Proverbi משלי (Mishlei) 12

Torna indietro

Stuttgartensia - Delitzsch	Modern Hebrew Bible
¹ אֹהֵב מוּסָר אֹהֵב דָּעַת וְשֹׂנֵא תֹוכַחַת בָּעַר	¹ אהב מוסר אהב דעת ושנא תוכחת בער
² טֹוב יָפִיק רָצֹון מֵיְהוָה וְאִישׁ מְזִמֹּות יַרְשִׁיעַ	² טוב יפיק רצון מיהוה ואיש מזמות ירשיע
³ לֹא־יִכֹּון אָדָם בְּרֶשַׁע וְשֹׁרֶשׁ צַדִּיקִים בַּל־יִמֹּוט	³ לא יכון אדם ברשע ושרש צדיקים בל ימוט
⁴ אֵשֶׁת־חַיִל עֲטֶרֶת בַּעְלָהּ וּכְרָקָב בְּעַצְמֹותָיו מְבִישָׁה	⁴ אשת חיל עטרת בעלה וכרקב בעצמותיו מבישה
⁵ מַחְשְׁבֹות צַדִּיקִים מִשְׁפָּט תַּחְבֻּלֹות רְשָׁעִים מִרְמָה	⁵ מחשבות צדיקים משפט תחבלות רשעים מרמה
⁶ דִּבְרֵי רְשָׁעִים אֱרָב־דָּם וּפִי יְשָׁרִים יַצִּילֵם	⁶ דברי רשעים ארב דם ופי ישרים יצילם
⁷ הָפֹוךְ רְשָׁעִים וְאֵינָם וּבֵית צַדִּיקִים יַעֲמֹד	⁷ הפוך רשעים ואינם ובית צדיקים יעמד
⁸ לְפִישִׂ־כְלֹו יְהֻלַּל־אִישׁ וְנַעֲוֵה־לֵב יִהְיֶה לָבוּז	⁸ לפי שכלו יהלל איש ונעוה לב יהיה לבוז
⁹ טֹוב נִקְלֶה וְעֶבֶד לֹו מִמְּתַכַּבֵּד וַחֲסַר־לָחֶם	⁹ טוב נקלה ועבד לו ממתכבד וחסר לחם
¹⁰ יֹודֵעַ צַדִּיק נֶפֶשׁ בְּהֶמְתֹּו וְרַחֲמֵי רְשָׁעִים אַכְזָרִי	¹⁰ יודע צדיק נפש בהמתו ורחמי רשעים אכזרי
¹¹ עֹבֵד אַדְמָתֹו יִשְׂבַּע־לָחֶם וּמְרַדֵּף רֵיקִים חֲסַר־לֵב	¹¹ עבד אדמתו ישבע לחם ומרדף ריקים חסר לב
¹² חָמַד רָשָׁע מְצֹוד רָעִים וְשֹׁרֶשׁ צַדִּיקִים יִתֵּן	¹² חמד רשע מצוד רעים ושרש צדיקים יתן
¹³ בְּפֶשַׁע פָתַיִם מֹוקֵשׁ רָע וַיֵּצֵא מִצָּרָה צַדִּיק	¹³ בפשע שפתים מוקש רע ויצא מצרה צדיק
¹⁴ מִפְּרִי פִי־אִישׁ יִשְׂבַּע־טֹוב וּגְמוּל יְדֵי־אָדָם [יָשׁוּב כ] (יָשִׁיב ק) לֹו	¹⁴ מפרי פי איש ישבע טוב וגמול ידי אדם ישוב לו
¹⁵ דֶּרֶךְ אֱוִיל יָשָׁר בְּעֵינָיו וְשֹׁמֵעַ לְעֵצָה חָכָם	¹⁵ דרך אויל ישר בעיניו ושמע לעצה חכם
¹⁶ אֱוִיל בַּיֹּום יִוָּדַע כַּעְסֹו וְכֹסֶה קָלֹון עָרוּם	¹⁶ אויל ביום יודע כעסו וכסה קלון ערום
¹⁷ יָפִיחַ אֱמוּנָה יַגִּיד צֶדֶק וְעֵד שְׁקָרִים מִרְמָה	¹⁷ יפיח אמונה יגיד צדק ועד שקרים מרמה
¹⁸ יֵשׁ בֹּוטֶה כְּמַדְקְרֹות חָרֶב וּלְשֹׁון חֲכָמִים מַרְפֵּא	¹⁸ יש בוטה כמדקרות חרב ולשון חכמים מרפא
¹⁹ שְׂפַת־אֱמֶת תִּכֹּון לָעַד וְעַד־אַרְגִּיעָה לְשֹׁון שָׁקֶר	¹⁹ שפת אמת תכון לעד ועד ארגיעה לשון שקר
²⁰ מִרְמָה בְּלֶב־חֹרְשֵׁי רָע וּלְיֹעֲצֵי שָׁלֹום שִׂמְחָה	²⁰ מרמה בלב חרשי רע וליעצי שלום שמחה
²¹ לֹא־יְאֻנֶּה לַצַּדִּיק כָּל־אָוֶן וּרְשָׁעִים מָלְאוּ רָע	²¹ לא יאנה לצדיק כל און ורשעים מלאו רע
²² תֹּועֲבַת יְהוָה שִׂפְתֵי־שָׁקֶר וְעֹשֵׂי אֱמוּנָה רְצֹונֹו	²² תועבת יהוה שפתי שקר ועשי אמונה רצונו
²³ אָדָם עָרוּם כֹּסֶה דָּעַת וְלֵב כְּסִילִים יִקְרָא אִוֶּלֶת	²³ אדם ערום כסה דעת ולב כסילים יקרא אולת
²⁴ יַד־חָרוּצִים תִּמְשֹׁול וּרְמִיָּה תִּהְיֶה לָמַס	²⁴ יד חרוצים תמשול ורמיה תהיה למס
²⁵ דְּאָגָה בְלֶב־אִישׁ יַשְׁחֶנָּה וְדָבָר טֹוב יְשַׂמְּחֶנָּה	²⁵ דאגה בלב איש ישחנה ודבר טוב ישמחנה
²⁶ יָתֵר מֵרֵעֵהוּ צַדִּיק וְדֶרֶךְ רְשָׁעִים תַּתְעֵם	²⁶ יתר מרעהו צדיק ודרך רשעים תתעם
²⁷ לֹא־יַחֲרֹךְ רְמִיָּה צֵידֹו וְהֹון־אָדָם יָקָר חָרוּץ	²⁷ לא יחרך רמיה צידו והון אדם יקר חרוץ
²⁸ בְּאֹרַח־צְדָקָה חַיִּים וְדֶרֶךְ נְתִיבָה אַל־מָוֶת	²⁸ בארח צדקה חיים ודרך נתיבה אל מות

Cambia Bibbia

Confronta con un'altra Bibbia

Versetti esaminati