Isaiah (ישעיה) - Isaia 138

¹ לדוד אודך בכל לבי נגד אלהים אזמרך² אשתחוה אל היכל קדשך ואודה את שמך על חסדך ועל אמתך כי הגדלת על כל שמך אמרתך³ ביום קראתי ותענני תרהבני בנפשי עז⁴ יודוך יהוה כל מלכי ארץ כי שמעו אמרי פיך⁵ וישירו בדרכי יהוה כי גדול כבוד יהוה⁶ כי רם יהוה ושפל יראה וגבה ממרחק יידע⁷ אם אלך בקרב צרה תחיני על אף איבי תשלח ידך ותושיעני ימינך⁸ יהוה יגמר בעדי יהוה חסדך לעולם מעשי ידיך אל תרף