Giobbe איוב Iyov 11

Torna indietro

Modern Hebrew Bible	תנ"ך - מקרא על פי המסורה
¹ ויען צפר הנעמתי ויאמר	¹ וַיַּעַן צֹפַר הַנַּעֲמָתִי וַיֹּאמַר
² הרב דברים לא יענה ואם איש שפתים יצדק	² הֲרֹב דְּבָרִים לֹא יֵעָנֶה וְאִם־אִישׁ שְׂפָתַיִם יִצְדָּק
³ בדיך מתים יחרישו ותלעג ואין מכלם	³ בַּדֶּיךָ מְתִים יַחֲרִישׁו וַתִּלְעַג וְאֵין מַכְלִם
⁴ ותאמר זך לקחי ובר הייתי בעיניך	⁴ וַתֹּאמֶר זַךְ לִקְחִי וּבַר הָיִיתִי בְעֵינֶיךָ
⁵ ואולם מי יתן אלוה דבר ויפתח שפתיו עמך	⁵ וְאוּלָם מִי־יִתֵּן אֱלֹוהַּ דַּבֵּר וְיִפְתַּח שְׂפָתָיו עִמָּךְ
⁶ ויגד לך תעלמות חכמה כי כפלים לתושיה ודע כי ישה לך אלוה מעונך	⁶ וְיַגֶּד־לְךָ ׀ תַּעֲלֻמֹות חָכְמָה כִּי־כִפְלַיִם לְתוּשִׁיָּה וְדַע כִּי־יַשֶּׁה לְךָ אֱלֹוהַ מֵעֲוֹנֶךָ
⁷ החקר אלוה תמצא אם עד תכלית שדי תמצא	⁷ הַחֵקֶר אֱלֹוהַ תִּמְצָא אִם עַד־תַּכְלִית שַׁדַּי תִּמְצָא
⁸ גבהי שמים מה תפעל עמקה משאול מה תדע	⁸ גָּבְהֵי מַיִם מַה־תִּפְעָל עֲמֻקָּה מִשְּׁאֹול מַה־תֵּדָע
⁹ ארכה מארץ מדה ורחבה מני ים	⁹ אֲרֻכָּה מֵאֶרֶץ מִדָּהּ וּרְחָבָה מִנִּי־יָם
¹⁰ אם יחלף ויסגיר ויקהיל ומי ישיבנו	¹⁰ אִם־יַחֲלֹף וְיַסְגִּיר וְיַקְהִיל וּמִי יְשִׁיבֶנּוּ
¹¹ כי הוא ידע מתי שוא וירא און ולא יתבונן	¹¹ כִּי־הוּא יָדַע מְתֵי־שָׁוְא וַיַּרְא־אָוֶן וְלֹא יִתְבֹּונָן
¹² ואיש נבוב ילבב ועיר פרא אדם יולד	¹² וְאִישׁ נָבוּב יִלָּבֵב וְעַיִר פֶּרֶא אָדָם יִוָּלֵד
¹³ אם אתה הכינות לבך ופרשת אליו כפך	¹³ אִם־אַתָּה הֲכִינֹותָ לִבֶּךָ וּפָרַשְׂתָּ אֵלָיו כַּפֶּךָ
¹⁴ אם און בידך הרחיקהו ואל תשכן באהליך עולה	¹⁴ אִם־אָוֶן בְּיָדְךָ הַרְחִיקֵהוּ וְאַל־תַּשְׁכֵּן בְּאֹהָלֶיךָ עַוְלָה
¹⁵ כי אז תשא פניך ממום והיית מצק ולא תירא	¹⁵ כִּי־אָז ׀ תִּשָּׂא פָנֶיךָ מִמּוּם וְהָיִיתָ מֻצָק וְלֹא תִירָא
¹⁶ כי אתה עמל תשכח כמים עברו תזכר	¹⁶ כִּי־אַתָּה עָמָל תִּשְׁכָּח כְּמַיִם עָבְרוּ תִזְכֹּר
¹⁷ ומצהרים יקום חלד תעפה כבקר תהיה	¹⁷ וּמִצָּהֳרַיִם יָקוּם חָלֶד תָּעֻפָה כַּבֹּקֶר תִּהְיֶה
¹⁸ ובטחת כי יש תקוה וחפרת לבטח תשכב	¹⁸ וּבָטַחְתָּ כִּי־יֵשׁ תִּקְוָה וְחָפַרְתָּ לָבֶטַח תִּשְׁכָּב
¹⁹ ורבצת ואין מחריד וחלו פניך רבים	¹⁹ וְרָבַצְתָּ וְאֵין מַחֲרִיד וְחִלּוּ פָנֶיךָ רַבִּים
²⁰ ועיני רשעים תכלינה ומנוס אבד מנהם ותקותם מפח נפש	²⁰ וְעֵינֵי רְשָׁעִים תִּכְלֶינָה וּמָנֹוס אָבַד מִנְהֶם וְתִקְוָתָם מַפַּח־נָפֶשׁ׃ פ

Cambia Bibbia

Confronta con un'altra Bibbia

Versetti esaminati