| 1 Ναβουχοδονοσορ ο βασιλευς εκαμεν εικονα χρυσην, το υψος αυτης εξηκοντα πηχων και το πλατος αυτης εξ πηχων? και εστησεν αυτην εν τη πεδιαδι Δουρα, εν τη επαρχια της Βαβυλωνος. | 1 ܢܒܘܟܕܢܨܪ ܡ̇ܠܟܐ ܥܒ̣ܕ ܨܠܡܐ ܚܕ ܕܕܗܒܐ ܪܘܡܗ ܐܡ̈ܝܢ ܫܬܝܢ ܘܦܬܝܗ ܐܡ̈ܝܢ ܫܬ ܘܐܩܝܡܗ ܒܦܩܥܬ ܕܘܪܐ ܒܐܪܥܐ ܕܒܒܠ |
| 2 Και απεστειλε Ναβουχοδονοσορ ο βασιλευς να συναξη τους σατραπας, τους διοικητας και τους τοπαρχας, τους κριτας, τους θησαυροφυλακας, τους συμβουλους, τους νομοδιδασκαλους και παντας τους αρχοντας των επαρχιων, δια να ελθωσιν εις τα εγκαινια της εικονος, την οποιαν εστησε Ναβουχοδονοσορ ο βασιλευς. | 2 ܘܢܒܘܟܕܢܨܪ ܡ̇ܠܟܐ ܫܕܪ ܠܡܟܢܫܘ ܠܪ̈ܒܝ ܚܝ̈ܠܐ ܘܠܡܪ̈ܘܬܐ ܘܠܫ̈ܠܝܛܢܐ ܘܠܐܪ̈ܓܕܝܐ ܘܠܓܪ̈ܒܕܝܐ ܘܠܬܪ̈ܒܕܝܐ ܘܠܬܦܬ̈ܝܐ ܘܠܟܠ ܫܘܠܛܢ ܡܕܝܢ̈ܬܐ ܠܡܐܬܐ ܠܥܐܕܐ ܕܨܠܡܐ ܚܕܬܐ ܕܐܩܝܡ ܢܒܘܟܕܢܨܪ ܡ̇ܠܟܐ |
| 3 Και οι σατραπαι, οι διοικηται και οι τοπαρχαι, οι κριται, οι θησαυροφυλακες, οι συμβουλοι, οι νομοδιδασκαλοι και παντες οι αρχοντες των επαρχιων συνηχθησαν εις τα εγκαινια της εικονος, την οποιαν εστησε Ναβουχοδονοσορ ο βασιλευς? και εσταθησαν εμπροσθεν της εικονος, την οποιαν εστησεν ο Ναβουχοδονοσορ. | 3 ܗܝܕܝܢ ܐܬܟܢܫܘ ܟܠܗܘܢ ܪ̈ܒܝ ܚ̈ܝܠܐ ܘܡܪ̈ܘܬܐ ܘܫ̈ܠܝܛܢܐ ܘܐܪ̈ܓܕܝܐ ܘܓܪ̈ܒܕܝܐ ܘܬܪ̈ܒܕܝܐ ܘܬܦܬ̈ܝܐ ܘܟܠ ܫܘܠܛܢ ܡܕܝ̈ܢܬܐ ܘܐܬܘ ܠܥܐܕܐ ܕܨܠܡܐ ܚܕܬܐ ܕܐܩܝܡ ܢܒܘܟܕܢܨܪ ܡ̇ܠܟܐ ܘܩܝܡܝܢ ܗܘܘ ܠܘܩܒܠ ܨܠܡܐ ܕܐܩܝܡ ܢܒܘܟܕܢܨܪ ܡ̇ܠܟܐ |
| 4 Και κηρυξ εβοα μεγαλοφωνως, Εις εσας προσταττεται, λαοι, εθνη και γλωσσαι, | 4 ܘܟܪܘܙܐ ܩ̣ܪܐ ܒܚܝܠ ܘܐܡ̣ܪ ܠܟܘܢ ܐܡܪܝܢ ܥܡ̈ܡܐ ܘܐ̈ܡܘܬܐ ܘܠܫ̈ܢܐ |
| 5 καθ' ην ωραν ακουσητε τον ηχον της σαλπιγγος, της συριγγος, της κιθαρας, της σαμβυκης, του ψαλτηριου, της συμφωνιας και παντος ειδους μουσικης, πεσοντες προσκυνησατε την εικονα την χρυσην, την οποιαν εστησε Ναβουχοδονοσορ ο βασιλευς? | 5 ܒܫܥܬܐ ܕܫܡܥܝܢ ܐܢܬܘܢ ܩܠ ܩܪܢܐ ܘܡܫܪܘܩܝܬܐ ܘܩܝܬܪܐ ܘܟܢܪܐ ܘܨܦܘܢܝܐ ܘܟܠ ܙܢ̈ܝ ܙܡܪܐ ܬܦܠܘܢ ܘܬܣܓܕܘܢ ܠܨܠܡܐ ܕܕܗܒܐ ܕܐܩܝܡ ܢܒܘܟܕܢܨܪ ܡ̇ܠܟܐ |
