Salmi 49
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Magistro chori. Filiorum Core. Psalmus. | 1 Psalmus Asaph. Deus deorum Dominus locutus est, et vocavit terram a solis ortu usque ad occasum. |
2 Audite haec, omnes gentes; auribus percipite, omnes, qui habitatis orbem: | 2 Ex Sion species decoris ejus : |
3 quique humiles et viri nobiles, simul in unum dives et pauper! | 3 Deus manifeste veniet ; Deus noster, et non silebit. Ignis in conspectu ejus exardescet ; et in circuitu ejus tempestas valida. |
4 Os meum loquetur sapientiam, et meditatio cordis mei prudentiam. | 4 Advocabit cælum desursum, et terram, discernere populum suum. |
5 Inclinabo in parabolam aurem meam, aperiam in psalterio aenigma meum. | 5 Congregate illi sanctos ejus, qui ordinant testamentum ejus super sacrificia. |
6 Cur timebo in diebus malis, cum iniquitas supplantantium circumdabit me? | 6 Et annuntiabunt cæli justitiam ejus, quoniam Deus judex est. |
7 Qui confidunt in virtute sua et in multitudine divitiarum suarum gloriantur. | 7 Audi, populus meus, et loquar ; Israël, et testificabor tibi : Deus, Deus tuus ego sum. |
8 Etenim seipsum non redimet homo; non dabit Deo propitiationem suam. | 8 Non in sacrificiis tuis arguam te ; holocausta autem tua in conspectu meo sunt semper. |
9 Nimium est pretium redemptionis animae eius: ad ultimum deficiet, | 9 Non accipiam de domo tua vitulos, neque de gregibus tuis hircos : |
10 ut vivat usque in finem nec videat interitum. | 10 quoniam meæ sunt omnes feræ silvarum, jumenta in montibus, et boves. |
11 Et videbit sapientes morientes; simul insipiens et stultus peribunt et relinquent alienis divitias suas. | 11 Cognovi omnia volatilia cæli, et pulchritudo agri mecum est. |
12 Sepulcra eorum domus illorum in aeternum; tabernacula eorum in progeniem et progeniem, etsi vocaverunt nominibus suis terras suas. | 12 Si esuriero, non dicam tibi : meus est enim orbis terræ et plenitudo ejus. |
13 Et homo, cum sit in honore, non permanebit; comparatus est iumentis, quae pereunt, et similis factus est illis. | 13 Numquid manducabo carnes taurorum ? aut sanguinem hircorum potabo ? |
14 Haec via illorum, quorum fiducia in semetipsis, et finis eorum, qui complacent in ore suo. | 14 Immola Deo sacrificium laudis, et redde Altissimo vota tua. |
15 Sicut oves in inferno positi sunt, mors depascet eos; descendent praecipites ad sepulcrum, et figura eorum erit in consumptionem: infernus habitaculum eorum. | 15 Et invoca me in die tribulationis : eruam te, et honorificabis me. |
16 Verumtamen Deus redimet animam meam, de manu inferi vere suscipiet me. | 16 Peccatori autem dixit Deus : Quare tu enarras justitias meas ? et assumis testamentum meum per os tuum ? |
17 Ne timueris, cum dives factus fuerit homo, et cum multiplicata fuerit gloria domus eius, | 17 Tu vero odisti disciplinam, et projecisti sermones meos retrorsum. |
18 quoniam, cum interierit, non sumet omnia, neque descendet cum eo gloria eius. | 18 Si videbas furem, currebas cum eo ; et cum adulteris portionem tuam ponebas. |
19 Cum animae suae in vita ipsius benedixerit: “ Laudabunt te quod benefecisti tibi ”, | 19 Os tuum abundavit malitia, et lingua tua concinnabat dolos. |
20 tamen introibit ad progeniem patrum suorum, qui in aeternum non videbunt lumen. | 20 Sedens adversus fratrem tuum loquebaris, et adversus filium matris tuæ ponebas scandalum. |
21 Homo, cum in honore esset, non intellexit; comparatus est iumentis, quae pereunt, et similis factus est illis. | 21 Hæc fecisti, et tacui. Existimasti inique quod ero tui similis : arguam te, et statuam contra faciem tuam. |
22 Intelligite hæc, qui obliviscimini Deum, nequando rapiat, et non sit qui eripiat. | |
23 Sacrificium laudis honorificabit me, et illic iter quo ostendam illi salutare Dei. |