ΨΑΛΜΟΙ - Salmi - Psalms 138

¹ εις το τελος ψαλμος τω δαυιδ κυριε εδοκιμασας με και εγνως με

² συ εγνως την καθεδραν μου και την εγερσιν μου συ συνηκας τους διαλογισμους μου απο μακροθεν

³ την τριβον μου και την σχοινον μου συ εξιχνιασας και πασας τας οδους μου προειδες

⁴ οτι ουκ εστιν λογος εν γλωσση μου

⁵ ιδου κυριε συ εγνως παντα τα εσχατα και τα αρχαια συ επλασας με και εθηκας επ' εμε την χειρα σου

⁶ εθαυμαστωθη η γνωσις σου εξ εμου εκραταιωθη ου μη δυνωμαι προς αυτην

⁷ που πορευθω απο του πνευματος σου και απο του προσωπου σου που φυγω

⁸ εαν αναβω εις τον ουρανον συ ει εκει εαν καταβω εις τον αδην παρει

⁹ εαν αναλαβοιμι τας πτερυγας μου κατ' ορθρον και κατασκηνωσω εις τα εσχατα της θαλασσης

¹⁰ και γαρ εκει η χειρ σου οδηγησει με και καθεξει με η δεξια σου

¹¹ και ειπα αρα σκοτος καταπατησει με και νυξ φωτισμος εν τη τρυφη μου

¹² οτι σκοτος ου σκοτισθησεται απο σου και νυξ ως ημερα φωτισθησεται ως το σκοτος αυτης ουτως και το φως αυτης

¹³ οτι συ εκτησω τους νεφρους μου κυριε αντελαβου μου εκ γαστρος μητρος μου

¹⁴ εξομολογησομαι σοι οτι φοβερως εθαυμαστωθην θαυμασια τα εργα σου και η ψυχη μου γινωσκει σφοδρα

¹⁵ ουκ εκρυβη το οστουν μου απο σου ο εποιησας εν κρυφη και η υποστασις μου εν τοις κατωτατοις της γης

¹⁶ το ακατεργαστον μου ειδοσαν οι οφθαλμοι σου και επι το βιβλιον σου παντες γραφησονται ημερας πλασθησονται και ουθεις εν αυτοις

¹⁷ εμοι δε λιαν ετιμηθησαν οι φιλοι σου ο θεος λιαν εκραταιωθησαν αι αρχαι αυτων

¹⁸ εξαριθμησομαι αυτους και υπερ αμμον πληθυνθησονται εξηγερθην και ετι ειμι μετα σου

¹⁹ εαν αποκτεινης αμαρτωλους ο θεος ανδρες αιματων εκκλινατε απ' εμου

²⁰ οτι ερεις εις διαλογισμον λημψονται εις ματαιοτητα τας πολεις σου

²¹ ουχι τους μισουντας σε κυριε εμισησα και επι τοις εχθροις σου εξετηκομην

²² τελειον μισος εμισουν αυτους εις εχθρους εγενοντο μοι

²³ δοκιμασον με ο θεος και γνωθι την καρδιαν μου ετασον με και γνωθι τας τριβους μου

²⁴ και ιδε ει οδος ανομιας εν εμοι και οδηγησον με εν οδω αιωνια