ΠΑΡΟΙΜΙΑΙ - Proverbi - Proverbs 2

¹ υιε εαν δεξαμενος ρησιν εμης εντολης κρυψης παρα σεαυτω

² υπακουσεται σοφιας το ους σου και παραβαλεις καρδιαν σου εις συνεσιν παραβαλεις δε αυτην επι νουθετησιν τω υιω σου

³ εαν γαρ την σοφιαν επικαλεση και τη συνεσει δως φωνην σου την δε αισθησιν ζητησης μεγαλη τη φωνη

⁴ και εαν ζητησης αυτην ως αργυριον και ως θησαυρους εξερευνησης αυτην

⁵ τοτε συνησεις φοβον κυριου και επιγνωσιν θεου ευρησεις

⁶ οτι κυριος διδωσιν σοφιαν και απο προσωπου αυτου γνωσις και συνεσις

⁷ και θησαυριζει τοις κατορθουσι σωτηριαν υπερασπιει την πορειαν αυτων

⁸ του φυλαξαι οδους δικαιωματων και οδον ευλαβουμενων αυτον διαφυλαξει

⁹ τοτε συνησεις δικαιοσυνην και κριμα και κατορθωσεις παντας αξονας αγαθους

¹⁰ εαν γαρ ελθη η σοφια εις σην διανοιαν η δε αισθησις τη ση ψυχη καλη ειναι δοξη

¹¹ βουλη καλη φυλαξει σε εννοια δε οσια τηρησει σε

¹² ινα ρυσηται σε απο οδου κακης και απο ανδρος λαλουντος μηδεν πιστον

¹³ ω οι εγκαταλειποντες οδους ευθειας του πορευεσθαι εν οδοις σκοτους

¹⁴ οι ευφραινομενοι επι κακοις και χαιροντες επι διαστροφη κακη

¹⁵ ων αι τριβοι σκολιαι και καμπυλαι αι τροχιαι αυτων

¹⁶ του μακραν σε ποιησαι απο οδου ευθειας και αλλοτριον της δικαιας γνωμης

¹⁷ υιε μη σε καταλαβη κακη βουλη η απολειπουσα διδασκαλιαν νεοτητος και διαθηκην θειαν επιλελησμενη

¹⁸ εθετο γαρ παρα τω θανατω τον οικον αυτης και παρα τω αδη μετα των γηγενων τους αξονας αυτης

¹⁹ παντες οι πορευομενοι εν αυτη ουκ αναστρεψουσιν ουδε μη καταλαβωσιν τριβους ευθειας ου γαρ καταλαμβανονται υπο ενιαυτων ζωης

²⁰ ει γαρ επορευοντο τριβους αγαθας ευροσαν αν τριβους δικαιοσυνης λειους

²¹ χρηστοι εσονται οικητορες γης ακακοι δε υπολειφθησονται εν αυτη οτι ευθεις κατασκηνωσουσι γην και οσιοι υπολειφθησονται εν αυτη

²² οδοι ασεβων εκ γης ολουνται οι δε παρανομοι εξωσθησονται απ' αυτης