Numeri 29

VULGATA	NOVA VULGATA
1 Mensis etiam septimi prima dies venerabilis et sancta erit vobis. Omne opus servile non facietis in ea, quia dies clangoris est et tubarum.	1 Mensis etiam septimi prima die conventus sanctus erit vo bis; omne opus servile non facietis in ea, quia dies clangoris est et tubarum.
2 Offeretisque holocaustum in odorem suavissimum Domino, vitulum de armento unum, arietem unum, et agnos anniculos immaculatos septem :	2 Offeretisque holocaustum in odorem suavissimum Domino: vitulum de armento unum, arietem unum et agnos anniculos immaculatos septem;
3 et in sacrificiis eorum, similæ oleo conspersæ tres decimas per singulos vitulos, duas decimas per arietem,	3 et in oblationibus eorum similae oleo conspersae tres decimas per vitulum, duas decimas per arietem,
4 unam decimam per agnum, qui simul sunt agni septem :	4 unam decimam per agnum, qui simul sunt agni septem;
5 et hircum pro peccato, qui offertur in expiationem populi,	5 et hircum pro peccato, qui offertur in expiationem vestram,
6 præter holocaustum calendarum cum sacrificiis suis, et holocaustum sempiternum cum libationibus solitis : eisdem cæremoniis offeretis in odorem suavissimum incensum Domino.	6 praeter holocaustum calendarum cum oblatione et holocaustum sempiternum cum oblatione et libationibus solitis in odorem suavissimum, sacrificium ignis Domino.
7 Decima quoque dies mensis hujus septimi erit vobis sancta atque venerabilis, et affligetis animas vestras : omne opus servile non facietis in ea.	7 Decima quoque die mensis huius septimi erit vobis conventus sanctus, et affligetis animas vestras; omne opus servile non facietis.
8 Offeretisque holocaustum Domino in odorem suavissimum, vitulum de armento unum, arietem unum, agnos anniculos immaculatos septem :	8 Offeretisque holocaustum Domino in odorem suavissimum: vitulum de armento unum, arietem unum, agnos anniculos immaculatos septem;
9 et in sacrificiis eorum similæ oleo conspersæ tres decimas per singulos vitulos, duas decimas per arietem,	9 et in oblatione eorum similae oleo conspersae tres decimas per vitulum, duas decimas per arietem,
10 decimam decimæ per agnos singulos, qui sunt simul agni septem :	10 decimam unam per agnos singulos, qui sunt simul septem agni;
11 et hircum pro peccato, absque his quæ offerri pro delicto solent in expiationem, et holocaustum sempiternum, cum sacrificio et libaminibus eorum.	11 et hircum pro peccato, absque his, quae offerri pro delicto solent in expiationem et holocaustum sempiternum cum oblatione et libaminibus eorum.
12 Quintadecima vero die mensis septimi, quæ vobis sancta erit atque venerabilis, omne opus servile non facietis in ea, sed celebrabitis solemnitatem Domino septem diebus.	12 Quinta decima vero die mensis septimi conventus sanctus erit; omne opus servile non facietis in ea, sed celebrabitis sollemnitatem Domino septem diebus
13 Offeretisque holocaustum in odorem suavissimum Domino, vitulos de armento tredecim, arietes duos, agnos anniculos immaculatos quatuordecim :	13 offeretisque holocaustum in odorem suavissimum Domino: vitulos de armento tredecim, arietes duos, agnos anniculos immaculatos quattuordecim;
14 et in libamentis eorum, similæ oleo conspersæ tres decimas per vitulos singulos, qui sunt simul vituli tredecim, et duas decimas arieti uno, id est, simul arietibus duobus,	14 et in oblatione eorum similae oleo conspersae tres decimas per vitulos singulos, qui sunt simul vituli tredecim, et duas decimas arieti uno, id est simul arietibus duobus,
15 et decimam decimæ agnis singulis, qui sunt simul agni quatuordecim :	15 et decimam unam agnis singulis, qui sunt simul agni quattuordecim;
16 et hircum pro peccato, absque holocausto sempiterno, et sacrificio, et libamine ejus.	16 et hircum pro peccato absque holocausto sempiterno et oblatione et libamine eius.
17 In die altero offeretis vitulos de armento duodecim, arietes duos, agnos anniculos immaculatos quatuordecim :	17 In die altero offeretis vitulos de armento duodecim, arietes duos, agnos anniculos immaculatos quattuordecim;
18 sacrificiaque et libamina singulorum, per vitulos, et arietes, et agnos rite celebrabitis :	18 oblationemque et libamina singulorum per vitulos et arietes et agnos iuxta numerum eorum rite celebrabitis,
19 et hircum pro peccato, absque holocausto sempiterno, sacrificioque et libamine ejus.	19 et hircum pro peccato absque holocausto sempiterno oblationeque et libamine eorum.
