Genesis 40
1234567891011121314151617181920212223242526272829303132333435363738394041424344454647484950
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 His ita gestis, accidit ut peccarent duo eunuchi, pincerna regis Ægypti, et pistor, domino suo. | 1 His ita gestis, accidit ut peccarent pincerna regis Aegypti et pistor domino suo. |
2 Iratusque contra eos Pharao (nam alter pincernis præerat, alter pistoribus), | 2 Iratusque pharao contra duos eunuchos, praepositum pincernarum et praepositum pistorum, |
3 misit eos in carcerem principis militum, in quo erat vinctus et Joseph. | 3 misit eos in carcerem principis satellitum, in quo erat vinctus et Ioseph. |
4 At custos carceris tradidit eos Joseph, qui et ministrabat eis : aliquantulum temporis fluxerat, et illi in custodia tenebantur. | 4 Et princeps satellitum tradidit eos Ioseph, qui ministrabat eis. Aliquantulum temporis illi in custodia tenebantur. |
5 Videruntque ambo somnium nocte una, juxta interpretationem congruam sibi : | 5 Videruntque ambo somnium nocte una iuxta interpretationem congruam sibi. |
6 ad quos cum introisset Joseph mane, et vidisset eos tristes, | 6 Ad quos cum introisset Ioseph mane et vidisset eos tristes, |
7 sciscitatus est eos, dicens : Cur tristior est hodie solito facies vestra ? | 7 sciscitatus est eos dicens: “ Cur tristior est hodie solito facies vestra? ”. |
8 Qui responderunt : Somnium vidimus, et non est qui interpretetur nobis. Dixitque ad eos Joseph : Numquid non Dei est interpretatio ? referte mihi quid videritis. | 8 Qui responderunt: “ Somnium vidimus, et non est qui interpretetur nobis ”. Dixitque ad eos Ioseph: “ Numquid non Dei est interpretatio? Referte mihi quid videritis ”. |
9 Narravit prior, præpositus pincernarum, somnium suum : Videbam coram me vitem, | 9 Narravit praepositus pincernarum somnium suum: “ Videbam coram me vitem, |
10 in qua erant tres propagines, crescere paulatim in gemmas, et post flores uvas maturescere : | 10 in qua erant tres propagines, crescere paulatim in gemmas et post flores uvas maturescere; |
11 calicemque Pharaonis in manu mea : tuli ergo uvas, et expressi in calicem quem tenebam, et tradidi poculum Pharaoni. | 11 calicemque pharaonis in manu mea. Tuli ergo uvas et expressi in calicem, quem tenebam, et tradidi poculum pharaoni ”. |
12 Respondit Joseph : Hæc est interpretatio somnii : tres propagines, tres adhuc dies sunt : | 12 Respondit Ioseph: “ Haec est interpretatio somnii: tres propagines, tres adhuc dies sunt, |
13 post quos recordabitur Pharao ministerii tui, et restituet te in gradum pristinum : dabisque ei calicem juxta officium tuum, sicut ante facere consueveras. | 13 post quos elevabit pharao caput tuum et restituet te in gradum pristinum; dabisque ei calicem iuxta officium tuum, sicut facere ante consueveras. |
14 Tantum memento mei, cum bene tibi fuerit, et facias mecum misericordiam : ut suggeras Pharaoni ut educat me de isto carcere : | 14 Tantum memento mei, cum tibi bene fuerit, et facias mecum misericordiam, ut suggeras pharaoni, ut educat me de isto carcere; |
15 quia furto sublatus sum de terra Hebræorum, et hic innocens in lacum missus sum. | 15 quia furto sublatus sum de terra Hebraeorum et hic innocens in lacum missus sum ”. |
16 Videns pistorum magister quod prudenter somnium dissolvisset, ait : Et ego vidi somnium : quod tria canistra farinæ haberem super caput meum : | 16 Videns pistorum magister quod somnium in bonum dissolvisset, ait: “ Et ego vidi somnium, quod tria canistra farinae haberem super caput meum; |
17 et in uno canistro quod erat excelsius, portare me omnes cibos qui fiunt arte pistoria, avesque comedere ex eo. | 17 et in uno canistro, quod erat excelsius, portare me ex omnibus cibis pharaonis, qui fiunt arte pistoria, avesque comedere eos ”. |
18 Respondit Joseph : Hæc est interpretatio somnii : tria canistra, tres adhuc dies sunt : | 18 Respondit Ioseph: “ Haec est interpretatio somnii: tria canistra, tres adhuc dies sunt, |
19 post quos auferet Pharao caput tuum, ac suspendet te in cruce, et lacerabunt volucres carnes tuas. | 19 post quos auferet pharao caput tuum ac suspendet te in patibulo, et comedent volucres carnes tuas ”. |
20 Exinde dies tertius natalitius Pharaonis erat : qui faciens grande convivium pueris suis, recordatus est inter epulas magistri pincernarum, et pistorum principis. | 20 Exinde dies tertius natalicius pharaonis erat; qui faciens grande convivium pueris suis elevavit caput magistri pincernarum et caput pistorum principis in medio puerorum suorum; |
21 Restituitque alterum in locum suum, ut porrigeret ei poculum : | 21 restituitque alterum in locum suum, ut porrigeret ei poculum, |
22 alterum suspendit in patibulo, ut conjectoris veritas probaretur. | 22 alterum suspendit in patibulo, sicut interpretatus erat eis Ioseph. |
23 Et tamen succedentibus prosperis, præpositus pincernarum oblitus est interpretis sui. | 23 Attamen praepositus pincernarum non est recordatus Ioseph, sed oblitus est interpretis sui. |