תהילים 12

תנ"ך - מקרא על פי המסורה	Miqra 'al pi ha-Mesorah
¹ לַמְנַצֵּחַ עַל־הַשְּׁמִינִית מִזְמֹור לְדָוִד	¹ לַמְנַצֵּחַ עַֽל־הַשְּׁמִינִיתמִזְמוֹר לְדָוִֽד׃
² הֹושִׁיעָה יְהוָה כִּי־גָמַר חָסִיד כִּי־פַסּוּ אֱמוּנִים מִבְּנֵי אָדָם	² הוֹשִׁיעָה יְהֹוָה כִּֽי־גָמַר חָסִידכִּי־פַסּוּ אֱמוּנִים מִבְּנֵי אָדָֽם׃
³ שָׁוְא ׀ יְדַבְּרוּ אִישׁ אֶת־רֵעֵהוּ שְׂפַת חֲלָקֹות בְּלֵב וָלֵב יְדַבֵּרוּ	³ שָׁוְא ׀ יְֽדַבְּרוּ אִישׁ אֶת־רֵעֵהוּשְׂפַת חֲלָקוֹתבְּלֵב וָלֵב יְדַבֵּֽרוּ׃
⁴ יַכְרֵת יְהוָה כָּל־שִׂפְתֵי חֲלָקֹות לָשֹׁון מְדַבֶּרֶת גְּדֹלֹות	⁴ יַכְרֵת יְהֹוָה כׇּל־שִׂפְתֵי חֲלָקוֹתלָשׁוֹן מְדַבֶּרֶת גְּדֹלֽוֹת׃
⁵ אֲשֶׁר אָמְרוּ ׀ לִלְשֹׁנֵנוּ נַגְבִּיר שְׂפָתֵינוּ אִתָּנוּ מִי אָדֹון לָנוּ	⁵ אֲשֶׁר אָמְרוּ ׀ לִלְשֹׁנֵנוּ נַגְבִּירשְׂפָתֵינוּ אִתָּנוּמִי אָדוֹן לָֽנוּ׃
⁶ מִשֹּׁד עֲנִיִּים מֵאַנְקַת אֶבְיֹונִים עַתָּה אָקוּם יֹאמַר יְהוָה אָשִׁית בְּיֵשַׁע יָפִיחַ לֹו	⁶ מִשֹּׁד עֲנִיִּים מֵאֶנְקַת אֶבְיוֹנִיםעַתָּה אָקוּם יֹאמַר יְהֹוָהאָשִׁית בְּיֵשַׁע יָפִיחַֽ לֽוֹ׃
⁷ אִמֲרֹות יְהוָה אֲמָרֹות טְהֹרֹות כֶּסֶף צָרוּף בַּעֲלִיל לָאָרֶץ מְזֻקָּק שִׁבְעָתָיִם	⁷ אִמְרוֹת יְהֹוָה אֲמָרוֹת טְהֹרוֹתכֶּסֶף צָרוּף בַּעֲלִיל לָאָרֶץמְזֻקָּק שִׁבְעָתָֽיִם׃
⁸ אַתָּה־יְהוָה תִּשְׁמְרֵם תִּצְּרֶנּוּ ׀ מִן־הַדֹּור זוּ לְעֹולָם	⁸ אַתָּֽה־יְהֹוָה תִּשְׁמְרֵםתִּצְּרֶנּוּ ׀ מִן־הַדּוֹר זוּ לְעוֹלָֽם׃
⁹ סָבִיב רְשָׁעִים יִתְהַלָּכוּן כְּרֻם זֻלּוּת לִבְנֵי אָדָם	⁹ סָבִיב רְשָׁעִים יִתְהַלָּכוּןכְּרֻם זֻלּוּת לִבְנֵי אָדָֽם׃