ΨΑΛΜΟΙ - Salmi - Psalms 37

¹ ψαλμος τω δαυιδ εις αναμνησιν περι σαββατου

² κυριε μη τω θυμω σου ελεγξης με μηδε τη οργη σου παιδευσης με

³ οτι τα βελη σου ενεπαγησαν μοι και επεστηρισας επ' εμε την χειρα σου

⁴ ουκ εστιν ιασις εν τη σαρκι μου απο προσωπου της οργης σου ουκ εστιν ειρηνη τοις οστεοις μου απο προσωπου των αμαρτιων μου

⁵ οτι αι ανομιαι μου υπερηραν την κεφαλην μου ωσει φορτιον βαρυ εβαρυνθησαν επ' εμε

⁶ προσωζεσαν και εσαπησαν οι μωλωπες μου απο προσωπου της αφροσυνης μου

⁷ εταλαιπωρησα και κατεκαμφθην εως τελους ολην την ημεραν σκυθρωπαζων επορευομην

⁸ οτι αι ψυαι μου επλησθησαν εμπαιγμων και ουκ εστιν ιασις εν τη σαρκι μου

⁹ εκακωθην και εταπεινωθην εως σφοδρα ωρυομην απο στεναγμου της καρδιας μου

¹⁰ κυριε εναντιον σου πασα η επιθυμια μου και ο στεναγμος μου απο σου ουκ εκρυβη

¹¹ η καρδια μου εταραχθη εγκατελιπεν με η ισχυς μου και το φως των οφθαλμων μου και αυτο ουκ εστιν μετ' εμου

¹² οι φιλοι μου και οι πλησιον μου εξ εναντιας μου ηγγισαν και εστησαν και οι εγγιστα μου απο μακροθεν εστησαν

¹³ και εξεβιασαντο οι ζητουντες την ψυχην μου και οι ζητουντες τα κακα μοι ελαλησαν ματαιοτητας και δολιοτητας ολην την ημεραν εμελετησαν

¹⁴ εγω δε ωσει κωφος ουκ ηκουον και ωσει αλαλος ουκ ανοιγων το στομα αυτου

¹⁵ και εγενομην ωσει ανθρωπος ουκ ακουων και ουκ εχων εν τω στοματι αυτου ελεγμους

¹⁶ οτι επι σοι κυριε ηλπισα συ εισακουση κυριε ο θεος μου

¹⁷ οτι ειπα μηποτε επιχαρωσιν μοι οι εχθροι μου και εν τω σαλευθηναι ποδας μου επ' εμε εμεγαλορρημονησαν

¹⁸ οτι εγω εις μαστιγας ετοιμος και η αλγηδων μου ενωπιον μου δια παντος

¹⁹ οτι την ανομιαν μου εγω αναγγελω και μεριμνησω υπερ της αμαρτιας μου

²⁰ οι δε εχθροι μου ζωσιν και κεκραταιωνται υπερ εμε και επληθυνθησαν οι μισουντες με αδικως

²¹ οι ανταποδιδοντες κακα αντι αγαθων ενδιεβαλλον με επει κατεδιωκον δικαιοσυνην και απερριψαν με τον αγαπητον ωσει νεκρον εβδελυγμενον

²² μη εγκαταλιπης με κυριε ο θεος μου μη αποστης απ' εμου

²³ προσχες εις την βοηθειαν μου κυριε της σωτηριας μου