ΙΩΒ - Giobbe - Job 17

¹ ολεκομαι πνευματι φερομενος δεομαι δε ταφης και ου τυγχανω

² λισσομαι καμνων και τι ποιησας

³ εκλεψαν δε μου τα υπαρχοντα αλλοτριοι τις εστιν ουτος τη χειρι μου συνδεθητω

⁴ οτι καρδιαν αυτων εκρυψας απο φρονησεως δια τουτο ου μη υψωσης αυτους

⁵ τη μεριδι αναγγελει κακιας οφθαλμοι δε μου εφ' υιοις ετακησαν

⁶ εθου δε με θρυλημα εν εθνεσιν γελως δε αυτοις απεβην

⁷ πεπωρωνται γαρ απο οργης οι οφθαλμοι μου πεπολιορκημαι μεγαλως υπο παντων

⁸ θαυμα εσχεν αληθινους επι τουτω δικαιος δε επι παρανομω επανασταιη

⁹ σχοιη δε πιστος την εαυτου οδον καθαρος δε χειρας αναλαβοι θαρσος

¹⁰ ου μην δε αλλα παντες ερειδετε και δευτε δη ου γαρ ευρισκω εν υμιν αληθες

¹¹ αι ημεραι μου παρηλθον εν βρομω ερραγη δε τα αρθρα της καρδιας μου

¹² νυκτα εις ημεραν εθηκαν φως εγγυς απο προσωπου σκοτους

¹³ εαν γαρ υπομεινω αδης μου ο οικος εν δε γνοφω εστρωται μου η στρωμνη

¹⁴ θανατον επεκαλεσαμην πατερα μου ειναι μητερα δε μου και αδελφην σαπριαν

¹⁵ που ουν μου ετι εστιν η ελπις η τα αγαθα μου οψομαι

¹⁶ η μετ' εμου εις αδην καταβησονται η ομοθυμαδον επι χωματος καταβησομεθα