Giobbe 17
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Spiritus meus attenuatus est, dies mei exstincti, et solum mihi superest sepulcrum. | 1 Spiritus meus attenuabitur ; dies mei breviabuntur : et solum mihi superest sepulchrum. |
2 Nonne irrisiones circumdant me, et in amaritudinibus moratur oculus meus? | 2 Non peccavi, et in amaritudinibus moratur oculus meus. |
3 Pone pignus pro me iuxta te; et quis umquam spondens percutiet manum meam? | 3 Libera me, Domine, et pone me juxta te, et cujusvis manus pugnet contra me. |
4 Cor eorum longe fecisti a disciplina; propterea non exaltabuntur. | 4 Cor eorum longe fecisti a disciplina : propterea non exaltabuntur. |
5 Praedam pollicetur sociis, sed oculi filiorum eius deficient. | 5 Prædam pollicetur sociis, et oculi filiorum ejus deficient. |
6 Posuit me quasi in proverbium vulgi et conspuendum in faciem. | 6 Posuit me quasi in proverbium vulgi, et exemplum sum coram eis. |
7 Caligavit ab indignatione oculus meus, et membra mea quasi in umbram redacta sunt. | 7 Caligavit ab indignatione oculus meus, et membra mea quasi in nihilum redacta sunt. |
8 Stupebunt iusti super hoc, et innocens contra impium excitabitur. | 8 Stupebunt justi super hoc, et innocens contra hypocritam suscitabitur. |
9 Et tenebit iustus viam suam, et mundus manibus addet fortitudinem. | 9 Et tenebit justus viam suam, et mundis manibus addet fortitudinem. |
10 Igitur omnes vos convertimini et venite, et non inveniam in vobis ullum sapientem. | 10 Igitur omnes vos convertimini, et venite, et non inveniam in vobis ullum sapientem. |
11 Dies mei transierunt, cogitationes meae dissipatae sunt et desideria cordis mei. | 11 Dies mei transierunt ; cogitationes meæ dissipatæ sunt, torquentes cor meum. |
12 Noctem verterunt in diem; et rursum post tenebras properat lux. | 12 Noctem verterunt in diem, et rursum post tenebras spero lucem. |
13 Si sustinuero, infernus domus mea est; et in tenebris stravi lectulum meum. | 13 Si sustinuero, infernus domus mea est, et in tenebris stravi lectulum meum. |
14 Putredini dixi: Pater meus es!; Mater mea et soror mea! vermibus. | 14 Putredini dixi : Pater meus es ; Mater mea, et soror mea, vermibus. |
15 Ubi est ergo nunc praestolatio mea, et patientiam meam quis considerat? | 15 Ubi est ergo nunc præstolatio mea ? et patientiam meam quis considerat ? |
16 In profundissimum infernum descendent omnia mea; simul in pulvere erit requies mihi? ”. | 16 In profundissimum infernum descendent omnia mea : putasne saltem ibi erit requies mihi ? |