Salmi תהילים (Tehillim) 78

Torna indietro

Modern Hebrew Bible	תנ"ך - מקרא על פי המסורה
¹ משכיל לאסף האזינה עמי תורתי הטו אזנכם לאמרי פי	¹ מַשְׂכִּיל לְאָסָף הַאֲזִינָה עַמִּי תֹּורָתִי הַטּוּ אָזְנְכֶם לְאִמְרֵי־פִי
² אפתחה במשל פי אביעה חידות מני קדם	² אֶפְתְּחָה בְמָשָׁל פִּי אַבִּיעָה חִידֹות מִנִּי־קֶדֶם
³ אשר שמענו ונדעם ואבותינו ספרו לנו	³ אֲשֶׁר מַעְנוּ וַנֵּדָעֵם וַאֲבֹותֵינוּ סִפְּרוּ־לָנוּ
⁴ לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה	⁴ לֹא נְכַחֵד ׀ מִבְּנֵיהֶם לְדֹור אַחֲרֹון מְסַפְּרִים תְּהִלֹּות יְהוָה וֶעֱזוּזֹו וְנִפְלְאֹותָיו אֲשֶׁר עָשָׂה
⁵ ויקם עדות ביעקב ותורה שם בישראל אשר צוה את אבותינו להודיעם לבניהם	⁵ וַיָּקֶם עֵדוּת ׀ בְּיַעֲקֹב וְתֹורָה שָׂם בְּיִשְׂרָאֵל אֲשֶׁר צִוָּה אֶת־אֲבֹותֵינוּ לְהֹודִיעָם לִבְנֵיהֶם
⁶ למען ידעו דור אחרון בנים יולדו יקמו ויספרו לבניהם	⁶ לְמַעַן יֵדְעוּ ׀ דֹּור אַחֲרֹון בָּנִים יִוָּלֵדוּ יָקֻמוּ וִיסַפְּרוּ לִבְנֵיהֶם
⁷ וישימו באלהים כסלם ולא ישכחו מעללי אל ומצותיו ינצרו	⁷ וְיָשִׂימוּ בֵאלֹהִים כִּסְלָם וְלֹא יִשְׁכְּחוּ מַעַלְלֵי־אֵל וּמִצְוֹתָיו יִנְצֹרוּ
⁸ ולא יהיו כאבותם דור סורר ומרה דור לא הכין לבו ולא נאמנה את אל רוחו	⁸ וְלֹא יִהְיוּ ׀ כַּאֲבֹותָם דֹּור סֹורֵר וּמֹרֶה דֹּור לֹא־הֵכִין לִבֹּו וְלֹא־נֶאֶמְנָה אֶת־אֵל רוּחֹו
⁹ בני אפרים נושקי רומי קשת הפכו ביום קרב	⁹ בְּנֵי־אֶפְרַיִם נֹושְׁקֵי רֹומֵי־קָשֶׁת הָפְכוּ בְּיֹום קְרָב
¹⁰ לא שמרו ברית אלהים ובתורתו מאנו ללכת	¹⁰ לֹא מְרוּ בְּרִית אֱלֹהִים וּבְתֹורָתֹו מֵאֲנוּ לָלֶכֶת
¹¹ וישכחו עלילותיו ונפלאותיו אשר הראם	¹¹ וַיִּשְׁכְּחוּ עֲלִילֹותָיו וְנִפְלְאֹותָיו אֲשֶׁר הֶרְאָם
¹² נגד אבותם עשה פלא בארץ מצרים שדה צען	¹² נֶגֶד אֲבֹותָם עָשָׂה פֶלֶא בְּאֶרֶץ מִצְרַיִם שְׂדֵה־צֹעַן
¹³ בקע ים ויעבירם ויצב מים כמו נד	¹³ בָּקַע יָם וַיַּעֲבִירֵם וַיַּצֶּב־מַיִם כְּמֹו־נֵד
¹⁴ וינחם בענן יומם וכל הלילה באור אש	¹⁴ וַיַּנְחֵם בֶּעָנָן יֹומָם וְכָל־הַלַּיְלָה בְּאֹור אֵשׁ
¹⁵ יבקע צרים במדבר וישק כתהמות רבה	¹⁵ יְבַקַּע צֻרִים בַּמִּדְבָּר וַיַּשְׁקְ כִּתְהֹמֹות רַבָּה
¹⁶ ויוצא נוזלים מסלע ויורד כנהרות מים	¹⁶ וַיֹּוצִא נֹוזְלִים מִסָּלַע וַיֹּורֶד כַּנְּהָרֹות מָיִם