| 6 και οστις δεν πεση και προσκυνηση, την αυτην ωραν θελει ριφθη εις το μεσον της καμινου του πυρος της καιομενης. | 6 ܘܡ̇ܢ ܕܠܐ ܢܦ̇ܠ ܘܢܣܓܘܕ ܒܗ̇ ܒܫܥܬܐ ܢܫܬܕܐ ܒܓܘ ܐܬܘܢܐ ܕܢܘܪܐ ܝܩܕܬܐ |
| 7 Δια τουτο οτε ηκουσαν παντες οι λαοι τον ηχον της σαλπιγγος, της συριγγος, της κιθαρας, της σαμβυκης, του ψαλτηριου και παντος ειδους μουσικης, πιπτοντες παντες οι λαοι, τα εθνη και αι γλωσσαι προσεκυνουν την εικονα την χρυσην, την οποιαν εστησε Ναβουχοδονοσορ ο βασιλευς. | 7 ܘܒܫܥܬܐ ܕܫܡܥܝܢ ܗܘܘ ܥܡ̈ܡܐ ܩܠ ܩܪܢܐ ܘܡܫܪܘܩܝܬܐ ܘܩܝܬܪܐ ܘܟܢܪܐ ܘܨܦܘܢܝܐ ܘܟܠ ܙܢ̈ܝ ܙܡܪܐ ܢܦ̇ܠܝܢ ܗܘܘ ܟܠܗܘܢ ܥܡ̈ܡܐ ܘܐ̈ܡܘܬܐ ܘܠܫ̈ܢܐ ܘܣܓܕܝܢ ܠܨܠܡܐ ܕܕܗܒܐ ܕܐܩܝܡ ܢܒܘܟܕܢܨܪ ܡ̇ܠܟܐ |
| 8 Χαλδαιοι δε τινες προσηλθον τοτε και διεβαλον τους Ιουδαιους? | 8 ܘܒܗ̇ ܒܫܥܬܐ ܩ̣ܪܒܘ ܓܒܪ̈ܐ ܟ̈ܠܕܝܐ ܘܐܟܠܘ ܩܪ̈ܨܝܗܘܢ ܕܝܗ̈ܘܕܝܐ |
| 9 και ειπον λεγοντες προς τον βασιλεα Ναβουχοδονοσορ, Βασιλευ, ζηθι εις τον αιωνα. | 9 ܘܐܡܪܝܢ ܠܢܒܘܟܕܢܨܪ ܡ̇ܠܟܐ ܡ̇ܠܟܐ ܠܥܠܡ ܚܝܝ |
| 10 Συ, βασιλευ, εξεδωκας προσταγμα, πας ανθρωπος, οστις ακουση τον ηχον της σαλπιγγος, της συριγγος, της κιθαρας, της σαμβυκης, του ψαλτηριου και της συμφωνιας και παντος ειδους μουσικης, να πεση και να προσκυνηση την εικονα την χρυσην? | 10 ܐܢܬ ܡ̇ܠܟܐ ܦܩܕܬ ܕܟܠܢܫ ܕܢܫܡܥ ܩܠ ܩܪܢܐ ܘܡܫܪܘܩܝܬܐ ܘܩܝܬܪܐ ܘܟܢܪܐ ܘܨܦܘܢܝܐ ܘܟܠ ܙܢܝ̈ ܙܡܪܐ ܢܦ̇ܠ ܘܢܣܓܘܕ ܠܨܠܡܐ ܕܕܗܒܐ ܕܐܩܝܡܬ |
| 11 και οστις δεν πεση και προσκυνηση, να ριφθη εις το μεσον της καμινου του πυρος της καιομενης. | 11 ܘܡ̇ܢ ܕܠܐ ܢ̇ܦܠ ܘܢܣܓܘܕ ܢܫܬܕܐ ܒܓܘ ܐܬܘܢܐ ܕܢܘܪܐ ܝܩܕܬܐ |
| 12 Ειναι ανδρες τινες Ιουδαιοι, τους οποιους κατεστησας επι τας υποθεσεις της επαρχιας της Βαβυλωνος, ο Σεδραχ, ο Μισαχ και ο Αβδε-νεγω? ουτοι οι ανθρωποι, βασιλευ, δεν σε εσεβασθησαν? τους θεους σου δεν λατρευουσι και την εικονα την χρυσην, την οποιαν εστησας, δεν προσκυνουσι. | 12 ܐܝܬ ܬܢܢ ܓܒܪ̈ܐ ܝܗ̈ܘܕܝܐ ܕܐܩܝܡܬ ܐܢܘܢ ܥܠ ܨܒ̈ܘܬܐ ܕܡܕܝܢܬ ܒܒܠ ܫܕܪܟ ܡܝܫܟ ܘܥܒܕܢ̇ܓܘ ܓܒܪ̈ܐ ܗ̇ܢܘܢ ܠܐ ܚܫܒܘܟ ܡ̇ܠܟܐ ܘܠܐܠܗܟ ܠܐ ܦܠܚ̇ܝܢ ܘܠܨܠܡܐ ܕܕܗܒܐ ܕܐܩܝܡܬ ܠܐ ܣܓܕܝܢ |
