Salmi תהילים (Tehillim) 4

Stuttgartensia - Delitzsch	Modern Hebrew Bible
¹ לַמְנַצֵּחַ בִּנְגִינֹות מִזְמֹור לְדָוִד	¹ למנצח בנגינות מזמור לדוד בקראי ענני אלהי צדקי בצר הרחבת לי חנני ושמע תפלתי
² בְּקָרְאִי עֲנֵנִי ׀ אֱלֹהֵי צִדְקִי בַּצָּר הִרְחַבְתָּ לִּי חָנֵּנִי וּשְׁמַע תְּפִלָּתִי	² בני איש עד מה כבודי לכלמה תאהבון ריק תבקשו כזב סלה
³ בְּנֵי אִישׁ עַד־מֶה כְבֹודִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶלָה	³ ודעו כי הפלה יהוה חסיד לו יהוה ישמע בקראי אליו
⁴ וּדְעוּ כִּי־הִפְלָה יְהוָה חָסִיד לֹו יְהוָה יִשְׁמַע בְּקָרְאִי אֵלָיו	⁴ רגזו ואל תחטאו אמרו בלבבכם על משכבכם ודמו סלה
⁵ רִגְזוּ וְאַל־תֶּחֱטָאוּ אִמְרוּ בִלְבַבְכֶם עַל־מִשְׁכַּבְכֶם וְדֹמּוּ סֶלָה	⁵ זבחו זבחי צדק ובטחו אל יהוה
⁶ זִבְחוּ זִבְחֵי־צֶדֶק וּבִטְחוּ אֶל־יְהוָה	⁶ רבים אמרים מי יראנו טוב נסה עלינו אור פניך יהוה
⁷ רַבִּים אֹמְרִים מִי־יַרְאֵנוּ טֹוב נְסָה־עָלֵינוּ אֹור פָּנֶיךָ יְהוָה	⁷ נתתה שמחה בלבי מעת דגנם ותירושם רבו
⁸ נָתַתָּה שִׂמְחָה בְלִבִּי מֵעֵת דְּגָנָם וְתִירֹושָׁם רָבּוּ	⁸ בשלום יחדו אשכבה ואישן כי אתה יהוה לבדד לבטח תושיבני
⁹ בְּשָׁלֹום יַחְדָּו אֶשְׁכְּבָה וְאִישָׁן כִּי־אַתָּה יְהוָה לְבָדָד לָבֶטַח תֹּושִׁיבֵנִי