Isaiah (ישעיה) - Isaia 91

MODERN HEBREW BIBLE	STUTTGARTENSIA-DELITZSCH
1 ישב בסתר עליון בצל שדי יתלונן	1 יֹשֵׁב בְּסֵתֶר עֶלְיֹון בְּצֵל דַּי יִתְלֹונָן
2 אמר ליהוה מחסי ומצודתי אלהי אבטח בו	2 אֹמַר לַיהוָה מַחְסִי וּמְצוּדָתִי אֱלֹהַי אֶבְטַח־בֹּו
3 כי הוא יצילך מפח יקוש מדבר הוות	3 כִּי הוּא יַצִּילְךָ מִפַּח יָקוּשׁ מִדֶּבֶר הַוֹּות
4 באברתו יסך לך ותחת כנפיו תחסה צנה וסחרה אמתו	4 בְּאֶבְרָתֹו ׀ יָסֶךְ לָךְ וְתַחַת־כְּנָפָיו תֶּחְסֶה צִנָּה וְסֹחֵרָה אֲמִתֹּו
5 לא תירא מפחד לילה מחץ יעוף יומם	5 לֹא־תִירָא מִפַּחַד לָיְלָה מֵחֵץ יָעוּף יֹומָם
6 מדבר באפל יהלך מקטב ישוד צהרים	6 מִדֶּבֶר בָּאֹפֶל יַהֲלֹךְ מִקֶּטֶב יָשׁוּד צָהֳרָיִם
7 יפל מצדך אלף ורבבה מימינך אליך לא יגש	7 יִפֹּל מִצִּדְּךָ ׀ אֶלֶף וּרְבָבָה מִימִינֶךָ אֵלֶיךָ לֹא יִגָּשׁ
8 רק בעיניך תביט ושלמת רשעים תראה	8 רַק בְּעֵינֶיךָ תַבִּיט וְשִׁלֻּמַת רְשָׁעִים תִּרְאֶה
9 כי אתה יהוה מחסי עליון שמת מעונך	9 כִּי־אַתָּה יְהוָה מַחְסִי עֶלְיֹון שַׂמְתָּ מְעֹונֶךָ
10 לא תאנה אליך רעה ונגע לא יקרב באהלך	10 לֹא־תְאֻנֶּה אֵלֶיךָ רָעָה וְנֶגַע לֹא־יִקְרַב בְּאָהֳלֶךָ
11 כי מלאכיו יצוה לך לשמרך בכל דרכיך	11 כִּי מַלְאָכָיו יְצַוֶּה־לָּךְ לִשְׁמָרְךָ בְּכָל־דְּרָכֶיךָ
12 על כפים ישאונך פן תגף באבן רגלך	12 עַל־כַּפַּיִם יִשָּׂאוּנְךָ פֶּן־תִּגֹּף בָּאֶבֶן רַגְלֶךָ
13 על שחל ופתן תדרך תרמס כפיר ותנין	13 עַל־שַׁחַל וָפֶתֶן תִּדְרֹךְ תִּרְמֹס כְּפִיר וְתַנִּין
14 כי בי חשק ואפלטהו אשגבהו כי ידע שמי	14 כִּי בִי חָשַׁק וַאֲפַלְּטֵהוּ אֲשַׂגְּבֵהוּ כִּי־יָדַע שְׁמִי
15 יקראני ואענהו עמו אנכי בצרה אחלצהו ואכבדהו	15 יִקְרָאֵנִי ׀ וְאֶעֱנֵהוּ עִמֹּו־אָנֹכִי בְצָרָה אֲחַלְּצֵהוּ וַאֲכַבְּדֵהוּ
16 ארך ימים אשביעהו ואראהו בישועתי	16 אֹרֶךְ יָמִים אַשְׂבִּיעֵהוּ וְאַרְאֵהוּ בִּישׁוּעָתִי