Siracide 11
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Sapientia humiliati exaltabit caput illius et in medio magnatorum consedere illum faciet. | 1 Sapientia humiliati exaltabit caput illius, et in medio magnatorum consedere illum faciet. |
2 Non laudes virum in specie sua neque spernas hominem deformem in visu suo. | 2 Non laudes virum in specie sua, neque spernas hominem in visu suo. |
3 Brevis in volatilibus est apis, et initium dulcoris habet fructus illius. | 3 Brevis in volatilibus est apis, et initium dulcoris habet fructus illius. |
4 In vestitu ne glorieris umquam nec in die honoris tui extollaris, quoniam mirabilia opera Altissimi solius, et absconsa et invisa hominibus opera illius. | 4 In vestitu ne glorieris umquam, nec in die honoris tui extollaris : quoniam mirabilia opera Altissimi solius, et gloriosa, et absconsa, et invisa opera illius. |
5 Multi tyranni sederunt in terra, et insuspicabilis portavit diadema. | 5 Multi tyranni sederunt in throno : et insuspicabilis portavit diadema. |
6 Multi potentes exhonorati sunt valide, et gloriosi traditi sunt in manus alterorum. | 6 Multi potentes oppressi sunt valide, et gloriosi traditi sunt in manus alterorum. |
7 Priusquam interroges, ne vituperes quemquam, sed, postquam interrogaveris, corripe iuste. | 7 Priusquam interroges, ne vituperes quemquam : et cum interrogaveris, corripe juste. |
8 Priusquam audias, ne respondeas verbum et in medio sermonum ne adicias loqui. | 8 Priusquam audias, ne respondeas verbum : et in medio sermonum ne adjicias loqui. |
9 De ea re, quae te non molestat, ne certeris et in iudicio peccantium ne consistas. | 9 De ea re quæ te non molestat, ne certeris : et in judicio peccantium ne consistas. |
10 Fili, ne in multis sint actus tui; etsi festinaveris, non eris immunis a delicto: si enim persecutus fueris, non apprehendes, et non effugies, si discurreris. | 10 Fili, ne in multis sint actus tui : et si dives fueris, non eris immunis a delicto. Si enim secutus fueris, non apprehendes : et non effugies, si præcucurreris. |
11 Est homo laborans et festinans et dolens et tanto magis non abundabit. | 11 Est homo laborans et festinans, et dolens : impius, et tanto magis non abundabit. |
12 Est homo marcidus egens susceptione, plus deficiens virtute et abundans paupertate; | 12 Est homo marcidus egens recuperatione, plus deficiens virtute, et abundans paupertate : |
13 et oculus Dei respexit illum in bono et erexit eum ab humilitate ipsius et exaltavit caput eius: et mirati sunt in illo multi. | 13 et oculus Dei respexit illum in bono, et erexit eum ab humilitate ipsius, et exaltavit caput ejus : et mirati sunt in illo multi, et honoraverunt Deum. |
14 Bona et mala, vita et mors, paupertas et honestas a Deo sunt. | 14 Bona et mala, vita et mors, paupertas et honestas, a Deo sunt : |
15 Sapientia et disciplina et scientia legis apud Dominum; dilectio et viae bonorum apud ipsum. | 15 sapientia, et disciplina, et scientia legis, apud Deum : dilectio, et viæ bonorum, apud ipsum. |
16 Error et tenebrae peccatoribus concreata sunt; qui autem exsultant in malis, consenescunt in malo. | 16 Error et tenebræ peccatoribus concreata sunt : qui autem exsultant in malis consenescunt in malo. |
17 Datio Dei permanet iustis, et beneplacitum illius successus habebit in aeternum. | 17 Datio Dei permanet justis, et profectus illius successus habebit in æternum. |
18 Est qui locupletatur parce agendo, et haec est pars mercedis illius | 18 Est qui locupletatur parce agendo, et hæc est pars mercedis illius. |
19 in eo quod dicit: “ Inveni requiem mihi, et nunc manducabo de bonis meis solus”; | 19 In eo quod dicit : Inveni requiem mihi, et nunc manducabo de bonis meis solus : |
20 et nescit quod tempus praeteriet, et mors appropinquet, et relinquet omnia aliis et morietur. | 20 et nescit quod tempus præteriet, et mors appropinquet, et relinquat omnia aliis, et morietur. |
21 Sta in mandato tuo et in illo conversare et in opere mandatorum tuorum veterasce. | 21 Sta in testamento tuo, et in illo colloquere, et in opere mandatorum tuorum veterasce. |
22 Ne mireris in operibus peccatorum; confide autem in Deo et mane in labore tuo. | 22 Ne manseris in operibus peccatorum : confide autem in Deo, et mane in loco tuo. |
23 Facile est enim in oculis Dei subito honestare pauperem. | 23 Facile est enim in oculis Dei subito honestare pauperem. |
24 Benedictio Dei in mercede iusti continuo, et in hora veloci successus illius fructificat. | 24 Benedictio Dei in mercedem justi festinat, et in hora veloci processus illius fructificat. |
25 Ne dicas: “ Quid est mihi opus? Et, quae erunt mihi ex hoc bona? ”. | 25 Ne dicas : Quid est mihi opus ? et quæ erunt mihi ex hoc bona ? |
26 Ne dicas: “ Sufficiens mihi sum; et, quid ex hoc nunc pessimabor? ” | 26 Ne dicas : Sufficiens mihi sum : et quid ex hoc pessimabor ? |
27 In die bonorum ne immemor sis malorum et in die malorum ne immemor sis bonorum, | 27 In die bonorum ne immemor sis malorum, et in die malorum ne immemor sis bonorum : |
28 quoniam facile est coram Deo in die obitus retribuere unicuique secundum vias suas. | 28 quoniam facile est coram Deo in die obitus retribuere unicuique secundum vias suas. |
29 Malitia horae oblivionem facit luxuriae magnae, et in fine hominis denudatio operum illius. | 29 Malitia horæ oblivionem facit luxuriæ magnæ, et in fine hominis denudatio operum illius. |
30 Ante mortem ne laudes hominem quemquam, quoniam in extremis suis agnoscitur vir. | 30 Ante mortem ne laudes hominem quemquam : quoniam in filiis suis agnoscitur vir. |
31 Non omnem hominem inducas in domum tuam, multae enim sunt insidiae dolosi. | 31 Non omnem hominem inducas in domum tuam : multæ enim sunt insidiæ dolosi. |
32 Sicut enim eructant praecordia foetentium, et sicut perdix inducitur in caveam, et ut caprea in laqueum, sic et cor superborum, et sicut prospector videns casum proximi sui. | 32 Sicut enim eructant præcordia f?tentium, et sicut perdix inducitur in caveam, et ut caprea in laqueum : sic et cor superborum, et sicut prospector videns casum proximi sui. |
33 Bona enim in mala convertens insidiator et in electis imponet maculam. | 33 Bona enim in mala convertens insidiatur, et in electis imponet maculam. |
34 A scintilla una augentur carbones, et ab uno doloso augetur sanguis; homo vero peccator sanguini insidiatur. | 34 A scintilla una augetur ignis, et ab uno doloso augetur sanguis : homo vero peccator sanguini insidiatur. |
35 Attende tibi a pestifero, fabricat enim mala; ne forte inducat super te maculam in perpetuum. | 35 Attende tibi a pestifero, fabricat enim mala, ne inducat super te subsannationem in perpetuum. |
36 Admitte ad te alienigenam, et subvertet te in turbore et abalienabit te a tuis propriis. | 36 Admitte ad te alienigenam : et subvertet te in turbine, et abalienabit te a tuis propriis. |