תהילים 14

תנ"ך - מקרא על פי המסורה	Modern Hebrew Bible
¹ לַמְנַצֵּחַ לְדָוִד אָמַר נָבָל בְּלִבֹּו אֵין אֱלֹהִים הִשְׁחִיתוּ הִתְעִיבוּ עֲלִילָה אֵין עֹשֵׂה־טֹוב	¹ למנצח לדוד אמר נבל בלבו אין אלהים השחיתו התעיבו עלילה אין עשה טוב
² יְהוָה מִשָּׁמַיִם הִשְׁקִיף עַל־בְּנֵי־אָדָם לִרְאֹות הֲיֵשׁ מַשְׂכִּיל דֹּרֵשׁ אֶת־אֱלֹהִים	² יהוה משמים השקיף על בני אדם לראות היש משכיל דרש את אלהים
³ הַכֹּל סָר יַחְדָּו נֶאֱלָחוּ אֵין עֹשֵׂה־טֹוב אֵין גַּם־אֶחָד	³ הכל סר יחדו נאלחו אין עשה טוב אין גם אחד
⁴ הֲלֹא יָדְעוּ כָּל־פֹּעֲלֵי אָוֶן אֹכְלֵי עַמִּי אָכְלוּ לֶחֶם יְהוָה לֹא קָרָאוּ	⁴ הלא ידעו כל פעלי און אכלי עמי אכלו לחם יהוה לא קראו
⁵ שָׁם ׀ פָּחֲדוּ פָחַד כִּי־אֱלֹהִים בְּדֹור צַדִּיק	⁵ שם פחדו פחד כי אלהים בדור צדיק
⁶ עֲצַת־עָנִי תָבִישׁוּ כִּי יְהוָה מַחְסֵהוּ	⁶ עצת עני תבישו כי יהוה מחסהו
⁷ מִי יִתֵּן מִצִּיֹּון יְשׁוּעַת יִשְׂרָאֵל בְּשׁוּב יְהוָה שְׁבוּת עַמֹּו יָגֵל יַעֲקֹב יִשְׂמַח יִשְׂרָאֵל	⁷ מי יתן מציון ישועת ישראל בשוב יהוה שבות עמו יגל יעקב ישמח ישראל