Isaiah (ישעיה) - Isaia 108

MODERN HEBREW BIBLE	STUTTGARTENSIA-DELITZSCH
1 שיר מזמור לדוד נכון לבי אלהים אשירה ואזמרה אף כבודי	1 שִׁיר מִזְמֹור לְדָוִד
2 עורה הנבל וכנור אעירה שחר	2 נָכֹון לִבִּי אֱלֹהִים אָשִׁירָה וַאֲזַמְּרָה אַף־כְּבֹודִי
3 אודך בעמים יהוה ואזמרך בל אמים	3 עוּרָה הַנֵּבֶל וְכִנֹּור אָעִירָה שָּׁחַר
4 כי גדול מעל שמים חסדך ועד שחקים אמתך	4 אֹודְךָ בָעַמִּים ׀ יְהוָה וַאֲזַמֶּרְךָ בַּל־אֻמִּים
5 רומה על שמים אלהים ועל כל הארץ כבודך	5 כִּי־גָדֹול מֵעַל־שָׁמַיִם חַסְדֶּךָ וְעַד־שְׁחָקִים אֲמִתֶּךָ
6 למען יחלצון ידידיך הושיעה ימינך וענני	6 רוּמָה עַל־שָׁמַיִם אֱלֹהִים וְעַל כָּל־הָאָרֶץ כְּבֹודֶךָ
7 אלהים דבר בקדשו אעלזה אחלקה שכם ועמק סכות אמדד	7 לְמַעַן יֵחָלְצוּן יְדִידֶיךָ הֹושִׁיעָה יְמִינְךָ וַעֲנֵנִי
8 לי גלעד לי מנשה ואפרים מעוז ראשי יהודה מחקקי	8 אֱלֹהִים ׀ דִּבֶּר בְּקָדְשֹׁו אֶעְלֹזָה אֲחַלְּקָה שְׁכֶם וְעֵמֶק סֻכֹּות אֲמַדֵּד
9 מואב סיר רחצי על אדום אשליך נעלי עלי פלשת אתרועע	9 לִי גִלְעָד ׀ לִי מְנַשֶּׁה וְאֶפְרַיִם מָעֹוז רֹאשִׁי יְהוּדָה מְחֹקְקִי
10 מי יבלני עיר מבצר מי נחני עד אדום	10 מֹואָב ׀ סִיר רַחְצִי עַל־אֱדֹום אַשְׁלִיךְ נַעֲלִי עֲלֵי־פְלֶשֶׁת אֶתְרֹועָע
11 הלא אלהים זנחתנו ולא תצא אלהים בצבאתינו	11 מִי יֹבִלֵנִי עִיר מִבְצָר מִי נָחַנִי עַד־אֱדֹום
12 הבה לנו עזרת מצר ושוא תשועת אדם	12 הֲלֹא־אֱלֹהִים זְנַחְתָּנוּ וְלֹא־תֵצֵא אֱלֹהִים בְּצִבְאֹתֵינוּ
13 באלהים נעשה חיל והוא יבוס צרינו	13 הָבָה־לָּנוּ עֶזְרָת מִצָּר וְשָׁוְא תְּשׁוּעַת אָדָם
	14 בֵּאלֹהִים נַעֲשֶׂה־חָיִל וְהוּא יָבוּס צָרֵינוּ