Salmi תהילים (Tehillim) 51

MODERN HEBREW BIBLE	Miqra 'al pi ha-Mesorah
1 למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי	1 לַמְנַצֵּחַ מִזְמוֹר לְדָוִֽד׃
2 הרבה כבסני מעוני ומחטאתי טהרני	2 בְּֽבוֹא־אֵלָיו נָתָן הַנָּבִיאכַּאֲשֶׁר־בָּא אֶל־בַּת־שָֽׁבַע׃
3 כי פשעי אני אדע וחטאתי נגדי תמיד	3 חׇנֵּנִי אֱלֹהִים כְּחַסְדֶּךָכְּרֹב רַחֲמֶיךָ מְחֵה פְשָׁעָֽי׃
4 לך לבדך חטאתי והרע בעיניך עשיתי למען תצדק בדברך תזכה בשפטך	4 הרבה הֶרֶב כַּבְּסֵנִי מֵעֲוֺנִיוּֽמֵחַטָּאתִי טַהֲרֵֽנִי׃
5 הן בעוון חוללתי ובחטא יחמתני אמי	5 כִּֽי־פְשָׁעַי אֲנִי אֵדָעוְחַטָּאתִי נֶגְדִּי תָמִֽיד׃
6 הן אמת חפצת בטחות ובסתם חכמה תודיעני	6 לְךָ לְבַדְּךָ ׀ חָטָאתִיוְהָרַע בְּעֵינֶיךָ עָשִׂיתִילְמַעַן תִּצְדַּק בְּדׇבְרֶךָתִּזְכֶּה בְשׇׁפְטֶֽךָ׃
7 תחטאני באזוב ואטהר תכבסני ומשלג אלבין	7 הֵן־בְּעָווֹן חוֹלָלְתִּיוּבְחֵטְא יֶחֱמַתְנִי אִמִּֽי׃
8 תשמיעני ששון ושמחה תגלנה עצמות דכית	8 הֵן־אֱמֶת חָפַצְתָּ בַטֻּחוֹתוּבְסָתֻם חׇכְמָה תוֹדִיעֵֽנִי׃
9 הסתר פניך מחטאי וכל עונתי מחה	9 תְּחַטְּאֵנִי בְאֵזוֹב וְאֶטְהָרתְּכַבְּסֵנִי וּמִשֶּׁלֶג אַלְבִּֽין׃
10 לב טהור ברא לי אלהים ורוח נכון חדש בקרבי	10 תַּשְׁמִיעֵנִי שָׂשׂוֹן וְשִׂמְחָהתָּגֵלְנָה עֲצָמוֹת דִּכִּֽיתָ׃
11 אל תשליכני מלפניך ורוח קדשך אל תקח ממני	11 הַסְתֵּר פָּנֶיךָ מֵחֲטָאָיוְֽכׇל־עֲוֺנֹתַי מְחֵֽה׃
12 השיבה לי ששון ישעך ורוח נדיבה תסמכני	12 לֵב טָהוֹר בְּרָא־לִי אֱלֹהִיםוְרוּחַ נָכוֹן חַדֵּשׁ בְּקִרְבִּֽי׃
13 אלמדה פשעים דרכיך וחטאים אליך ישובו	13 אַל־תַּשְׁלִיכֵנִי מִלְּפָנֶיךָוְרוּחַ קׇדְשְׁךָ אַל־תִּקַּח מִמֶּֽנִּי׃
14 הצילני מדמים אלהים אלהי תשועתי תרנן לשוני צדקתך	14 הָשִׁיבָה לִּי שְׂשׂוֹן יִשְׁעֶךָוְרוּחַ נְדִיבָה תִסְמְכֵֽנִי׃
15 אדני שפתי תפתח ופי יגיד תהלתך	15 אֲלַמְּדָה פֹשְׁעִים דְּרָכֶיךָוְחַטָּאִים אֵלֶיךָ יָשֽׁוּבוּ׃
16 כי לא תחפץ זבח ואתנה עולה לא תרצה	16 הַצִּילֵנִי מִדָּמִים ׀ אֱֽלֹהִיםאֱלֹהֵי תְּשׁוּעָתִיתְּרַנֵּן לְשׁוֹנִי צִדְקָתֶֽךָ׃
17 זבחי אלהים רוח נשברה לב נשבר ונדכה אלהים לא תבזה	17 אֲדֹנָי שְׂפָתַי תִּפְתָּחוּפִי יַגִּיד תְּהִלָּתֶֽךָ׃
18 היטיבה ברצונך את ציון תבנה חומות ירושלם	18 כִּי ׀ לֹא־תַחְפֹּץ זֶבַח וְאֶתֵּנָהעוֹלָה לֹא תִרְצֶֽה׃
19 אז תחפץ זבחי צדק עולה וכליל אז יעלו על מזבחך פרים	19 זִבְחֵי אֱלֹהִים רוּחַ נִשְׁבָּרָהלֵב־נִשְׁבָּר וְנִדְכֶּהאֱלֹהִים לֹא תִבְזֶֽה׃
	20 הֵיטִיבָה בִרְצוֹנְךָ אֶת־צִיּוֹןתִּבְנֶה חוֹמוֹת יְרוּשָׁלָֽ‍ִם׃
	21 אָז תַּחְפֹּץ זִבְחֵי־צֶדֶק עוֹלָה וְכָלִילאָז יַעֲלוּ עַל־מִזְבַּחֲךָ פָרִֽים׃