| 13 Τοτε ο Ναβουχοδονοσορ μετα θυμου και οργης προσεταξε να φερωσι τον Σεδραχ, Μισαχ και Αβδε-νεγω. Και εφεραν τους ανθρωπους τουτους ενωπιον του βασιλεως. | 13 ܗܝܕܝܢ ܢܒܘܟܕܢܨܪ ܡ̇ܠܟܐ ܒܪܘܓܙܐ ܘܒܚܡܬܐ ܐܡ̣ܪ ܠܡܝܬܝܘ ܠܫܕܪܟ ܡܝܫܟ ܘܥܒܕܢ̇ܓܘ ܘܐܝܬܝܘ ܐܢܘܢ ܩܕܡ ܡ̇ܠܟܐ |
| 14 Και αποκριθεις ο Ναβουχοδονοσορ ειπε προς αυτους, Τωοντι, Σεδραχ, Μισαχ και Αβδε-νεγω, τους θεους μου δεν λατρευετε και την εικονα την χρυσην, την οποιαν εστησα, δεν προσκυνειτε; | 14 ܥܢ̣ܐ ܢܒܘܟܕܢܨܪ ܡ̇ܠܟܐ ܘܐܡ̣ܪ ܠܗܘܢ ܒܩܘܫܬܐ ܫܕܪܟ ܡܝܫܟ ܘܥܒܕܢ̇ܓܘ ܠܐܠܗܝ ܠܐ ܦܠܚ̇ܝܢ ܐܢܬܘܢ ܘܠܨܠܡܐ ܕܕܗܒܐ ܕܐܩܝܡܬ ܠܐ ܣܓܕܝܢ ܐܢܬܘܢ |
| 15 τωρα λοιπον εαν ησθε ετοιμοι, οποταν ακουσητε τον ηχον της σαλπιγγος, της συριγγος, της κιθαρας, της σαμβυκης, του ψαλτηριου και της συμφωνιας και παντος ειδους μουσικης, να πεσητε και να προσκυνησητε την εικονα την οποιαν εκαμα, καλως? εαν ομως δεν προσκυνησητε, θελετε ριφθη την αυτην ωραν εις το μεσον της καμινου του πυρος της καιομενης? και τις ειναι εκεινος ο Θεος, οστις θελει σας ηθελεν ελευθερωσει εκ των χειρων μου; | 15 ܗܫܐ ܐܢ ܥܬܝܕܝܢ ܐܢܬܘܢ ܕܒܫܥܬܐ ܕܬܫܡܥܘܢ ܩܠ ܩܪܢܐ ܘܡܫܪܘܩܝܬܐ ܘܩܝܬܪܐ ܘܟܢܪܐ ܘܨܦܘܢܝܐ ܘܟܠ ܙ̈ܢܝ ܙܡܪܐ ܬܦܠܘܢ ܘܬܣܓܕܘܢ ܠܨܠܡܐ ܕܥܒܕܬ ܘܐܠܐ ܬܣܓܕܘܢ ܒܗ̇ ܒܫܥܬܐ ܬܫܬܕܘܢ ܠܓܘ ܐܬܘܢܐ ܕܢܘܪܐ ܝܩܕܬܐ ܘܡܢ̣ܘ ܐܠܗܟܘܢ ܕܢܦܨܝܟܘܢ ܡܢ ܐ̈ܝܕܝ |
| 16 Απεκριθησαν ο Σεδραχ, ο Μισαχ και ο Αβδε-νεγω και ειπον προς τον βασιλεα, Ναβουχοδονοσορ, ημεις δεν εχομεν χρειαν να σοι αποκριθωμεν περι του πραγματος τουτου. | 16 ܥܢܘ ܫܕܪܟ ܡܝܫܟ ܘܥܒܕܢܓܘ ܘܐܡܪܝܢ ܠܢܒܘܟܕܢܨܪ ܡ̇ܠܟܐ ܠܐ ܚܫܚܝܢܢ ܥܠ ܗܕܐ ܡܠܬܐ ܦܬܓܡܐ ܠܡܬܒܘܬܟ |
| 17 Εαν ηναι ουτως, ο Θεος ημων, τον οποιον ημεις λατρευομεν, ειναι δυνατος να μας ελευθερωση εκ της καμινου του πυρος της καιομενης? και εκ της χειρος σου, βασιλευ, θελει μας ελευθερωσει. | 17 ܡܛܠ ܕܐܝܬܘܗܝ ܐܠܗܢ ܕܚܢܢ ܦܠܚܝܢ ܠܗ ܕܗܘ ܡ̣ܨܐ ܒܚܝܠܐ ܠܡܦܨܝܘܬܢ ܡܢ ܐܬܘܢܐ ܕܢܘܪܐ ܝܩܕܬܐ ܘܡܢ ܐ̈ܝܕܝܟ ܡ̇ܠܟܐ ܢܫܘܙܒܢ |
| 18 Αλλα και αν ουχι, ας ηναι γνωστον εις σε, βασιλευ, οτι τους θεους σου δεν λατρευομεν και την εικονα την χρυσην, την οποιαν εστησας, δεν προσκυνουμεν. | 18 ܬܗܘܐ ܕܝܢ ܝܕܥ̇ ܡ̇ܠܟܐ ܕܠܐܠܗܟ ܠܐ ܦܠܚ̇ܝܢܢ ܘܠܨܠܡܐ ܕܕܗܒܐ ܕܐܩܝܡܬ ܠܐ ܣܓܕܝܢ ܚܢܢ |
