Giobbe איוב Iyov 13

Torna indietro

Modern Hebrew Bible	Miqra 'al pi ha-Mesorah
¹ הן כל ראתה עיני שמעה אזני ותבן לה	¹ הֶן־כֹּל רָאֲתָה עֵינִישָֽׁמְעָה אׇזְנִי וַתָּבֶן לָֽהּ׃
² כדעתכם ידעתי גם אני לא נפל אנכי מכם	² כְּֽדַעְתְּכֶם יָדַעְתִּי גַם־אָנִילֹֽא־נֹפֵל אָנֹכִי מִכֶּֽם׃
³ אולם אני אל שדי אדבר והוכח אל אל אחפץ	³ אוּלָם אֲנִי אֶל־שַׁדַּי אֲדַבֵּרוְהוֹכֵחַ אֶל־אֵל אֶחְפָּֽץ׃
⁴ ואולם אתם טפלי שקר רפאי אלל כלכם	⁴ וְֽאוּלָם אַתֶּם טֹפְלֵי־שָׁקֶררֹפְאֵי אֱלִל כֻּלְּכֶֽם׃
⁵ מי יתן החרש תחרישון ותהי לכם לחכמה	⁵ מִי־יִתֵּן הַחֲרֵשׁ תַּחֲרִישׁוּןוּתְהִי לָכֶם לְחׇכְמָֽה׃
⁶ שמעו נא תוכחתי ורבות שפתי הקשיבו	⁶ שִׁמְעוּ־נָא תוֹכַחְתִּיוְרִבוֹת שְׂפָתַי הַקְשִֽׁיבוּ׃
⁷ הלאל תדברו עולה ולו תדברו רמיה	⁷ הַלְאֵל תְּדַבְּרוּ עַוְלָהוְלוֹ תְּֽדַבְּרוּ רְמִיָּֽה׃
⁸ הפניו תשאון אם לאל תריבון	⁸ הֲפָנָיו תִּשָּׂאוּןאִם־לָאֵל תְּרִיבֽוּן׃
⁹ הטוב כי יחקר אתכם אם כהתל באנוש תהתלו בו	⁹ הֲטוֹב כִּֽי־יַחְקֹר אֶתְכֶםאִם־כְּהָתֵל בֶּאֱנוֹשׁ תְּהָתֵלּוּ בֽוֹ׃
¹⁰ הוכח יוכיח אתכם אם בסתר פנים תשאון	¹⁰ הוֹכֵחַ יוֹכִיחַ אֶתְכֶםאִם־בַּסֵּתֶר פָּנִים תִּשָּׂאֽוּן׃
¹¹ הלא שאתו תבעת אתכם ופחדו יפל עליכם	¹¹ הֲלֹא שְׂאֵתוֹ תְּבַעֵת אֶתְכֶםוּפַחְדּוֹ יִפֹּל עֲלֵיכֶֽם׃
¹² זכרניכם משלי אפר לגבי חמר גביכם	¹² זִֽכְרֹנֵיכֶם מִשְׁלֵי־אֵפֶרלְגַבֵּי־חֹמֶר גַּבֵּיכֶֽם׃
¹³ החרישו ממני ואדברה אני ויעבר עלי מה	¹³ הַחֲרִישׁוּ מִמֶּנִּי וַאֲדַבְּרָה־אָנִיוְיַעֲבֹר עָלַי מָֽה׃
¹⁴ על מה אשא בשרי בשני ונפשי אשים בכפי	¹⁴ עַל־מָה ׀ אֶשָּׂא בְשָׂרִי בְשִׁנָּיוְנַפְשִׁי אָשִׂים בְּכַפִּֽי׃
¹⁵ הן יקטלני לא איחל אך דרכי אל פניו אוכיח	¹⁵ הֵן יִקְטְלֵנִי לא לוֹ אֲיַחֵלאַךְ־דְּרָכַי אֶל־פָּנָיו אוֹכִֽיחַ׃
¹⁶ גם הוא לי לישועה כי לא לפניו חנף יבוא	¹⁶ גַּם־הוּא־לִי לִישׁוּעָהכִּי־לֹא לְפָנָיו חָנֵף יָבֽוֹא׃
¹⁷ שמעו שמוע מלתי ואחותי באזניכם	¹⁷ שִׁמְעוּ שָׁמוֹעַ מִלָּתִיוְאַחֲוָתִי בְּאׇזְנֵיכֶֽם׃
¹⁸ הנה נא ערכתי משפט ידעתי כי אני אצדק	¹⁸ הִנֵּה־נָא עָרַכְתִּי מִשְׁפָּטיָדַעְתִּי כִּי־אֲנִי אֶצְדָּֽק׃
¹⁹ מי הוא יריב עמדי כי עתה אחריש ואגוע	¹⁹ מִי־הוּא יָרִיב עִמָּדִיכִּֽי־עַתָּה אַחֲרִישׁ וְאֶגְוָֽע׃
²⁰ אך שתים אל תעש עמדי אז מפניך לא אסתר	²⁰ אַךְ־שְׁתַּיִם אַל־תַּעַשׂ עִמָּדִיאָז מִפָּנֶיךָ לֹא אֶסָּתֵֽר׃
²¹ כפך מעלי הרחק ואמתך אל תבעתני	²¹ כַּפְּךָ מֵעָלַי הַרְחַקוְאֵמָתְךָ אַֽל־תְּבַעֲתַֽנִּי׃
²² וקרא ואנכי אענה או אדבר והשיבני	²² וּקְרָא וְאָנֹכִי אֶעֱנֶהאֽוֹ־אֲדַבֵּר וַהֲשִׁיבֵֽנִי׃
²³ כמה לי עונות וחטאות פשעי וחטאתי הדיעני	²³ כַּמָּה לִי עֲוֺנוֹת וְחַטָּאוֹתפִּֽשְׁעִי וְחַטָּאתִי הֹדִיעֵֽנִי׃
²⁴ למה פניך תסתיר ותחשבני לאויב לך	²⁴ לָֽמָּה־פָנֶיךָ תַסְתִּירוְתַחְשְׁבֵנִי לְאוֹיֵב לָֽךְ׃
²⁵ העלה נדף תערוץ ואת קש יבש תרדף	²⁵ הֶעָלֶה נִדָּף תַּעֲרוֹץוְאֶת־קַשׁ יָבֵשׁ תִּרְדֹּֽף׃
²⁶ כי תכתב עלי מררות ותורישני עונות נעורי	²⁶ כִּֽי־תִכְתֹּב עָלַי מְרֹרוֹתוְתוֹרִישֵׁנִי עֲוֺנוֹת נְעוּרָֽי׃
²⁷ ותשם בסד רגלי ותשמור כל ארחותי על שרשי רגלי תתחקה	²⁷ וְתָשֵׂם בַּסַּד ׀ רַגְלַיוְתִשְׁמוֹר כׇּל־אׇרְחוֹתָיעַל־שׇׁרְשֵׁי רַגְלַי תִּתְחַקֶּֽה׃
²⁸ והוא כרקב יבלה כבגד אכלו עש	²⁸ וְהוּא כְּרָקָב יִבְלֶהכְּבֶגֶד אֲכָלוֹ עָֽשׁ׃

Cambia Bibbia

Confronta con un'altra Bibbia

Versetti esaminati