Salmi תהילים (Tehillim) 118

Torna indietro

Modern Hebrew Bible	Miqra 'al pi ha-Mesorah
¹ הודו ליהוה כי טוב כי לעולם חסדו	¹ הוֹדוּ לַיהֹוָה כִּי־טוֹבכִּי לְעוֹלָם חַסְדּֽוֹ׃
² יאמר נא ישראל כי לעולם חסדו	² יֹאמַר־נָא יִשְׂרָאֵלכִּי לְעוֹלָם חַסְדּֽוֹ׃
³ יאמרו נא בית אהרן כי לעולם חסדו	³ יֹאמְרוּ־נָא בֵֽית־אַהֲרֹןכִּי לְעוֹלָם חַסְדּֽוֹ׃
⁴ יאמרו נא יראי יהוה כי לעולם חסדו	⁴ יֹאמְרוּ־נָא יִרְאֵי יְהֹוָהכִּי לְעוֹלָם חַסְדּֽוֹ׃
⁵ מן המצר קראתי יה ענני במרחב יה	⁵ מִֽן־הַמֵּצַר קָרָאתִי יָּהּעָנָנִי בַמֶּרְחָב יָֽהּ׃
⁶ יהוה לי לא אירא מה יעשה לי אדם	⁶ יְהֹוָה לִי לֹא אִירָאמַה־יַּעֲשֶׂה לִי אָדָֽם׃
⁷ יהוה לי בעזרי ואני אראה בשנאי	⁷ יְהֹוָה לִי בְּעֹזְרָיוַאֲנִי אֶרְאֶה בְשֹׂנְאָֽי׃
⁸ טוב לחסות ביהוה מבטח באדם	⁸ טוֹב לַחֲסוֹת בַּיהֹוָהמִבְּטֹחַ בָּאָדָֽם׃
⁹ טוב לחסות ביהוה מבטח בנדיבים	⁹ טוֹב לַחֲסוֹת בַּיהֹוָהמִבְּטֹחַ בִּנְדִיבִֽים׃
¹⁰ כל גוים סבבוני בשם יהוה כי אמילם	¹⁰ כׇּל־גּוֹיִם סְבָבוּנִיבְּשֵׁם יְהֹוָה כִּי אֲמִילַֽם׃
¹¹ סבוני גם סבבוני בשם יהוה כי אמילם	¹¹ סַבּוּנִי גַם־סְבָבוּנִיבְּשֵׁם יְהֹוָה כִּי אֲמִילַֽם׃
¹² סבוני כדבורים דעכו כאש קוצים בשם יהוה כי אמילם	¹² סַבּוּנִי כִדְבוֹרִיםדֹּעֲכוּ כְּאֵשׁ קוֹצִיםבְּשֵׁם יְהֹוָה כִּי אֲמִילַֽם׃
¹³ דחה דחיתני לנפל ויהוה עזרני	¹³ דַּחֹה דְחִיתַנִי לִנְפֹּלוַיהֹוָה עֲזָרָֽנִי׃
¹⁴ עזי וזמרת יה ויהי לי לישועה	¹⁴ עָזִּי וְזִמְרָת יָהּוַֽיְהִי־לִי לִישׁוּעָֽה׃
¹⁵ קול רנה וישועה באהלי צדיקים ימין יהוה עשה חיל	¹⁵ קוֹל ׀ רִנָּה וִישׁוּעָה בְּאׇהֳלֵי צַדִּיקִיםיְמִין יְהֹוָה עֹשָׂה חָֽיִל׃
¹⁶ ימין יהוה רוממה ימין יהוה עשה חיל	¹⁶ יְמִין יְהֹוָה רוֹמֵמָהיְמִין יְהֹוָה עֹשָׂה חָֽיִל׃
¹⁷ לא אמות כי אחיה ואספר מעשי יה	¹⁷ לֹא־אָמוּת כִּֽי־אֶחְיֶהוַאֲסַפֵּר מַעֲשֵׂי יָֽהּ׃
¹⁸ יסר יסרני יה ולמות לא נתנני	¹⁸ יַסֹּר יִסְּרַנִּי יָּהּוְלַמָּוֶת לֹא נְתָנָֽנִי׃
¹⁹ פתחו לי שערי צדק אבא בם אודה יה	¹⁹ פִּתְחוּ־לִי שַׁעֲרֵי־צֶדֶקאָבֹא־בָם אוֹדֶה יָֽהּ׃
²⁰ זה השער ליהוה צדיקים יבאו בו	²⁰ זֶה־הַשַּׁעַר לַיהֹוָהצַדִּיקִים יָבֹאוּ בֽוֹ׃
²¹ אודך כי עניתני ותהי לי לישועה	²¹ אוֹדְךָ כִּי עֲנִיתָנִיוַתְּהִי־לִי לִישׁוּעָֽה׃
²² אבן מאסו הבונים היתה לראש פנה	²² אֶבֶן מָאֲסוּ הַבּוֹנִיםהָיְתָה לְרֹאשׁ פִּנָּֽה׃
²³ מאת יהוה היתה זאת היא נפלאת בעינינו	²³ מֵאֵת יְהֹוָה הָיְתָה זֹּאתהִיא נִפְלָאת בְּעֵינֵֽינוּ׃
²⁴ זה היום עשה יהוה נגילה ונשמחה בו	²⁴ זֶה־הַיּוֹם עָשָׂה יְהֹוָהנָגִילָה וְנִשְׂמְחָה בֽוֹ׃
²⁵ אנא יהוה הושיעה נא אנא יהוה הצליחה נא	²⁵ אָנָּא יְהֹוָה הוֹשִׁיעָה נָּאאָנָּא יְהֹוָה הַצְלִיחָה נָּֽא׃
²⁶ ברוך הבא בשם יהוה ברכנוכם מבית יהוה	²⁶ בָּרוּךְ הַבָּא בְּשֵׁם יְהֹוָהבֵּרַכְנוּכֶם מִבֵּית יְהֹוָֽה׃
²⁷ אל יהוה ויאר לנו אסרו חג בעבתים עד קרנות המזבח	²⁷ אֵל ׀ יְהֹוָה וַיָּאֶר לָנוּאִסְרוּ־חַג בַּעֲבֹתִיםעַד־קַרְנוֹת הַמִּזְבֵּֽחַ׃
²⁸ אלי אתה ואודך אלהי ארוממך	²⁸ אֵלִי אַתָּה וְאוֹדֶךָּאֱלֹהַי אֲרוֹמְמֶֽךָּ׃
²⁹ הודו ליהוה כי טוב כי לעולם חסדו	²⁹ הוֹדוּ לַיהֹוָה כִּי־טוֹבכִּי לְעוֹלָם חַסְדּֽוֹ׃

Cambia Bibbia

Confronta con un'altra Bibbia

Versetti esaminati