Proverbi 18
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Occasiones quaerit, qui vult recedere ab amico; omni consilio exacerbatur. | 1 Occasiones quærit qui vult recedere ab amico : omni tempore erit exprobrabilis. |
2 Non delectatur stultus prudentia sed in revelatione cordis sui. | 2 Non recipit stultus verba prudentiæ, nisi ea dixeris quæ versantur in corde ejus. |
3 Cum venerit impius, veniet et contemptio, et cum ignominia opprobrium. | 3 Impius, cum in profundum venerit peccatorum, contemnit ; sed sequitur eum ignominia et opprobrium. |
4 Aqua profunda verba ex ore viri, et torrens redundans fons sapientiae. | 4 Aqua profunda verba ex ore viri, et torrens redundans fons sapientiæ. |
5 Accipere personam impii non est bonum, ut declines iustum in iudicio. | 5 Accipere personam impii non est bonum, ut declines a veritate judicii. |
6 Labia stulti miscent se rixis, et os eius plagas provocat. | 6 Labia stulti miscent se rixis, et os ejus jurgia provocat. |
7 Os stulti ruina eius, et labia ipsius laqueus animae eius. | 7 Os stulti contritio ejus, et labia ipsius ruina animæ ejus. |
8 Verba susurronis quasi dulcia, et ipsa perveniunt usque ad interiora ventris. | 8 Verba bilinguis quasi simplicia, et ipsa perveniunt usque ad interiora ventris. Pigrum dejicit timor ; animæ autem effeminatorum esurient. |
9 Qui mollis et dissolutus est in opere suo, frater est viri dissipantis. | 9 Qui mollis et dissolutus est in opere suo frater est sua opera dissipantis. |
10 Turris fortissima nomen Domini; ad ipsum currit iustus et exaltabitur. | 10 Turris fortissima nomen Domini ; ad ipsum currit justus, et exaltabitur. |
11 Substantia divitis urbs roboris eius et quasi murus excelsus in cogitatione eius. | 11 Substantia divitis urbs roboris ejus, et quasi murus validus circumdans eum. |
12 Antequam conteratur, exaltatur cor hominis; et, antequam glorificetur, humiliatur. | 12 Antequam conteratur, exaltatur cor hominis, et antequam glorificetur, humiliatur. |
13 Qui prius respondet quam audiat, stultitia est ei et contumelia. | 13 Qui prius respondet quam audiat, stultum se esse demonstrat, et confusione dignum. |
14 Spiritus viri sustentat imbecillitatem suam; spiritum vero confractum, quis poterit sustinere? | 14 Spiritus viri sustentat imbecillitatem suam ; spiritum vero ad irascendum facilem quis poterit sustinere ? |
15 Cor prudens possidebit scientiam, et auris sapientium quaerit doctrinam. | 15 Cor prudens possidebit scientiam, et auris sapientium quærit doctrinam. |
16 Donum hominis dilatat viam eius et ante principes deducit eum. | 16 Donum hominis dilatat viam ejus, et ante principes spatium ei facit. |
17 Qui prior in contentione loquitur, putatur iustus; venit amicus eius et arguet eum. | 17 Justus prior est accusator sui : venit amicus ejus, et investigabit eum. |
18 Lites comprimit sors et inter potentes quoque diiudicat. | 18 Contradictiones comprimit sors, et inter potentes quoque dijudicat. |
19 Frater, qui offenditur, durior est civitate firma, et lites quasi vectes urbium. | 19 Frater qui adjuvatur a fratre quasi civitas firma, et judicia quasi vectes urbium. |
20 De fructu oris viri replebitur venter eius, et genimina labiorum ipsius saturabunt eum. | 20 De fructu oris viri replebitur venter ejus, et genimina labiorum ipsius saturabunt eum. |
21 Mors et vita in manu linguae; qui diligunt eam, comedent fructus eius. | 21 Mors et vita in manu linguæ ; qui diligunt eam comedent fructus ejus. |
22 Qui invenit mulierem bonam, invenit bonum et hausit gratiam a Domino. | 22 Qui invenit mulierem bonam invenit bonum, et hauriet jucunditatem a Domino. Qui expellit mulierem bonam expellit bonum ; qui autem tenet adulteram stultus est et impius. |
23 Cum obsecrationibus loquetur pauper, et dives effabitur rigide. | 23 Cum obsecrationibus loquetur pauper, et dives effabitur rigide. |
24 Vir cum amicis concuti potest, sed est amicus, qui adhaereat magis quam frater. | 24 Vir amabilis ad societatem magis amicus erit quam frater. |