| 19 Τοτε ο Ναβουχοδονοσορ επλησθη θυμου και η οψις του προσωπου αυτου ηλλοιωθη κατα του Σεδραχ, του Μισαχ και του Αβδε-νεγω? και λαλησας προσεταξε να εκκαυσωσι την καμινον επταπλασιως μαλλον παρ' οσον εφαινετο καιομενη. | 19 ܗܝܕܝܢ ܢܒܘܟܕܢܨܪ ܡ̇ܠܟܐ ܐܬܡܠܝ ܚܡܬܐ ܘܙܝܘܐ ܕܐ̈ܦܘܗܝ ܐܫܬܢܝ ܥܠ ܫܕܪܟ ܡ̇ܝܫܟ ܘܥܒܕܢ̇ܓܘ ܘܐܡ̣ܪ ܠܡܫܓܪ ܐܬܘܢܐ ܚܕ ܒܫܒܥܐ ܥܠ ܡܐ ܕܡܫܬ̣ܓܪ ܗܘܐ |
| 20 Και προσεταξε τους δυνατωτερους ανδρας του στρατευματος αυτου να δεσωσι τον Σεδραχ, Μισαχ και Αβδε-νεγω, και να ριψωσιν αυτους εις την καμινον του πυρος την καιομενην. | 20 ܘܠܓܒܪ̈ܐ ܕܥܫܝܢܝܢ ܒܚܝܠܐ ܐܡ̣ܪ ܕܢܦܟܪܘܢ ܐܢܘܢ ܠܫܕܪܟ ܡܝܫܟ ܘܥܒܕܢ̇ܓܘ ܘܠܡܪܡܝܘ ܐܢܘܢ ܒܓܘ ܐܬܘܢܐ ܕܢܘܪܐ ܝܩܕܬܐ |
| 21 Τοτε οι ανδρες εκεινοι εδεθησαν μετα των σαλβαριων αυτων, των τιαρων αυτων και των περικνημιδων αυτων και των αλλων ενδυματων αυτων και ερριφθησαν εις το μεσον της καμινου του πυρος της καιομενης. | 21 ܗܝܕܝܢ ܓܒܪ̈ܐ ܗ̇ܢܘܢ ܦܟ̇ܪܘ ܐܢܘܢ ܒܫܪ̈ܒܠܝܗܘܢ ܘܒܦܛܫܝ̈ܗܘܢ ܘܒܢܚ̈ܬܝܗܘܢ ܘܒܩܘܒ̈ܥܝܗܘܢ ܘܐܪܡܝܘ ܐܢܘܢ ܒܓܘ ܐܬܘܢܐ ܕܢܘܪܐ ܝܩܕܬܐ |
| 22 Επειδη δε η προσταγη του βασιλεως ητο κατεπειγουσα και η καμινος εξεκαυθη εις υπερβολην, η φλοξ του πυρος εθανατωσε τους ανδρας εκεινους, οιτινες εσηκωσαν τον Σεδραχ, Μισαχ και Αβδε-νεγω. | 22 ܡܛܠ ܕܡܠܬ ܡ̇ܠܟܐ ܣܪܗܒܬ ܘܐܬܘܢܐ ܫܓܝܪ ܗܘܐ ܝܬܝܪܐܝܬ ܘܓܒܪ̈ܐ ܗ̇ܢܘܢ ܕܐܟܠܘ ܩܪ̈ܨܝܗܘܢ ܕܫܕܪܟ ܡܝܫܟ ܘܥܒܕܢ̇ܓܘ ܩܛܠܬ ܐܢܘܢ ܫܠܗܒܝܬܐ ܕܢܘܪܐ ܝܩܕܬܐ |
| 23 Ουτοι δε οι τρεις ανδρες, ο Σεδραχ, Μισαχ και Αβδε-νεγω, επεσον δεμενοι εις το μεσον της καμινου του πυρος της καιομενης. | 23 ܘܓܒܪ̈ܐ ܗ̇ܢܘܢ ܬܠܬܝܗܘܢ ܫܕܪܟ ܡܝܫܟ ܘܥܒܕܢ̇ܓܘ ܢܦܠܘ ܡܨܥܬ ܐܬܘܢܐ ܕܢܘܪܐ ܝܩܕܬܐ ܟܕ ܦܟܝܪܝܢ |
| 24 Ο δε Ναβουχοδονοσορ ο βασιλευς εξεπλαγη? και σηκωθεις μετα σπουδης ελαλησε και ειπε προς τους μεγιστανας αυτου, δεν ερριψαμεν τρεις ανδρας δεδεμενους εις το μεσον του πυρος; οι δε απεκριθησαν και ειπον προς τον βασιλεα, Αληθως, βασιλευ. | 24 ܗܝܕܝܢ ܢܒܘܟܕܢܨܪ ܡ̇ܠܟܐ ܬܘܗ ܘܩܡ ܒܕܚܠܬܐ ܪܒܬܐ ܘܥ̣ܢܐ ܘܐܡ̣ܪ ܠܪ̈ܘܪܒܢܘܗܝ ܠܐ ܓܒܪ̈ܐ ܬܠܬܐ ܐܪܡܝܢ ܒܓܘ ܐܬܘܢܐ ܕܢܘܪܐ ܝܩܕܬܐ ܟܕ ܦܟܝܪܝܢ ܥܢܘ ܘܐܡܪܝܢ ܠܡ̇ܠܟܐ ܐܝܢ ܒܩܘܫܬܐ ܡ̇ܠܟܐ |
