ΨΑΛΜΟΙ - Salmi - Psalms 83

¹εις το τελος υπερ των ληνων τοις υιοις κορε ψαλμος²ως αγαπητα τα σκηνωματα σου κυριε των δυναμεων³επιποθει και εκλειπει η ψυχη μου εις τας αυλας του κυριου η καρδια μου και η σαρξ μου ηγαλλιασαντο επι θεον ζωντα⁴και γαρ στρουθιον ευρεν εαυτω οικιαν και τρυγων νοσσιαν εαυτη ου θησει τα νοσσια αυτης τα θυσιαστηρια σου κυριε των δυναμεων ο βασιλευς μου και ο θεος μου⁵μακαριοι οι κατοικουντες εν τω οικω σου εις τους αιωνας των αιωνων αινεσουσιν σε διαψαλμα⁶μακαριος ανηρ ου εστιν η αντιλημψις αυτου παρα σου κυριε αναβασεις εν τη καρδια αυτου διεθετο⁷εν τη κοιλαδι του κλαυθμωνος εις τοπον ον εθετο και γαρ ευλογιας δωσει ο νομοθετων⁸πορευσονται εκ δυναμεως εις δυναμιν οφθησεται ο θεος των θεων εν σιων⁹κυριε ο θεος των δυναμεων εισακουσον της προσευχης μου ενωτισαι ο θεος ιακωβ διαψαλμα¹⁰υπερασπιστα ημων ιδε ο θεος και επιβλεψον επι το προσωπον του χριστου σου¹¹οτι κρεισσων ημερα μια εν ταις αυλαις σου υπερ χιλιαδας εξελεξαμην παραρριπτεισθαι εν τω οικω του θεου μαλλον η οικειν εν σκηνωμασιν αμαρτωλων¹²οτι ελεον και αληθειαν αγαπα κυριος ο θεος χαριν και δοξαν δωσει κυριος ου στερησει τα αγαθα τους πορευομενους εν ακακια¹³κυριε των δυναμεων μακαριος ανθρωπος ο ελπιζων επι σε

Cambia Bibbia

Confronta con un'altra Bibbia

Versetti esaminati