ΨΑΛΜΟΙ - Salmi - Psalms 87

¹ ωδη ψαλμου τοις υιοις κορε εις το τελος υπερ μαελεθ του αποκριθηναι συνεσεως αιμαν τω ισραηλιτη

² κυριε ο θεος της σωτηριας μου ημερας εκεκραξα και εν νυκτι εναντιον σου

³ εισελθατω ενωπιον σου η προσευχη μου κλινον το ους σου εις την δεησιν μου κυριε

⁴ οτι επλησθη κακων η ψυχη μου και η ζωη μου τω αδη ηγγισεν

⁵ προσελογισθην μετα των καταβαινοντων εις λακκον εγενηθην ως ανθρωπος αβοηθητος εν νεκροις ελευθερος

⁶ ωσει τραυματιαι ερριμμενοι καθευδοντες εν ταφω ων ουκ εμνησθης ετι και αυτοι εκ της χειρος σου απωσθησαν

⁷ εθεντο με εν λακκω κατωτατω εν σκοτεινοις και εν σκια θανατου

⁸ επ' εμε επεστηριχθη ο θυμος σου και παντας τους μετεωρισμους σου επ' εμε επηγαγες διαψαλμα

⁹ εμακρυνας τους γνωστους μου απ' εμου εθεντο με βδελυγμα εαυτοις παρεδοθην και ουκ εξεπορευομην

¹⁰ οι οφθαλμοι μου ησθενησαν απο πτωχειας εκεκραξα προς σε κυριε ολην την ημεραν διεπετασα προς σε τας χειρας μου

¹¹ μη τοις νεκροις ποιησεις θαυμασια η ιατροι αναστησουσιν και εξομολογησονται σοι

¹² μη διηγησεται τις εν ταφω το ελεος σου και την αληθειαν σου εν τη απωλεια

¹³ μη γνωσθησεται εν τω σκοτει τα θαυμασια σου και η δικαιοσυνη σου εν γη επιλελησμενη

¹⁴ καγω προς σε κυριε εκεκραξα και το πρωι η προσευχη μου προφθασει σε

¹⁵ ινα τι κυριε απωθεις την ψυχην μου αποστρεφεις το προσωπον σου απ' εμου

¹⁶ πτωχος ειμι εγω και εν κοποις εκ νεοτητος μου υψωθεις δε εταπεινωθην και εξηπορηθην

¹⁷ επ' εμε διηλθον αι οργαι σου και οι φοβερισμοι σου εξεταραξαν με

¹⁸ εκυκλωσαν με ως υδωρ ολην την ημεραν περιεσχον με αμα

¹⁹ εμακρυνας απ' εμου φιλον και πλησιον και τους γνωστους μου απο ταλαιπωριας