| 25 Και αποκριθεις ειπεν, Ιδου, εγω βλεπω τεσσαρας ανδρας λελυμενους, περιπατουντας εν μεσω του πυρος, και βλαβη δεν ειναι εις αυτους, και η οψις του τεταρτου ειναι ομοια με Υιον Θεου. | 25 ܥܢ̣ܐ ܡ̇ܠܟܐ ܘܐܡ̣ܪ ܗܐ ܚܙܐ ܐܢܐ ܓܒܪ̈ܐ ܟܕ ܫܪܝܢ ܘܡܗܠܟܝܢ ܒܓܘ ܢܘܪܐ ܘܚܒܠܐ ܠܝܬ ܒܗܘܢ ܘܚܙܘܗ ܕܪܒܝܥܝܐ ܕܡ̇ܐ ܠܒܪ ܐ̈ܠܗܝܢ |
| 26 Τοτε πλησιασας ο Ναουχοδονοσορ εις το στομα της καμινου του πυρος της καιομενης ελαλησε και ειπε, Σεδραχ, Μισαχ και Αβδε-νεγω, δουλοι του Θεου του Υψιστου, εξελθετε και ελθετε. Τοτε ο Σεδραχ, Μισαχ και Αβδε-νεγω εξηλθον εκ μεσου του πυρος. | 26 ܗܝܕܝܢ ܩ̣ܪܒ ܢܒܘܟܕܢܨܪ ܡ̇ܠܟܐ ܠܬܪܥܐ ܕܐܬܘܢܐ ܕܢܘܪܐ ܝܩܕܬܐ ܘܥ̣ܢܐ ܘܐܡ̣ܪ ܫܕܪܟ ܡܝܫܟ ܘܥܒܕܢ̇ܓܘ ܥܒ̣̈ܕܘܗܝ ܕܐܠܗܐ ܡܪܝܡܐ ܦܘܩܘ ܬܘ ܗܝܕܝܢ ܢܦ̣ܩܘ ܫܕܪܟ ܡܝܫܟ ܘܥܒܕܢ̇ܓܘ ܡܢ ܓܘ ܐܬܘܢܐ ܕܢܘܪܐ |
| 27 Και συναχθεντες οι σατραπαι, οι διοικηται και οι τοπαρχαι και οι μεγιστανες του βασιλεως ειδον τους ανδρας τουτους, οτι επι των σωματων αυτων το πυρ δεν ισχυσε και θριξ της κεφαλης αυτων δεν εκαη και τα σαλβαρια αυτων δεν παρηλλαξαν ουδε οσμη πυρος επερασεν επ' αυτους. | 27 ܘܐܬܟܢܫܘ ܥܡ̈ܡܐ ܟܠܗܘܢ ܘܪ̈ܒܝ ܚܝ̈ܠܐ ܘܫ̈ܠܝܛܢܐ ܘܡܪ̈ܘܬܐ ܘܪ̈ܘܪܒܢܐ ܕܡ̇ܠܟܐ ܘܚ̇ܙܝܢ ܗܘܘ ܠܓܒܪ̈ܐ ܗ̇ܢܘܢ ܕܠܐ ܐܫܬܠܛܬ ܢܘܪܐ ܒܒܣܪܗܘܢ ܘܣܥܪܐ ܕܪܫܗܘܢ ܠܐ ܐܬܚܪܟ ܘܫܪ̈ܒܠܝܗܘܢ ܠܐ ܝܩܕܘ ܘܪܝܚܐ ܕܢܘܪܐ ܠܐ ܥ̣ܕܐ ܒܗܘܢ |
| 28 Τοτε ελαλησεν ο Ναβουχοδονοσορ και ειπεν, Ευλογητος ο Θεος του Σεδραχ, Μισαχ και Αβδε-νεγω, οστις απεστειλε τον αγγελον αυτου και ηλευθερωσε τους δουλους αυτου, οιτινες ηλπισαν επ' αυτον και παρηκουσαν τον λογον του βασιλεως και παρεδωκαν τα σωματα αυτων, δια να μη λατρευσωσι μηδε να προσκυνησωσιν αλλον θεον εκτος του Θεου αυτων. | 28 ܥܢ̣ܐ ܢܒܘܟܕܢܨܪ ܡ̇ܠܟܐ ܘܐܡ̣ܪ ܡܒܪܟ ܗܘ ܐܠܗܗܘܢ ܕܫܕܪܟ ܡܝܫܟ ܘܥܒܕܢ̇ܓܘ ܕܫܕܪ ܡܠܐܟܗ ܘܦܨ̇ܝ ܠܥܒ̣̈ܕܘܗܝ ܕܐܬܬܟܠܘ ܥܠܘܗܝ ܘܡܠܬ ܡ̇ܠܟܐ ܐܣܠܝܘ ܘܝܗܒܘ ܓܘܫܡܗܘܢ ܕܠܐ ܢܦܠܚܘܢ ܘܠܐ ܢܣܓܕܘܢ ܠܟܠ ܐܠܗ ܐܠܐ ܐܢ ܠܐܠܗܗܘܢ |