¹⁷ ויוסיפו עוד לחטא לו למרות עליון בציה	¹⁷ וַיֹּוסִיפוּ עֹוד לַחֲטֹא־לֹו לַמְרֹות עֶלְיֹון בַּצִּיָּה
¹⁸ וינסו אל בלבבם לשאל אכל לנפשם	¹⁸ וַיְנַסּוּ־אֵל בִּלְבָבָם לִשְׁאָל־אֹכֶל לְנַפְשָׁם
¹⁹ וידברו באלהים אמרו היוכל אל לערך שלחן במדבר	¹⁹ וַיְדַבְּרוּ בֵּאלֹהִים אָמְרוּ הֲיוּכַל אֵל לַעֲרֹךְ לְחָן בַּמִּדְבָּר
²⁰ הן הכה צור ויזובו מים ונחלים ישטפו הגם לחם יוכל תת אם יכין שאר לעמו	²⁰ הֵן הִכָּה־צוּר ׀ וַיָּזוּבוּ מַיִם וּנְחָלִים יִשְׁטֹפוּ הֲגַם־לֶחֶם יוּכַל תֵּת אִם־יָכִין שְׁאֵר לְעַמֹּו
²¹ לכן שמע יהוה ויתעבר ואש נשקה ביעקב וגם אף עלה בישראל	²¹ לָכֵן ׀ שָׁמַע יְהוָה וַיִּתְעַבָּר וְאֵשׁ נִשְּׂקָה בְיַעֲקֹב וְגַם־אַף עָלָה בְיִשְׂרָאֵל
²² כי לא האמינו באלהים ולא בטחו בישועתו	²² כִּי לֹא הֶאֱמִינוּ בֵּאלֹהִים וְלֹא בָטְחוּ בִּישׁוּעָתֹו
²³ ויצו שחקים ממעל ודלתי שמים פתח	²³ וַיְצַו שְׁחָקִים מִמָּעַל וְדַלְתֵי שָׁמַיִם פָּתָח
²⁴ וימטר עליהם מן לאכל ודגן שמים נתן למו	²⁴ וַיַּמְטֵר עֲלֵיהֶם מָן לֶאֱכֹל וּדְגַןשָׁ־מַיִם נָתַן לָמֹו
²⁵ לחם אבירים אכל איש צידה שלח להם לשבע	²⁵ לֶחֶם אַבִּירִים אָכַל אִישׁ צֵידָה שָׁלַח לָהֶם לָשֹׂבַע
²⁶ יסע קדים בשמים וינהג בעזו תימן	²⁶ יַסַּע קָדִים בַּשָּׁמָיִם וַיְנַהֵג בְּעֻזֹּו תֵימָן
²⁷ וימטר עליהם כעפר שאר וכחול ימים עוף כנף	²⁷ וַיַּמְטֵר עֲלֵיהֶם כֶּעָפָר שְׁאֵר וּכְחֹול יַמִּים עֹוף כָּנָף
²⁸ ויפל בקרב מחנהו סביב למשכנתיו	²⁸ וַיַּפֵּל בְּקֶרֶב מַחֲנֵהוּ סָבִיב לְמִשְׁכְּנֹתָיו
²⁹ ויאכלו וישבעו מאד ותאותם יבא להם	²⁹ וַיֹּאכְלוּ וַיִּשְׂבְּעוּ מְאֹד וְתַאֲוָתָם יָבִא לָהֶם
³⁰ לא זרו מתאותם עוד אכלם בפיהם	³⁰ לֹא־זָרוּ מִתַּאֲוָתָם עֹוד אָכְלָם בְּפִיהֶם
³¹ ואף אלהים עלה בהם ויהרג במשמניהם ובחורי ישראל הכריע	³¹ וְאַף אֱלֹהִים ׀ עָלָה בָהֶם וַיַּהֲרֹג בְּמִשְׁמַנֵּיהֶם וּבַחוּרֵי יִשְׂרָאֵל הִכְרִיעַ
³² בכל זאת חטאו עוד ולא האמינו בנפלאותיו	³² בְּכָל־זֹאת חָטְאוּ־עֹוד וְלֹא־הֶאֱמִינוּ בְּנִפְלְאֹותָיו
³³ ויכל בהבל ימיהם ושנותם בבהלה	³³ וַיְכַל־בַּהֶבֶל יְמֵיהֶם וּשְׁנֹותָם בַּבֶּהָלָה
³⁴ אם הרגם ודרשוהו ושבו ושחרו אל	³⁴ אִם־הֲרָגָם וּדְרָשׁוּהוּ וְשָׁבוּ וְשִׁחֲרוּ־אֵל
³⁵ ויזכרו כי אלהים צורם ואל עליון גאלם	³⁵ וַיִּזְכְּרוּ כִּי־אֱלֹהִים צוּרָם וְאֵל עֶלְיֹון גֹּאֲלָם
