ΙΩΒ - Giobbe - Job 28

¹ εστιν γαρ αργυριω τοπος οθεν γινεται τοπος δε χρυσιω οθεν διηθειται

² σιδηρος μεν γαρ εκ γης γινεται χαλκος δε ισα λιθω λατομειται

³ ταξιν εθετο σκοτει και παν περας αυτος εξακριβαζεται λιθος σκοτια και σκια θανατου

⁴ διακοπη χειμαρρου απο κονιας οι δε επιλανθανομενοι οδον δικαιαν ησθενησαν εκ βροτων

⁵ γη εξ αυτης εξελευσεται αρτος υποκατω αυτης εστραφη ωσει πυρ

⁶ τοπος σαπφειρου οι λιθοι αυτης και χωμα χρυσιον αυτω

⁷ τριβος ουκ εγνω αυτην πετεινον και ου παρεβλεψεν αυτην οφθαλμος γυπος

⁸ ουκ επατησαν αυτην υιοι αλαζονων ου παρηλθεν επ' αυτης λεων

⁹ εν ακροτομω εξετεινεν χειρα αυτου κατεστρεψεν δε εκ ριζων ορη

¹⁰ δινας δε ποταμων ερρηξεν παν δε εντιμον ειδεν μου ο οφθαλμος

¹¹ βαθη δε ποταμων ανεκαλυψεν εδειξεν δε εαυτου δυναμιν εις φως

¹² η δε σοφια ποθεν ευρεθη ποιος δε τοπος εστιν της επιστημης

¹³ ουκ οιδεν βροτος οδον αυτης ουδε μη ευρεθη εν ανθρωποις

¹⁴ αβυσσος ειπεν ουκ εστιν εν εμοι και θαλασσα ειπεν ουκ εστιν μετ' εμου

¹⁵ ου δωσει συγκλεισμον αντ' αυτης και ου σταθησεται αργυριον ανταλλαγμα αυτης

¹⁶ και ου συμβασταχθησεται χρυσιω ωφιρ εν ονυχι τιμιω και σαπφειρω

¹⁷ ουκ ισωθησεται αυτη χρυσιον και υαλος και το αλλαγμα αυτης σκευη χρυσα

¹⁸ μετεωρα και γαβις ου μνησθησεται και ελκυσον σοφιαν υπερ τα εσωτατα

¹⁹ ουκ ισωθησεται αυτη τοπαζιον αιθιοπιας χρυσιω καθαρω ου συμβασταχθησεται

²⁰ η δε σοφια ποθεν ευρεθη ποιος δε τοπος εστιν της συνεσεως

²¹ λεληθεν παντα ανθρωπον και απο πετεινων του ουρανου εκρυβη

²² η απωλεια και ο θανατος ειπαν ακηκοαμεν δε αυτης το κλεος

²³ ο θεος ευ συνεστησεν αυτης την οδον αυτος δε οιδεν τον τοπον αυτης

²⁴ αυτος γαρ την υπ' ουρανον πασαν εφορα ειδως τα εν τη γη παντα α εποιησεν

²⁵ ανεμων σταθμον υδατος τε μετρα

²⁶ οτε εποιησεν ουτως υετον ηριθμησεν και οδον εν τιναγματι φωνας

²⁷ τοτε ειδεν αυτην και εξηγησατο αυτην ετοιμασας εξιχνιασεν

²⁸ ειπεν δε ανθρωπω ιδου η θεοσεβεια εστιν σοφια το δε απεχεσθαι απο κακων εστιν επιστημη