| 29 Δια τουτο εκδιδω προσταγμα, οτι πας λαος, εθνος και γλωσσα, ητις λαληση κακον εναντιον του Θεου του Σεδραχ, Μισαχ και Αβδε-νεγω, θελει καταμελισθη, και αι οικιαι αυτων θελουσι γεινει κοπρωνες? διοτι αλλος Θεος δεν ειναι δυναμενος να ελευθερωση ουτω. | 29 ܘܗܟܢܐ ܦܩ̇ܕ ܐܢܐ ܕܟܠ ܥܡ̈ܡܐ ܘܐ̈ܡܘܬܐ ܘܠܫ̈ܢܐ ܕܢܓܕܦ ܥܠ ܐܠܗܗܘܢ ܕܫܕܪܟ ܡܝܫܟ ܘܥܒܕܢ̇ܓܘ ܗܕܡ ܗܕܡ ܢܬܦܣ̇ܩܘܢ ܘܒܬ̈ܝܗܘܢ ܢܬܒܙܘܢ ܡܛܠ ܕܠܝܬ ܐܠܗ ܐܚܪܝܢ ܕܡܫܟܚ ܠܡܫܘܙܒܘ ܗܟܢܐ |
| 30 Τοτε ο βασιλευς προεβιβασε τον Σεδραχ, Μισαχ και Αβδε-νεγω εις την επαρχιαν της Βαβυλωνος. | 30 ܗܝܕܝܢ ܐܘܪܒ ܡ̇ܠܟܐ ܠܫܕܪܟ ܡܝܫܟ ܘܥܒܕܢ̇ܓܘ ܥܠ ܐܬܪܐ ܕܒܒܠ |
| 31 ܢܒܘܟܕܢܨܪ ܡ̇ܠܟܐ ܟܬ̣ܒ ܠܟܠ ܥܡ̈ܡܐ ܘܐ̈ܡܘܬܐ ܘܠܫ̈ܢܐ ܕܥܡܪܝܢ ܒܟܠܗ̇ ܐܪܥܐ ܫܝܢܐ ܢܣܓܐ ܠܟܘܢ |
| 32 ܐ̈ܬܘܬܐ ܘܬܕܡܪ̈ܬܐ ܕܥܒ̣ܕ ܐܠܗܐ ܡܪܝܡܐ ܫܦ̣ܪ ܩܕܡܝ ܠܡܚܘܝܘ |
| 33 ܐܬ̈ܘܬܗ ܟܡܐ ܪ̈ܘܪܒܢ ܘܬܕܡܪ̈ܬܗ ܟܡܐ ܥܫ̈ܝܢܢ ܡܠܟܘܬܗ ܡܠܟܘܬ ܥܠܡܝܢ ܘܫܘܠܛܢܗ ܠܕܪܕܪ̈ܝܢ |
| 34 ܠܐ ܬܫܠܡܢ ܥܕܡܐ ܠܚܪܬܐ ܡܛܠ ܫܡܟ. ܘܠܐ ܬܒ̇ܛܠ ܕܝܬܩܐ ܕܝܠܟ. |
| 35 ܘܠܐ ܬܪܚܩ ܪ̈ܚܡܝܟ ܘܛܝܒܘܬܟ ܡܢܢ. ܡܛܘܠ ܐܒܪܗܡ ܪܚ̇ܡܟ. ܘܡܛܘܠ ܐܝܣܚܩ ܥܒܕܟ ܘܡܛܘܠ ܐܝܣܪܝܠ ܩܕܝܫܟ. |
| 36 ܕܡܠܟܬ ܠܗܘܢ ܕܬܣܓܐ ܙܪܥܗܘܢ ܐܝܟ ܟܘ̈ܟܒܐ ܕܒܫܡܝܐ ܘܐܝܟ ܚ̇ܠܐ ܕܥܠ ܣܦܬܗ ܕܝܡܐ. |
| 37 ܡܛܠ ܕܗܫܐ ܡܪܝܐ ܐܬܡ̇ܟܟܢ ܡܢ ܟܠܗܘܢ ܥܡ̈ܡܐ. ܘܚܢܢ ܡܒܕܪܝܢܢ ܝܘܡܢܐ ܒܟܠܗ̇ ܐܪܥܐ. ܡܛܠ ܚ̈ܘܒܝܢ ܘܚ̈ܛܗܝܢ. |
| 38 ܘܠܐ ܐܝܬ ܒܙܒܢܐ ܗܢܐ ܠܐ ܪܝܫܐ ܘܠܐ ܫܠܝܛܐ. ܘܠܐ ܢܒܝܐ ܘܠܐ ܡܕܒܪܢܐ. ܘܠܐ ܡܕܒܚܐ ܘܠܐ ܕܒܚ̈ܐ ܘܠܐ ܩܘܪ̈ܒܢܐ. ܘܠܐ ܕܘܟܬܐ ܕܢܣܩ ܒܣ̈ܡܐ ܐܘ ܕܒܚܬܐ ܘܢܫܟܚ ܚܢܢܐ ܘܪ̈ܚܡܐ. |
| 39 ܐܠܐ ܒܠܒܐ ܫܚܝܩܐ ܘܒܪܘܚܐ ܡܟܝܟܬܐ ܗܐ ܐܬܩܪܒܢ ܠܝܩܕܢܐ ܕܢܘܪܐ. |
| 40 ܟܕ ܒܥ̇ܝܢܢ ܕܝܬܝܪ ܡܢ ܬܘܪ̈ܐ ܘܕܟܪ̈ܐ ܘܐܡܪ̈ܐ ܫܡ̈ܝܢܐ ܣ̈ܓܝܐܐ ܗܟܢܐ ܢܗܘܐ ܩܘܪܒܢܐ ܕܢܦܫܢ ܝܘܡܢܐ. ܘܠܐ ܢܒܗܬܘܢ ܥܒ̣̈ܕܝܟ. ܡܛܠ ܕܠܐ ܒܗܬܝܢ ܐܝܠܝܢ ܕܬܟܝܠܝܢ ܥܠܝܟ. |
| 41 ܐܦ ܗܫܐ ܚܢܢ ܐܬܝܢ ܒܬܪܟ ܒܠܒܐ ܫܠܡܐ. ܘܕܚ̣ܠܢ ܡܢܟ ܘܐ̈ܦܝܟ ܒܥܝܢ ܚܢܢ. |
| 42 ܡܪܝܐ ܠܐ ܬܒܗܬܢ. ܐܠܐ ܥܒܕ ܥܡܢ ܐܝܟ ܣܘܓܐܐ ܕܛܝ̈ܒܘܬܟ ܘܕܪ̈ܚܡܝܟ ܣܓ̈ܝܐܐ. |
| 43 ܘܦܪܘܩܝܢ ܐܝܟ ܣܘܓܐܐ ܕܬܕܡܪ̈ܬܟ. ܘܗܒ ܬܫܒܘܚܬܐ ܠܫܡܟ ܡܪܝܐ ܡܛܠ ܫܡܟ ܪܒܐ. |
| 44 ܘܢܒܗܬܘܢ ܟܠܗܘܢ ܐܝܠܝܢ ܕܐܡܪܝܢ ܒܝܫܬܐ ܥܠ ܥܒ̣̈ܕܝܟ. ܘܢܒܗܬܘܢ ܒܟܘܠܗ̇ ܓܢܒܪܘܬܗܘܢ. ܘܚܝܠܗܘܢ ܢܫܬܒܩ. |
| 45 ܘܢܕܥܘܢ ܕܐܢܬ ܗܘ ܚܕ ܐܠܗܐ ܒܠܚܘܕܝܟ. ܘܡܫܒܚ ܐܢܬ ܒܟܠܗܘܢ ܥ̇ܒ̈ܕܝܟ. |
| 46 ܘܠܐ ܫܠܝܢ ܗܘܘ ܗ̇ܢܘܢ ܕܡܘܩܕܝܢ ܗܘܘ ܐܬܘܢܐ ܕܢܘܪܐ. ܘܫܕܝܢ ܗܘܘ ܒܗ ܢܦܛܐ ܘܙܒܬܐ ܘܟܒܪܝܬܐ. ܘܩܢ̈ܝܐ ܘܫܒܝܫ̈ܬܐ. |