20 Die tertio offeretis vitulos undecim, arietes duos, agnos anniculos immaculatos quatuordecim :	20 Die tertio offeretis vitulos undecim, arietes duos, agnos anniculos imma culatos quattuordecim,
21 sacrificiaque et libamina singulorum, per vitulos, et arietes, et agnos rite celebrabitis :	21 oblationem et libamina singulorum per vitulos et arietes et agnos iuxta numerum eorum rite celebrabitis,
22 et hircum pro peccato, absque holocausto sempiterno, sacrificioque et libamine ejus.	22 et hircum pro peccato absque holocausto sempiterno oblationeque et libamine eius.
23 Die quarto offeretis vitulos decem, arietes duos, agnos anniculos immaculatos quatuordecim :	23 Die quarto offeretis vitulos decem, arietes duos, agnos anniculos immaculatos quattuordecim,
24 sacrificiaque et libamina singulorum, per vitulos, et arietes, et agnos rite celebrabitis :	24 oblationem et libamina singulorum per vitulos et arietes et agnos iuxta numerum eorum rite celebrabitis,
25 et hircum pro peccato, absque holocausto sempiterno, sacrificioque ejus et libamine.	25 et hircum pro peccato absque holocausto sempiterno, oblatione eius et libamine.
26 Die quinto offeretis vitulos novem, arietes duos, agnos anniculos immaculatos quatuordecim :	26 Die quinto offeretis vitulos novem, arietes duos, agnos anniculos immaculatos quattuordecim,
27 sacrificiaque et libamina singulorum, per vitulos, et arietes, et agnos rite celebrabitis :	27 oblationem et libamina singulorum per vitulos et arietes et agnos iuxta numerum eorum rite celebrabitis,
28 et hircum pro peccato, absque holocausto sempiterno, sacrificioque ejus et libamine.	28 et hircum pro peccato absque holocausto sempiterno, oblatione eius et libamine.
29 Die sexto offeretis vitulos octo, arietes duos, agnos anniculos immaculatos quatuordecim :	29 Die sexto offeretis vitulos octo, arietes duos, agnos anniculos immaculatos quattuordecim,
30 sacrificiaque et libamina singulorum, per vitulos, et arietes, et agnos rite celebrabitis :	30 oblationem et libamina singulorum per vitulos et arietes et agnos iuxta numerum eorum rite celebrabitis,
31 et hircum pro peccato, absque holocausto sempiterno, sacrificioque ejus et libamine.	31 et hircum pro peccato absque holocausto sempiterno, oblatione eius et libamine.
32 Die septimo offeretis vitulos septem, et arietes duos, agnos anniculos immaculatos quatuordecim :	32 Die septimo offeretis vitulos septem et arietes duos, agnos anniculos immaculatos quattuordecim,
33 sacrificiaque et libamina singulorum, per vitulos, et arietes, et agnos rite celebrabitis :	33 oblationem et libamina singulorum per vitulos et arietes et agnos iuxta numerum eorum rite celebrabitis,
34 et hircum pro peccato, absque holocausto sempiterno, sacrificioque ejus et libamine.	34 et hircum pro peccato absque holocausto sempiterno, oblatione eius et libamine.
35 Die octavo, qui est celeberrimus, omne opus servile non facietis,	35 Die octavo erit conventus sollemnis, omne opus servile non facietis
36 offerentes holocaustum in odorem suavissimum Domino, vitulum unum, arietem unum, agnos anniculos immaculatos septem :	36 offerentes holocaustum in odorem suavissimum Domino: vitulum unum, arietem unum, agnos anniculos immaculatos septem,
37 sacrificiaque et libamina singulorum, per vitulos, et arietes, et agnos rite celebrabitis :	37 oblationem et libamina singulorum per vitulum et arietem et agnos iuxta numerum eorum rite celebrabitis,
38 et hircum pro peccato, absque holocausto sempiterno, sacrificioque ejus et libamine.	38 et hircum pro peccato absque holocausto sempiterno, oblatione eius et libamine.
39 Hæc offeretis Domino in solemnitatibus vestris : præter vota et oblationes spontaneas in holocausto, in sacrificio, in libamine, et in hostiis pacificis.	39 Haec offeretis Domino in sollemnitatibus vestris, praeter vota et oblationes spontaneas in holocaustis, in oblationibus, in libaminibus et in hostiis pacificis ”.