ הָרַגְתָּ לֹא חָמָלְתָּ	43 SAMECH. Operuisti in furore et percussisti nos; occidisti nec pepercisti.
44 סַכֹּותָה בֶעָנָן לָךְ מֵעֲבֹור תְּפִלָּה	44 SAMECH. Opposuisti nubem tibi, ne transeat oratio.
45 סְחִי וּמָאֹוס תְּשִׂימֵנוּ בְּקֶרֶב הָעַמִּים׃ ס	45 SAMECH. In eradicationem et abiectionem posuisti nos in medio populorum.
46 פָּצוּ עָלֵינוּ פִּיהֶם כָּל־אֹיְבֵינוּ	46 PHE. Aperuerunt super nos os suum omnes inimici nostri.
47 פַּחַד וָפַחַת הָיָה לָנוּ הַשֵּׁאת וְהַשָּׁבֶר	47 PHE. Formido et fovea facta est nobis, vastatio et contritio ”.
48 פַּלְגֵי־מַיִם תֵּרַד עֵינִי עַל־שֶׁבֶר בַּת־עַמִּי׃ ס	48 PHE. Rivos aquarum deducit oculus meus in contritione filiae populi mei.
49 עֵינִי נִגְּרָה וְלֹא תִדְמֶה מֵאֵין הֲפֻגֹות	49 AIN. Oculus meus lacrimas effundit nec tacet, eo quod non sit requies.
50 עַד־יַשְׁקִיף וְיֵרֶא יְהוָה מִשָּׁמָיִם	50 AIN. Donec respiciat et videat Dominus de caelis.
51 עֵינִי עֹולְלָה לְנַפְשִׁי מִכֹּל בְּנֹות עִירִי׃ ס	51 AIN. Oculus meus affligit animam meam prae cunctis filiabus urbis meae.
52 צֹוד צָדוּנִי כַּצִּפֹּור אֹיְבַי חִנָּם	52 SADE. Venatione venati sunt me quasi avem inimici mei gratis.
53 צָמְתוּ בַבֹּור חַיָּי וַיַּדּוּ־אֶבֶן בִּי	53 SADE. Perdiderunt in lacu vitam meam et iecerunt lapides super me.
54 צָפוּ־מַיִם עַל־רֹאשִׁי אָמַרְתִּי נִגְזָרְתִּי׃ ס	54 SADE. Inundaverunt aquae super caput meum, dixi: “ Perii ”.
55 קָרָאתִי שִׁמְךָ יְהוָה מִבֹּור תַּחְתִּיֹּות	55 COPH. Invocavi nomen tuum, Domine, de profunditate lacus.
56 קֹולִי שָׁמָעְתָּ אַל־תַּעְלֵם אָזְנְךָ לְרַוְחָתִי לְשַׁוְעָתִי	56 COPH. Vocem meam audisti: “ Ne avertas aurem tuam a singultu meo et clamoribus ”.
57 קָרַבְתָּ בְּיֹום אֶקְרָאֶךָּ אָמַרְתָּ אַל־תִּירָא׃ ס	57 COPH. Appropinquasti in die, quando invocavi te, dixisti: “ Ne timeas ”.
58 רַבְתָּ אֲדֹנָי רִיבֵי נַפְשִׁי גָּאַלְתָּ חַיָּי	58 RES. Iudicasti, Domine, causam animae meae, redemisti vitam meam.
59 רָאִיתָה יְהוָה עַוָּתָתִי שָׁפְטָה מִשְׁפָּטִי	59 RES. Vidisti, Domine, afflictionem meam; iudica iudicium meum.
60 רָאִיתָה כָּל־נִקְמָתָם כָּל־מַחְשְׁבֹתָם לִי׃ ס	60 RES. Vidisti omnem furorem eorum, universas cogitationes eorum adversum me.
61 שָׁמַעְתָּ חֶרְפָּתָם יְהוָה כָּל־מַחְשְׁבֹתָם עָלָי	61 SIN. Audisti opprobrium eorum, Domine, omnes cogitationes eorum adversum me.
62 שִׂפְתֵי קָמַי וְהֶגְיֹונָם עָלַי כָּל־הַיֹּום	62 SIN. Labia insurgentium mihi et meditationes eorum adversum me tota die.
63 שִׁבְתָּם וְקִימָתָם הַבִּיטָה אֲנִי מַנְגִּינָתָם׃ ס	63 SIN. Sessionem eorum et resurrectionem eorum vide; ego sum psalmus eorum.
64 תָּשִׁיב לָהֶם גְּמוּל יְהוָה כְּמַעֲשֵׂה יְדֵיהֶם	64 THAU. Reddes eis vicem, Domine, iuxta opera manuum suarum.
65 תִּתֵּן לָהֶם מְגִנַּת־לֵב תַּאֲלָתְךָ לָהֶם	65 THAU. Dabis eis duritiam cordis, exsecrationem tuam.
66 תִּרְדֹּף בְּאַף וְתַשְׁמִידֵם מִתַּחַת שְׁמֵי יְהוָה׃ פ	66 THAU. Persequeris in furore et conteres eos sub caelis tuis, Domine.