| 47 ܘܝܗܒܬ ܩܠܐ ܫܠܗܒܝܬܐ ܕܢܘܪܐ. ܘܣܠܩܬ ܠܥܠ ܡܢ ܐܬܘܢܐ ܐܪ̈ܒܥܝܢ ܘܬܫܥ ܐ̈ܡܝܢ. |
| 48 ܘܗܘܬ ܡܘܩܕܐ ܘܡܘܒܕܐ ܢܘܪܐ ܠܟܠ ܡ̇ܢ ܕܡܫܟܚܐ ܚܕܪ̈ܘܗܝ ܕܐܬܘܢܐ. ܡܢ ܟ̈ܠܕܝܐ ܘܐ̈ܟܠܝ ܩܪܨܐ. |
| 49 ܡܠܐܟܐ ܕܝܢ ܕܛܠܐ ܢܚ̣ܬ ܥܡ ܚܢܢܝܐ ܘܥ̇ܙܪܝܐ ܘܡܝܫܐܝܠ ܠܓܘ ܐܬܘܢܐ ܕܢܘܪܐ ܘܕܚܩܗ̇ ܠܫܠܗܒܝܬܐ ܕܢܘܪܐ ܡܢ ܐܬܘܢܐ. |
| 50 ܘܥܒ̣ܕ ܒܡܨܥܬܗ ܕܐܬܘܢܐ ܐܝܟ ܪܘܚܐ ܕܛܠܐ ܘܠܐ ܩܪܒܬ ܠܗܘܢ ܢܘܪܐ ܐܦܠܐ ܩܠܝܠ. ܘܠܐ ܐܟܪܝܬ ܠܗܘܢ ܘܠܐ ܐܠܨܬ ܐܢܘܢ |
| 51 ܗܝܕܝܢ ܬܠܬܝܗܘܢ ܡܢ ܚܕ ܦܘܡܐ ܡܫܒܚܝܢ ܗܘܘ ܘܡܒܪܟܝܢ ܠܐܠܗܐ ܡܢ ܓܘ ܐܬܘܢܐ ܕܢܘܪܐ ܘܐܡܪܝܢ. |
| 52 ܡܒܪܟ ܐܢܬ ܡܪܝܐ ܐܠܗܐ ܕܐ̈ܒܗܬܢ. ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ. ܡܒܪܟ ܫܡܐ ܕܬܫܒܘܚܬܟ ܩܕܝܫܐ. ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ. |
| 53 ܡܒܪܟ ܐܢܬ ܒܗܝܟܠܐ ܕܩܘܕܫܟ. ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ. |
| 54 ܡܒܪܟ ܐܢܬ ܕܚ̇ܙܐ ܐܢܬ ܬܗ̈ܘܡܐ ܘܝܬ̇ܒ ܐܢܬ ܥܠ ܟܪ̈ܘܒܐ. ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ. |
| 55 ܡܒܪܟ ܐܢܬ ܥܠ ܟܘܪܣܝ ܡܠܟܘܬܟ. ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ. |
| 56 ܡܒܪܟ ܐܢܬ ܒܐܪܩܝܥܐ ܕܫܡܝܐ. ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ. |
| 57 ܒ̇ܪܟܘ ܟܘܠܗܘܢ ܥ̇ܒ̈ܕܘܗܝ ܕܡܪܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 58 ܒ̇ܪܟܘ ܟܠܗܘܢ ܡܠܐ̈ܟܘܗܝ ܕܡܪܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 59 ܒ̇ܪܟܘ ܫܡܝܐ ܕܡܪܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 60 ܒ̇ܪܟܘ ܡ̈ܝܐ ܕܠܥܠ ܡܢ ܫܡܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. ܒ̇ܪܟܘ ܟܠܗܘܢ ܕܚ̈ܠܘܗܝ ܕܡܪܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 61 ܒ̇ܪܟܘ ܟܠܗܘܢ ܚܝ̈ܠܘܬܗ ܕܡܪܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 62 ܒ̇ܪܟܘ ܫܡܫܐ ܘܣܗܪܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 63 ܒܪܟܘ ܟܘܟ̈ܒܐ ܕܒܫܡܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 64 ܒ̇ܪܟܘ ܡܛܪܐ ܘܛܠܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 65 ܒ̇ܪܟܘ ܡ̈ܝܐ ܘܪ̈ܘܚܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 66 ܒ̇ܪܟܘ ܢܘܪܐ ܘܚܘܡܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. ܒܪܟܝܢ ܟܠܗܝܢ ܢܫܡ̈ܬܐ ܕܙܕܝܩ̈ܐ ܠܡܪܝܐ. ܫܒܚܝܗܝ ܘܪܡܪܡܝܗܝ ܠܥܠܡ. |
