Livro dos Salmos 78

Biblia Maria	MODERN HEBREW BIBLE
1 Salmo de Asaf. Senhor, povos infiéis invadiram a vossa herança, profanaram o vosso santo templo. De Jerusalém fizeram um montão de ruínas.	1 משכיל לאסף האזינה עמי תורתי הטו אזנכם לאמרי פי
2 Os corpos de vossos servos expuseram como pasto às aves, e os de vossos fiéis às feras da terra.	2 אפתחה במשל פי אביעה חידות מני קדם
3 Rios de sangue fizeram correr em torno de Jerusalém, e nem sequer havia quem os sepultasse.	3 אשר שמענו ונדעם ואבותינו ספרו לנו
4 Tornamo-nos, para nossos vizinhos, objetos de desprezo, de escárnio e zombaria para os povos que nos cercam.	4 לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה
5 Até quando, Senhor?...Será eterna vossa cólera? Será como um braseiro ardente o vosso zelo?	5 ויקם עדות ביעקב ותורה שם בישראל אשר צוה את אבותינו להודיעם לבניהם
6 Desferi, antes, vossa ira sobre as nações que não vos conhecem, e sobre os reinos que não invocam o vosso nome,	6 למען ידעו דור אחרון בנים יולדו יקמו ויספרו לבניהם
7 pois Jacó foi por eles devorado e devastaram a sua habitação.	7 וישימו באלהים כסלם ולא ישכחו מעללי אל ומצותיו ינצרו
8 De nossos antepassados esqueçais as culpas; vossa misericórdia venha logo ao nosso encontro, porque estamos reduzidos à extrema miséria.	8 ולא יהיו כאבותם דור סורר ומרה דור לא הכין לבו ולא נאמנה את אל רוחו
9 Ajudai-nos, ó Deus salvador, pela glória de vosso nome; livrai-nos e perdoai-nos os nossos pecados pelo amor de vosso nome.	9 בני אפרים נושקי רומי קשת הפכו ביום קרב
10 Por que hão de dizer as nações pagãs: “Onde está o seu Deus?”. Mostrai-lhes, a esses pagãos, diante de nossos olhos, que pedireis conta do sangue de vossos fiéis, por eles derramado.	10 לא שמרו ברית אלהים ובתורתו מאנו ללכת
11 Cheguem até vós os gemidos dos cativos: livrai, por vosso braço, os condenados à pena de morte.	11 וישכחו עלילותיו ונפלאותיו אשר הראם
12 Sobre as cabeças dos nossos vizinhos recaiam, sete vezes, as injúrias com que vos ultrajaram, Senhor.	12 נגד אבותם עשה פלא בארץ מצרים שדה צען
13 Quanto a nós, vosso povo e ovelhas de vosso rebanho, glorificaremos a vós perpetuamente; de geração em geração cantaremos os vossos louvores.	13 בקע ים ויעבירם ויצב מים כמו נד
	14 וינחם בענן יומם וכל הלילה באור אש
	15 יבקע צרים במדבר וישק כתהמות רבה
	16 ויוצא נוזלים מסלע ויורד כנהרות מים
	17 ויוסיפו עוד לחטא לו למרות עליון בציה
	18 וינסו אל בלבבם לשאל אכל לנפשם
	19 וידברו באלהים אמרו היוכל אל לערך שלחן במדבר
	20 הן הכה צור ויזובו מים ונחלים ישטפו הגם לחם יוכל תת אם יכין שאר לעמו
	21 לכן שמע יהוה ויתעבר ואש נשקה ביעקב וגם אף עלה בישראל
	22 כי לא האמינו באלהים ולא בטחו בישועתו
	23 ויצו שחקים ממעל ודלתי שמים פתח
	24 וימטר עליהם מן לאכל ודגן שמים נתן למו
	25 לחם אבירים אכל איש צידה שלח להם לשבע
	26 יסע קדים בשמים וינהג בעזו תימן
	27 וימטר עליהם כעפר שאר וכחול ימים עוף כנף
	28 ויפל בקרב מחנהו סביב למשכנתיו
	29 ויאכלו וישבעו מאד ותאותם יבא להם
	30 לא זרו מתאותם עוד אכלם בפיהם
	31 ואף אלהים עלה בהם ויהרג במשמניהם ובחורי ישראל הכריע
	32 בכל זאת חטאו עוד ולא האמינו בנפלאותיו
	33 ויכל בהבל ימיהם ושנותם בבהלה
	34 אם הרגם ודרשוהו ושבו ושחרו אל
	35 ויזכרו כי אלהים צורם ואל עליון גאלם
	36 ויפתוהו בפיהם ובלשונם יכזבו לו
	37 ולבם לא נכון עמו ולא נאמנו בבריתו
	38 והוא רחום יכפר עון ולא ישחית והרבה להשיב אפו ולא יעיר כל חמתו
	39 ויזכר כי בשר המה רוח הולך ולא ישוב
	40 כמה ימרוהו במדבר יעציבוהו בישימון
	41 וישובו וינסו אל וקדוש ישראל התוו
	42 לא זכרו את ידו יום אשר פדם מני צר
	43 אשר שם במצרים אתותיו ומופתיו בשדה צען
	44 ויהפך לדם יאריהם ונזליהם בל ישתיון
	45 ישלח בהם ערב ויאכלם וצפרדע ותשחיתם
	46 ויתן לחסיל יבולם ויגיעם לארבה
	47 יהרג בברד גפנם ושקמותם בחנמל
	48 ויסגר לברד בעירם ומקניהם לרשפים
	49 ישלח בם חרון אפו עברה וזעם וצרה משלחת מלאכי רעים
	50 יפלס נתיב לאפו לא חשך ממות נפשם וחיתם לדבר הסגיר
	51 ויך כל בכור במצרים ראשית אונים באהלי חם
	52 ויסע כצאן עמו וינהגם כעדר במדבר
	53 וינחם לבטח ולא פחדו ואת אויביהם כסה הים
	54 ויביאם אל גבול קדשו הר זה קנתה ימינו
	55 ויגרש מפניהם גוים ויפילם בחבל נחלה וישכן באהליהם שבטי ישראל
	56 וינסו וימרו את אלהים עליון ועדותיו לא שמרו
	57 ויסגו ויבגדו כאבותם נהפכו כקשת רמיה
	58 ויכעיסוהו בבמותם ובפסיליהם יקניאוהו
	59 שמע אלהים ויתעבר וימאס מאד בישראל
	60 ויטש משכן שלו אהל שכן באדם
	61 ויתן לשבי עזו ותפארתו ביד צר
	62 ויסגר לחרב עמו ובנחלתו התעבר
	63 בחוריו אכלה אש ובתולתיו לא הוללו
	64 כהניו בחרב נפלו ואלמנתיו לא תבכינה
	65 ויקץ כישן אדני כגבור מתרונן מיין
	66 ויך צריו אחור חרפת עולם נתן למו
	67 וימאס באהל יוסף ובשבט אפרים לא בחר
	68 ויבחר את שבט יהודה את הר ציון אשר אהב
	69 ויבן כמו רמים מקדשו כארץ יסדה לעולם
	70 ויבחר בדוד עבדו ויקחהו ממכלאת צאן
	71 מאחר עלות הביאו לרעות ביעקב עמו ובישראל נחלתו
	72 וירעם כתם לבבו ובתבונות כפיו ינחם