ΙΩΒ - Giobbe - Job 18

¹ υπολαβων δε βαλδαδ ο σαυχιτης λεγει

² μεχρι τινος ου παυση επισχες ινα και αυτοι λαλησωμεν

³ δια τι ωσπερ τετραποδα σεσιωπηκαμεν εναντιον σου

⁴ κεχρηται σοι οργη τι γαρ εαν συ αποθανης αοικητος η υπ' ουρανον η καταστραφησεται ορη εκ θεμελιων

⁵ και φως ασεβων σβεσθησεται και ουκ αποβησεται αυτων η φλοξ

⁶ το φως αυτου σκοτος εν διαιτη ο δε λυχνος επ' αυτω σβεσθησεται

⁷ θηρευσαισαν ελαχιστοι τα υπαρχοντα αυτου σφαλαι δε αυτου η βουλη

⁸ εμβεβληται δε ο πους αυτου εν παγιδι εν δικτυω ελιχθειη

⁹ ελθοισαν δε επ' αυτον παγιδες κατισχυσει επ' αυτον διψωντας

¹⁰ κεκρυπται εν τη γη σχοινιον αυτου και η συλλημψις αυτου επι τριβων

¹¹ κυκλω ολεσαισαν αυτον οδυναι πολλοι δε περι ποδας αυτου ελθοισαν εν λιμω στενω

¹² πτωμα δε αυτω ητοιμασται εξαισιον

¹³ βρωθειησαν αυτου κλωνες ποδων κατεδεται δε τα ωραια αυτου θανατος

¹⁴ εκραγειη δε εκ διαιτης αυτου ιασις σχοιη δε αυτον αναγκη αιτια βασιλικη

¹⁵ κατασκηνωσει εν τη σκηνη αυτου εν νυκτι αυτου κατασπαρησονται τα ευπρεπη αυτου θειω

¹⁶ υποκατωθεν αι ριζαι αυτου ξηρανθησονται και επανωθεν επιπεσειται θερισμος αυτου

¹⁷ το μνημοσυνον αυτου απολοιτο εκ γης και υπαρχει ονομα αυτω επι προσωπον εξωτερω

¹⁸ απωσειεν αυτον εκ φωτος εις σκοτος

¹⁹ ουκ εσται επιγνωστος εν λαω αυτου ουδε σεσωσμενος εν τη υπ' ουρανον ο οικος αυτου αλλ' εν τοις αυτου ζησονται ετεροι

²⁰ επ' αυτω εστεναξαν εσχατοι πρωτους δε εσχεν θαυμα

²¹ ουτοι εισιν οικοι αδικων ουτος δε ο τοπος των μη ειδοτων τον κυριον