| |
| |
| 69 ܒ̇ܪܟܘ ܩܘܪܫܐ ܘܚܘܡܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. ܒ̇ܪܟܘ ܩܝܛܐ ܘܣܬܘܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 70 ܒ̇ܪܟܘ ܬܠܓܐ ܘܐܓܠܝܕܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 71 ܒ̇ܪܟܘ ܠܝ̈ܠܘܬܐ ܘܐܝܡ̈ܡܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 72 ܒ̇ܪܟܘ ܢܘܗܪܐ ܘܚܫܘܟܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 73 ܒ̇ܪܟܘ ܒܪ̈ܩܐ ܘܥܢ̈ܢܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 74 ܒܪܟܝ ܐܪܥܐ ܠܡܪܝܐ. ܫܒܚܝܘܗܝ ܘܪܡܪܡܝܘܗܝ ܠܥܠܡ. |
| 75 ܒ̇ܪܟܘ ܛܘܪ̈ܐ ܘܪ̈ܡܬܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 76 ܒ̇ܪܟܘ ܟܠܗܘܢ ܥܘܦܝ̈ܢܐ ܕܐܪܥܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. ܒ̇ܪܟܘ ܟܠ ܕܨܡ̇ܚ ܥܠ ܐܪܥܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 77 ܒ̇ܪܟܘ ܡܒ̈ܘܥܐ ܘܟܠܗܝܢ ܥܝܢ̈ܬܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 78 ܒ̇ܪܟܘ ܝܡ̈ܡܐ ܘܢܗܪ̈ܘܬܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 79 ܒܪܟܘ ܢܘ̈ܢܐ ܘܟܠ ܕܪܚ̇ܫ ܒܡ̈ܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 80 ܒܪܟܝ ܟܠܗ̇ ܦܪܚܬܐ ܕܫܡܝܐ ܠܡܪܝܐ. ܫܒܚܝܘܗܝ ܘܪܡܪܡܝܘܗܝ ܠܥܠܡ. |
| 81 ܒ̇ܪܟܝ ܟܠܗ̇ ܚܝܘܬܐ ܘܒܥܝܪܐ ܠܡܪܝܐ. ܫܒܚܝܘܗܝ ܘܪܡܪܡܝܘܗܝ ܠܥܠܡ. ܒ̇ܪܟܘ ܟܠ ܕܪܚ̇ܫ ܥܠ ܐܪܥܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 82 ܒ̇ܪܟܘ ܟܠܗܘܢ ܒܢܝܢ̈ܫܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 83 ܒ̇ܪܟܘ ܟܠܗܘܢ ܕܒܝܬ ܐܝܣܪܝܠ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 84 ܒ̇ܪܟܘ ܟܠܗܘܢ ܟܗ̈ܢܘܗܝ ܕܡܪܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 85 ܒ̇ܪܟܘ ܟܘܠܗܘܢ ܥܒ̣̈ܕܘܗܝ ܕܡܪܝܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 86 ܒ̇ܪ̈ܟܝܢ ܟܠܗܝܢ ܢܦܫܬ̈ܐ ܘܪ̈ܘܚܬܐ ܕܙܕܝܩ̈ܐ ܠܡܪܝܐ. ܫܒܚܝ̈ܗܝ ܘܪ̈ܡܪܡܝܗܝ ܠܥܠܡ. |
| 87 ܒ̇ܪܟܘ ܬܡ̈ܝܡܐ ܘܡܟܝ̈ܟܝ ܠܒܐ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. |
| 88 ܒܪܟܘ ܚ̇ܢܢܝܐ ܘܥܙܪܝܐ ܘܡܝܫܐܝܠ ܠܡܪܝܐ. ܫܒܚܘܗܝ ܘܪܡܪܡܘܗܝ ܠܥܠܡ. ܡܛܠ ܕܫܘܙܒܢ ܡܢ ܡܘܬܐ. ܘܡܢ ܐ̈ܝܕܝ ܫܝܘܠ ܐܚܝܢ. ܘܦܨܝܢ ܡܢ ܫܠܗܒܝܬܐ ܕܝܩܕܐ. ܘܡܢ ܡܨܥܬ ܢܘܪܐ ܐܦܩܢ. |
