ΣΟΦΙΑ ΣΕΙΡΑΧ - Siracide - Sirach 42

¹ μη περι τουτων αισχυνθης και μη λαβης προσωπον του αμαρτανειν

² περι νομου υψιστου και διαθηκης και περι κριματος δικαιωσαι τον ασεβη

³ περι λογου κοινωνου και οδοιπορων και περι δοσεως κληρονομιας εταιρων

⁴ περι ακριβειας ζυγου και σταθμιων και περι κτησεως πολλων και ολιγων

⁵ περι διαφορου πρασεως εμπορων και περι παιδειας τεκνων πολλης και οικετη πονηρω πλευραν αιμαξαι

⁶ επι γυναικι πονηρα καλον σφραγις και οπου χειρες πολλαι κλεισον

⁷ ο εαν παραδιδως εν αριθμω και σταθμω και δοσις και λημψις παντα εν γραφη

⁸ περι παιδειας ανοητου και μωρου και εσχατογηρως κρινομενου προς νεους και εση πεπαιδευμενος αληθινως και δεδοκιμασμενος εναντι παντος ζωντος

⁹ θυγατηρ πατρι αποκρυφος αγρυπνια και η μεριμνα αυτης αφιστα υπνον εν νεοτητι αυτης μηποτε παρακμαση και συνωκηκυια μηποτε μισηθη

¹⁰ εν παρθενια μηποτε βεβηλωθη και εν τοις πατρικοις αυτης εγκυος γενηται μετα ανδρος ουσα μηποτε παραβη και συνωκηκυια μηποτε στειρωθη

¹¹ επι θυγατρι αδιατρεπτω στερεωσον φυλακην μηποτε ποιηση σε επιχαρμα εχθροις λαλιαν εν πολει και εκκλητον λαου και καταισχυνη σε εν πληθει πολλων

¹² παντι ανθρωπω μη εμβλεπε εν καλλει και εν μεσω γυναικων μη συνεδρευε

¹³ απο γαρ ιματιων εκπορευεται σης και απο γυναικος πονηρια γυναικος

¹⁴ κρεισσων πονηρια ανδρος η αγαθοποιος γυνη και γυνη καταισχυνουσα εις ονειδισμον

¹⁵ μνησθησομαι δη τα εργα κυριου και α εορακα εκδιηγησομαι εν λογοις κυριου τα εργα αυτου

¹⁶ ηλιος φωτιζων κατα παν επεβλεψεν και της δοξης κυριου πληρες το εργον αυτου

¹⁷ ουκ εξεποιησεν τοις αγιοις κυριου εκδιηγησασθαι παντα τα θαυμασια αυτου α εστερεωσεν κυριος ο παντοκρατωρ στηριχθηναι εν δοξη αυτου το παν

¹⁸ αβυσσον και καρδιαν εξιχνευσεν και εν πανουργευμασιν αυτων διενοηθη εγνω γαρ ο υψιστος πασαν ειδησιν και ενεβλεψεν εις σημειον αιωνος

¹⁹ απαγγελλων τα παρεληλυθοτα και τα εσομενα και αποκαλυπτων ιχνη αποκρυφων

²⁰ ου παρηλθεν αυτον παν διανοημα ουκ εκρυβη απ' αυτου ουδε εις λογος

²¹ τα μεγαλεια της σοφιας αυτου εκοσμησεν ως εστιν προ του αιωνος και εις τον αιωνα ουτε προσετεθη ουτε ηλαττωθη και ου προσεδεηθη ουδενος συμβουλου

²² ως παντα τα εργα αυτου επιθυμητα και ως σπινθηρος εστιν θεωρησαι

²³ παντα ταυτα ζη και μενει εις τον αιωνα εν πασαις χρειαις και παντα υπακουει

²⁴ παντα δισσα εν κατεναντι του ενος και ουκ εποιησεν ουδεν ελλειπον

²⁵ εν του ενος εστερεωσεν τα αγαθα και τις πλησθησεται ορων δοξαν αυτου