³⁶ ויפתוהו בפיהם ובלשונם יכזבו לו	³⁶ וַיְפַתּוּהוּ בְּפִיהֶם וּבִלְשֹׁונָם יְכַזְּבוּ־לֹו
³⁷ ולבם לא נכון עמו ולא נאמנו בבריתו	³⁷ וְלִבָּם לֹא־נָכֹון עִמֹּו וְלֹא נֶאֶמְנוּ בִּבְרִיתֹו
³⁸ והוא רחום יכפר עון ולא ישחית והרבה להשיב אפו ולא יעיר כל חמתו	³⁸ וְהוּא רַחוּם ׀ יְכַפֵּר עָוֹן וְלֹא־יַשְׁחִית וְהִרְבָּה לְהָשִׁיב אַפֹּו וְלֹא־יָעִיר כָּל־חֲמָתֹו
³⁹ ויזכר כי בשר המה רוח הולך ולא ישוב	³⁹ וַיִּזְכֹּר כִּי־בָשָׂר הֵמָּה רוּחַ הֹולֵךְ וְלֹא יָשׁוּב
⁴⁰ כמה ימרוהו במדבר יעציבוהו בישימון	⁴⁰ כַּמָּה יַמְרוּהוּ בַמִּדְבָּר יַעֲצִיבוּהוּ בִּישִׁימֹון
⁴¹ וישובו וינסו אל וקדוש ישראל התוו	⁴¹ וַיָּשׁוּבוּ וַיְנַסּוּ אֵל וּקְדֹושׁ יִשְׂרָאֵל הִתְווּ
⁴² לא זכרו את ידו יום אשר פדם מני צר	⁴² לֹא־זָכְרוּ אֶת־יָדֹו יֹום אֲ‍שֶׁר־פָּדָם מִנִּי־צָר
⁴³ אשר שם במצרים אתותיו ומופתיו בשדה צען	⁴³ אֲשֶׁר־שָׂם בְּמִצְרַיִם אֹתֹותָיו וּמֹופְתָיו בִּשְׂדֵה־צֹעַן
⁴⁴ ויהפך לדם יאריהם ונזליהם בל ישתיון	⁴⁴ וַיַּהֲפֹךְ לְדָם יְאֹרֵיהֶם וְנֹזְלֵיהֶם בַּל־יִשְׁתָּיוּן
⁴⁵ ישלח בהם ערב ויאכלם וצפרדע ותשחיתם	⁴⁵ יְשַׁלַּח בָּהֶם עָרֹב וַיֹּאכְלֵם וּצְפַרְדֵּעַ וַתַּשְׁחִיתֵם
⁴⁶ ויתן לחסיל יבולם ויגיעם לארבה	⁴⁶ וַיִּתֵּן לֶחָסִיל יְבוּלָם וִיגִיעָם לָאַרְבֶּה
⁴⁷ יהרג בברד גפנם ושקמותם בחנמל	⁴⁷ יַהֲרֹג בַּבָּרָד גַּפְנָם וְשִׁקְמֹותָם בַּחֲנָמַל
⁴⁸ ויסגר לברד בעירם ומקניהם לרשפים	⁴⁸ וַיַּסְגֵּר לַבָּרָד בְּעִירָם וּמִקְנֵיהֶם לָרְשָׁפִים
⁴⁹ ישלח בם חרון אפו עברה וזעם וצרה משלחת מלאכי רעים	⁴⁹ יְשַׁלַּח־בָּם ׀ חֲרֹון אַפֹּו עֶבְרָה וָזַעַם וְצָרָה מִשְׁלַחַת מַלְאֲכֵי רָעִים
⁵⁰ יפלס נתיב לאפו לא חשך ממות נפשם וחיתם לדבר הסגיר	⁵⁰ יְפַלֵּס נָתִיב לְאַפֹּו לֹא־חָשַׂךְ מִמָּוֶת נַפְשָׁם וְחַיָּתָם לַדֶּבֶר הִסְגִּיר
⁵¹ ויך כל בכור במצרים ראשית אונים באהלי חם	⁵¹ וַיַּךְ כָּל־בְּכֹור בְּמִצְרָיִם רֵאשִׁית אֹונִים בְּאָהֳלֵי־חָם
⁵² ויסע כצאן עמו וינהגם כעדר במדבר	⁵² וַיַּסַּע כַּצֹּאן עַמֹּו וַיְנַהֲגֵם כַּעֵדֶר בַּמִּדְבָּר
⁵³ וינחם לבטח ולא פחדו ואת אויביהם כסה הים	⁵³ וַיַּנְחֵם לָבֶטַח וְלֹא פָחָדוּ וְאֶת־אֹויְבֵיהֶם כִּסָּה הַיָּם
