Scrutatio

Martedi, 14 maggio 2024 - San Mattia ( Letture di oggi)

Siracide 32

font
NOVA VULGATAVULGATA
1 Rectorem te posuerunt? Noli extolli:
esto in illis quasi unus ex ipsis.
1 Rectorem te posuerunt ? noli extolli :
esto in illis quasi unus ex ipsis.
2 Curam illorum habe et sic conside
et omni cura tua explicita recumbe,
2 Curam illorum habe, et sic conside,
et omni cura tua explicita recumbe :
3 ut laeteris propter illos
et decentiae gratia accipias coronam
et dignationem consequaris corrogationis.
3 ut læteris propter illos,
et ornamentum gratiæ accipias coronam,
et dignationem consequaris corrogationis.
4 Loquere, maior natu: decet enim te
4 Loquere major natu :
decet enim te
5 primum verbum in diligenti scientia;
et non impedias musicam.
5 primum verbum diligenti scientia,
et non impedias musicam.
6 Ubi convivium, non effundas sermonem
et importune noli extolli in sapientia tua.
6 Ubi auditus non est, non effundas sermonem,
et importune noli extolli in sapientia tua.
7 Gemmula carbunculi in ornamento auri,
et concentus musicorum in convivio vini;
7 Gemmula carbunculi in ornamento auri,
et comparatio musicorum in convivio vini.
8 sicut in fabricatione aurea signum est smaragdi,
sic numerus musicorum in iucundo et moderato vino.
8 Sicut in fabricatione auri signum est smaragdi,
sic numerus musicorum in jucundo et moderato vino.
9 Audi tacens, et pro reverentia accedet tibi bona gratia.
9 Audi tacens,
et pro reverentia accedet tibi bona gratia.
10 Adulescens, loquere in tua causa vix;
10 Adolescens, loquere in tua causa vix.
11 bis, si interrogatus fueris.
11 Si bis interrogatus fueris,
habeat caput responsum tuum.
12 Recapitula sermonem, in paucis multa;
esto quasi scius et simul tacens.
12 In multis esto quasi inscius,
et audi tacens simul et quærens.
13 In medio magnatorum non praesumas
et, ubi sunt senes, non multum loquaris.
13 In medio magnatorum non præsumas :
et ubi sunt senes non multum loquaris.
14 Ante tonitruum praeibit coruscatio,
et ante verecundum praeibit gratia.
14 Ante grandinem præibit coruscatio :
et ante verecundiam præibit gratia,
et pro reverentia accedet tibi bona gratia.
15 Et hora surgendi non te trices;
praecurre autem prior in domum tuam
et illic avocare et illic lude
15 Et hora surgendi non te trices :
præcurre autem prior in domum tuam,
et illic avocare, et illic lude,
16 et age conceptiones tuas
et noli peccare in verbo superbo.
16 et age conceptiones tuas,
et non in delictis et verbo superbo :
17 Et super his omnibus benedicito Dominum, qui fecit te
et inebriantem te ab omnibus bonis suis.
17 et super his omnibus benedicito Dominum, qui fecit,
et inebriantem te ab omnibus bonis suis.
18 Qui timet Dominum, excipiet doctrinam;
et, qui vigilaverint ad illum, invenient benedictionem.
18 Qui timet Dominum excipiet doctrinam ejus :
et qui vigilaverint ad illum invenient benedictionem.
19 Qui quaerit legem, replebitur ab ea; et, qui insidiose agit, scandalizabiturin ea.
19 Qui quærit legem replebitur ab ea,
et qui insidiose agit scandalizabitur in ea.
20 Qui timent Dominum, invenient iudicium iustum
et iustitias quasi lumen accendent.
20 Qui timent Dominum invenient judicium justum,
et justitias quasi lumen accendent.
21 Peccator homo vitabit correptionem
et secundum voluntatem suam inveniet comparationem.
21 Peccator homo vitabit correptionem,
et secundum voluntatem suam inveniet comparationem.
22 Vir consilii non despiciet intellegentiam;
alienus et superbus non pertimescet timorem.		22 Vir consilii non disperdet intelligentiam :
alienus et superbus non pertimescet timorem :
23
23 etiam postquam fecit cum eo sine consilio,
et suis insectationibus arguetur.
24 Fili, sine consilio nihil facias
et post factum non paenitebis.
24 Fili, sine consilio nihil facias,
et post factum non p?nitebis.
25 In via ruinae non eas
et non offendes bis in lapides;
ne credas te viae inexploratae,
ne ponas animae tuae scandalum.
25 In via ruinæ non eas, et non offendes in lapides :
nec credas te viæ laboriosæ, ne ponas animæ tuæ scandalum.
26 Et a filiis tuis cave
et a domesticis tuis attende.
26 Et a filiis tuis cave,
et a domesticis tuis attende.
27 In omni opere tuo confide animae tuae:
haec est enim conservatio mandatorum.
27 In omni opere tuo crede ex fide animæ tuæ,
hoc est enim conservatio mandatorum.
28 Qui credit legi, attendit mandatis;
et, qui confidit in Domino, non minorabitur.
28 Qui credit Deo attendit mandatis :
et qui confidit in illo non minorabitur.