⁵⁴ ויביאם אל גבול קדשו הר זה קנתה ימינו	⁵⁴ וַיְבִיאֵם אֶל־גְּבוּל קָדְשֹׁו הַר־זֶה קָנְתָה יְמִינֹו
⁵⁵ ויגרש מפניהם גוים ויפילם בחבל נחלה וישכן באהליהם שבטי ישראל	⁵⁵ וַיְגָרֶשׁ מִפְּנֵיהֶם ׀ גֹּויִם וַיַּפִּילֵם בְּחֶבֶל נַחֲלָה וַיַּשְׁכֵּן בְּאָהֳלֵיהֶם שִׁבְטֵי יִשְׂרָאֵל
⁵⁶ וינסו וימרו את אלהים עליון ועדותיו לא שמרו	⁵⁶ וַיְנַסּוּ וַיַּמְרוּ אֶת־אֱלֹהִים עֶלְיֹון וְעֵדֹותָיו לֹא שָׁמָרוּ
⁵⁷ ויסגו ויבגדו כאבותם נהפכו כקשת רמיה	⁵⁷ וַיִּסֹּגוּ וַיִּבְגְּדוּ כַּאֲבֹותָם נֶהְפְּכוּ כְּקֶשֶׁת רְמִיָּה
⁵⁸ ויכעיסוהו בבמותם ובפסיליהם יקניאוהו	⁵⁸ וַיַּכְעִיסוּהוּ בְּבָמֹותָם וּבִפְסִילֵיהֶם יַקְנִיאוּהוּ
⁵⁹ שמע אלהים ויתעבר וימאס מאד בישראל	⁵⁹ שָׁמַע אֱלֹהִים וַיִּתְעַבָּר וַיִּמְאַס מְאֹד בְּיִשְׂרָאֵל
⁶⁰ ויטש משכן שלו אהל שכן באדם	⁶⁰ וַיִּטֹּשׁ מִשְׁכַּן שִׁלֹו אֹהֶל שִׁכֵּן בָּאָדָם
⁶¹ ויתן לשבי עזו ותפארתו ביד צר	⁶¹ וַיִּתֵּן לַשְּׁבִי עֻזֹּו וְתִפְאַרְתֹּו בְיַד־צָר
⁶² ויסגר לחרב עמו ובנחלתו התעבר	⁶² וַיַּסְגֵּר לַחֶרֶב עַמֹּו וּבְנַחֲלָתֹו הִתְעַבָּר
⁶³ בחוריו אכלה אש ובתולתיו לא הוללו	⁶³ בַּחוּרָיו אָכְלָה־אֵשׁ וּבְתוּלֹתָיו לֹא הוּלָּלוּ
⁶⁴ כהניו בחרב נפלו ואלמנתיו לא תבכינה	⁶⁴ כֹּהֲנָיו בַּחֶרֶב נָפָלוּ וְאַלְמְנֹתָיו לֹא תִבְכֶּינָה
⁶⁵ ויקץ כישן אדני כגבור מתרונן מיין	⁶⁵ וַיִּקַץ כְּיָשֵׁן ׀ אֲדֹנָי כְּגִבֹּור מִתְרֹונֵן מִיָּיִן
⁶⁶ ויך צריו אחור חרפת עולם נתן למו	⁶⁶ וַיַּךְ־צָרָיו אָחֹור חֶרְפַּת עֹולָם נָתַן לָמֹו
⁶⁷ וימאס באהל יוסף ובשבט אפרים לא בחר	⁶⁷ וַיִּמְאַס בְּאֹהֶל יֹוסֵף וּבְשֵׁבֶט אֶפְרַיִם לֹא בָחָר
⁶⁸ ויבחר את שבט יהודה את הר ציון אשר אהב	⁶⁸ וַיִּבְחַר אֶת־שֵׁבֶט יְהוּדָה אֶת־הַר צִיֹּון אֲשֶׁר אָהֵב
⁶⁹ ויבן כמו רמים מקדשו כארץ יסדה לעולם	⁶⁹ וַיִּבֶן כְּמֹו־רָמִים מִקְדָּשֹׁו כְּאֶרֶץ יְסָדָהּ לְעֹולָם
⁷⁰ ויבחר בדוד עבדו ויקחהו ממכלאת צאן	⁷⁰ וַיִּבְחַר בְּדָוִד עַבְדֹּו וַיִּקָּחֵהוּ מִמִּכְלְאֹת צֹאן
⁷¹ מאחר עלות הביאו לרעות ביעקב עמו ובישראל נחלתו	⁷¹ מֵאַחַר עָלֹות הֱבִיאֹו לִרְעֹות בְּיַעֲקֹב עַמֹּו וּבְיִשְׂרָאֵל נַחֲלָתֹו
⁷² וירעם כתם לבבו ובתבונות כפיו ינחם	⁷² וַיִּרְעֵם כְּתֹם לְבָבֹו וּבִתְבוּנֹות כַּפָּיו יַנְחֵם

Cambia Bibbia

Confronta con un'altra Bibbia

Versetti esaminati